پی ٹی آئی راہنماؤں کو سزائیں، آج جمہوریت کے لیے افسوسناک دن ہے، بیرسٹر گوہر
اشاعت کی تاریخ: 31st, July 2025 GMT
چیئرمین پی ٹی آئی کا ہنگامی پریس کانفرنس میں کہنا تھا کہ پی ٹی آئی سسٹم اور جمہوریت پر یقین رکھتی ہے، انتشار یا تصادم کی سیاست پر نہیں، لیکن حالات یہاں تک آ گئے ہیں کہ ہمیں اپنے قائد عمران خان کے سامنے یہ بات رکھنی پڑے گی کہ آیا ہمیں ایوان کا بائیکاٹ کرنا چاہئے یا کوئی تحریک چلانی چاہئے، اس کا حتمی فیصلہ پارٹی قیادت بہت جلد کرے گی۔ اسلام ٹائمز۔ چیئرمین پی ٹی آئی بیرسٹر گوہر نے پارٹی راہنماؤں کو عدالت سے سزائیں سنائے جانے پر ردعمل کا اظہار کرتے ہوئے کہا ہے کہ ایوان کا بائیکاٹ یا تحریک چلانے سے متعلق فیصلہ جلد کریں گے۔ اسد قیصر، جنید اکبر خان، علامہ راجا ناصر عباس کے ہمراہ ہنگامی پریس کانفرنس کرتے ہوئے بیرسٹر گوہر نے کہا کہ آج جمہوریت کے لیے افسوسناک دن ہے، ہمارا مینڈیٹ چوری کیا گیا، ہمارے لیڈر کو جیل میں رکھا گیا اور انصاف کے دروازے بند کیے گئے۔ بیرسٹر گوہر نے کہا کہ ہم نے ہر ممکن کوشش کی کہ جمہوریت چلے، ایوان چلے، لیکن ظلم، ناانصافی اور غیر مساوی سلوک کی انتہا ختم ہونے کا نام نہیں لے رہی، ہمارے 6 ایم این ایز، 3ایم پی ایز، ایک سینیٹر، اپوزیشن لیڈر قومی اسمبلی اور سینیٹ کو سزائیں دی گئیں، حتیٰ کہ سنی اتحاد کونسل کے سربراہ حامد رضا اور زرتاج گل کو بھی نشانہ بنایا گیا۔
بیرسٹر گوہر نے کہا کہ ہماری قیادت نے ہمیشہ سسٹم کو بچانے کی بات کی، دھرنا نہیں دیا، ایوان میں رہے، لیکن اس کے باوجود پی ٹی آئی کو مسلسل دیوار سے لگایا جا رہا ہے، ہم نے چیف جسٹس سے صرف انصاف مانگا کچھ اور نہیں، لیکن آج بھی 2023ء سے دائر پٹیشنز پر فیصلے نہیں ہو پا رہے جبکہ عدالتوں میں رات 2 بجے تک ٹرائلز چلائے جا رہے ہیں۔ چیئرمین پی ٹی آئی نے الیکشن کمیشن کو بھی شدید تنقید کا نشانہ بناتے ہوئے کہا کہ یہ وہی الیکشن کمیشن ہے جس کی مدت پوری ہو چکی ہے، لیکن ہمارے منتخب نمائندوں کو مسلسل نااہل کیا جا رہا ہے، اگر پی ٹی آئی کو سسٹم سے نکالا جا رہا ہے تو سوال یہ ہے کہ اس کے پیچھے کون لوگ ہیں۔؟
انہوں نے کہا کہ پی ٹی آئی سسٹم اور جمہوریت پر یقین رکھتی ہے، انتشار یا تصادم کی سیاست پر نہیں، لیکن حالات یہاں تک آ گئے ہیں کہ ہمیں اپنے قائد عمران خان کے سامنے یہ بات رکھنی پڑے گی کہ آیا ہمیں ایوان کا بائیکاٹ کرنا چاہئے یا کوئی تحریک چلانی چاہئے، اس کا حتمی فیصلہ پارٹی قیادت بہت جلد کرے گی۔ بیرسٹر گوہر نے کہا کہ جب دو فریق آپس میں الجھتے ہیں تو سب کی نگاہیں عدلیہ کی طرف ہوتی ہیں، ہم عدلیہ سے انصاف چاہتے ہیں۔
ذریعہ: Islam Times
کلیدی لفظ: بیرسٹر گوہر نے کہا کہ پی ٹی آئی
پڑھیں:
درجنوں لیڈروں کو دہشتگردی کیس میں سزائیں؛ پی ٹی آئی نے بڑا اعلان کر دیا
سٹی42: پی ٹی آئی نے قومی اسمبلی اور سینیٹ میں اپوزیشن لیڈروں عمر ایوب خان اور شبلی فراز کے ساتھ متعدد دوسرے اہم لیڈروں کو انسداد دہشت گردی عدالت سے نو مئی 2023 کو ریاستی اداروں پر حملوں کے مقدمات میں سزائیں سنائے جانے کے بعد بڑا فیصلہ کر لیا۔ پی ٹی آئی کے چئیرمین بیرسٹر گوہر نے آج سہ پہر کچھ دیر پہلے اس فیسلے کا اعلان کیا ہے۔
پاکستان تحریک انصاف کے چیئرمین بیرسٹر گوہر نے پی ٹی آئی قیادت کو 9 مئی کیسز میں سزاؤں کو ہائیکورٹ میں چیلنج کرنے کا اعلان کر دیا ہے۔ اس کے ساتھ انہوں نے کہا، ہم دیکھیں گے کہ پارلیمنٹ میں جانا ہے یا تحریک چلانا ہے۔
پنجاب حکومت کاصحت کےمنصوبوں میں پرائیویٹ سیکٹرکوشراکت داربنانےکافیصلہ
پی ٹی آئی کے چیئرمین بیرسٹر گوہر علی نے فیصل آباد اے ٹی سی عدالت کی جانب سے 9 مئی کیسز میں پی ٹی آئی قیادت کو سزائیں سنائے جانے کے فیصلے کو ہائیکورٹ میں چیلنج کرنے کا اعلان کرتے ہوئے کہا ہے کہ جلد اس بات کا فیصلہ کریں گے کہ ہمیں اب تحریک چلانی ہے یا ایوان میں جانا ہے۔ آئندہ کا لائحہ عمل بہت جلد بتائیں گے۔
بیرسٹر گوہر نے کہا کہ تحریک انصاف سسٹم پر یقین رکھتی ہے اور ہمیں صرف انصاف چاہیے۔ جنہیں سزائیں دی گئیں، وہ تشدد کے حامی نہیں۔ ہم نے مشکلات برداشت کیں مگر سسٹم کو چلنے دیا۔ ہمارے لیڈرز کو سزا دی گئی ان سب کے باوجود ہم سسٹم کا حصہ رہے اور ایوان کے باہر اسمبلی نہیں لگائی۔ کچھ لوگ سسٹم کو لپیٹنے کی کوشش کر رہے ہیں۔اب تحریک انصاف کی سیاسی کمیٹی غور کرے گی کہ ایوان میں جانا ہے یا نہیں۔
ساف انڈر 17 چیمپئن شپ 2025 کا شیڈول جاری
لوگوں کو نا اہل کر کے جمہوریت کا کیا بھلا ہوگا۔ یہ وقت ہے کہ سیاسی جماعتیں فیصلہ کریں کہ ملک میں جمہوریت قائم رہے۔ ہم اکٹھے ہوں گے ۔ باتیں کریں گے۔ حل نکلنا چاہیے۔
بیرسٹر گوہر نے کہا، آج تک ہماری پٹیشن پر فیصلہ نہیں ہوا۔ الیکشن کمیشن کی مدت ختم ہوچکی ہے، پھر بھی وہ فیصلے کر رہے ہیں اور ہمارے لوگوں کو نا اہل کر رہے ہیں۔
آج جمعرات کے روز فیصل آباد کی انسداد دہشتگردی کی عدالت نے 9 مئی 2023 کے مقدمے میں ملوث پائے گئے 108 مجرموں کو سزائیں سنائیں۔ ان میں پی ٹی آئی کے کئی اہم لیدر شامل ہیں۔ قومی اسمبلی مین اپوزیشن لیدر عمر ایوب خان اور سینیٹ میں اپوزیشن لیدر شبلی فراز کو دس دس سال قید کی سزائین ہوئی ہیں۔ کئی دوسرے ارکان پارلیمنٹ کو بھی سزائین ہوئی ہیں۔ ان لیڈروں کے باضابطہ مجرم قرار پانے کے بعد اب الیکشن کمیشن ان کو پارلیمنٹ کی رکنیت کے لئے نا اہل قرار دے گا اور ان کی نشستیں خالی قرار دے کر ان یشستوں پر ضمنی الیکشن کروانے کا شیڈول دے گا۔ اس سے پہلے انسداد دہشتگردی عدالت نے جن مجرموں کو کو دس، 10 سال قید کی سزا سنائی ہے، الیکشن کمیشن ان کو نا اہل قرار دے چکا ہے۔
ایاز صادق کی ایرانی ہم منصب سے ملاقات، دو طرفہ تعلقات مزید مستحکم بنانے پر اتفاق
فیصل آباد میں اے ٹی سی نے 9 مئی کیس میں 108 ملزموں کو سزا سنائی جبکہ 77 ملزمان کو بری کیا۔
اہم ترین
9 مئی کیسز : عمر ایوب، شبلی فراز ...
جولائی 31, 2025
پاکستان کا جدید ریموٹ سینسنگ سیٹلائٹ کامیابی سے خلا میں روانہ
جولائی 31, 2025
پاکستان اور امریکا کے درمیان اہم تجارتی معاہدہ کامیابی سے طے...
جولائی 31, 2025
ویب ڈیسکاے آر وائی نیوز کی ڈیجیٹل ڈیسک کی جانب سے شائع کی گئی خبریں
مزید خبریں
لاہور میں بھی 10 ہزار کلو مضر صحت گوشت برآمد
عمر ایوب، شبلی فراز سمیت متعدد پی ٹی آئی رہنماؤں کو 10،10 سال قید کی سزا
Waseem Azmet
سرکاری محکموں میں گریڈ 5 سے 15 کی بھرتیوں پر عائد پابندی کے معاملے پر سماعت کیلئے تاریخ مقرر