ترجمان سندھ حکومت گنہور خان اسران کا ایم کیو ایم رہنما خواجہ اظہار الحسن کے بیان پر ردعمل
اشاعت کی تاریخ: 31st, July 2025 GMT
ایک بیان میں گنہور خان اسران نے کہا کہ سندھ حکومت اس شہر کے مسائل کے حل کے لیے سنجیدہ اور مسلسل کوششیں کر رہی ہے، ایم کیو ایم کیمروں کے سامنے دکھاوے کے آنسو بہانے کے بجائے وفاق میں بیٹھ کر اپنے اتحادیوں سے سوال کرے اور حقیقی مسائل کے حل میں اپنا کردار ادا کرے۔ اسلام ٹائمز۔ ترجمان سندھ حکومت گنہور خان اسران نے ایم کیو ایم رہنما خواجہ اظہار الحسن کے بیان کو مسترد کرتے ہوئے کہا ہے کہ ایم کیو ایم رہنما خواجہ اظہار الحسن کا بیان سیاسی منافقت ہے، کراچی کے مسائل پر مگرمچھ کے آنسو بہا رہے ہیں، ایم کیو ایم خود اس شہر کے مسائل کی بانی اور سہولت کار رہی ہے، جو جماعت کئی دہائیوں تک کراچی کے اقتدار پر براجمان رہی آج اپنی ہی کارکردگی سے نظریں چرا کر سندھ حکومت پر الزام تراشی کر رہی ہے۔ انہوں نے کہا کہ خواجہ اظہار کو یاد رکھنا چاہیئے کہ ان کی جماعت اس وقت وفاقی حکومت کی اتحادی ہے، ایم کیو ایم نے وفاق میں وزارتوں کے عیوض کراچی کے عوام کے حقوق پر سمجھوتہ کیا، ایم کیو ایم وفاقی حکومت کی اتحادی اور اہم وفاقی وزارتوں پر فائز ہے، وفاق سے سندھ کے حقوق کے خلاف ورزیوں پر بات کیوں نہیں کرتے، بجلی، گیس، تیل اور موٹر ویز کے تمام تر اختیارات وفاق کے پاس ہیں، مگر ان پر ایم کیو ایم کی خاموشی دراصل سیاسی دوغلا پن ہے۔
گنہور خان اسران نے کہا کہ جب اختیارات اور وزارتیں چاہئیں تو ایم کیو ایم کو وفاق یاد آتا ہے، جب مسائل پر جواب دینا ہو تو سارا ملبہ سندھ حکومت پر ڈال دیا جاتا ہے، یہ طرزِ سیاست کراچی کے عوام کو مزید بیوقوف نہیں بنا سکتا، سندھ حکومت نے کراچی کے لیے متعدد ترقیاتی منصوبے شروع کیے ہیں جن میں واٹر سپلائی، سیوریج، سڑکوں کی تعمیر، اور ورلڈ بینک کے تعاون سے جاری منصوبے شامل ہیں، کے فور منصوبہ جو برسوں وفاق کی غفلت کا شکار رہا اسے بھی سندھ حکومت نے دوبارہ فعال کیا ہے، کراچی نیبرہڈ امپرومنٹ پروگرام، ٹرانسپورٹ اسکیمیں، اور دیگر بنیادی ڈھانچے کی ترقی کے منصوبے شفافیت سے جاری ہیں، کراچی کسی ایک جماعت کی جاگیر نہیں بلکہ یہ سندھ کا دل ہے، سندھ حکومت اس شہر کے مسائل کے حل کے لیے سنجیدہ اور مسلسل کوششیں کر رہی ہے، ایم کیو ایم کیمروں کے سامنے دکھاوے کے آنسو بہانے کے بجائے وفاق میں بیٹھ کر اپنے اتحادیوں سے سوال کرے اور حقیقی مسائل کے حل میں اپنا کردار ادا کرے۔
ذریعہ: Islam Times
کلیدی لفظ: گنہور خان اسران خواجہ اظہار مسائل کے حل ایم کیو ایم سندھ حکومت کے مسائل کراچی کے رہی ہے ایم کی
پڑھیں:
انفرا اسٹرکچر تباہ، سندھ حکومت بھاری ای چالان میں لگی ہے، منعم ظفر
ممبرز کنونشن سے خطاب کرتے ہوئے امیر جماعت اسلامی کراچی نے کہا ہے کہ سندھ حکومت بلدیاتی اداروں کے اختیارات و وسائل نچلی سطح پر منتقل کرنے کو تیار نہیں، ملک میں سب سے زیادہ ٹیکس دینے اور سندھ کے بجٹ کا 95 فیصد حصہ فراہم کرنے والے شہر کے عوام اٹھارہ اٹھارہ گھنٹے لوڈشیڈنگ کا شکار اور آدھا شہر پینے کے پانی سے محروم ہے۔ اسلام ٹائمز۔ امیر جماعت اسلامی کراچی منعم ظفر خان نے کہا ہے کہ پیپلز پارٹی کی صوبائی حکومت نے کراچی کو سونے کی چڑیا سمجھ رکھا ہے، کراچی سے وسائل تو لیتی ہے اہل کراچی کے مسائل حل نہیں کرتی۔ ملیر کالا بورڈ پر ممبرز کنونشن سے خطاب کرتے ہوئے ان کا کہنا تھا کہ سندھ حکومت بلدیاتی اداروں کے اختیارات و وسائل نچلی سطح پر منتقل کرنے کو تیار نہیں، ملک میں سب سے زیادہ ٹیکس دینے اور سندھ کے بجٹ کا 95 فیصد حصہ فراہم کرنے والے شہر کے عوام اٹھارہ اٹھارہ گھنٹے لوڈشیڈنگ کا شکار اور آدھا شہر پینے کے پانی سے محروم ہے، انفرا اسٹرکچر تباہ حال اور سندھ حکومت بھاری ای چالان کرنے میں لگی ہوئی ہے، پنجاب میں جو چالان 200 روپے کا ہے سندھ حکومت نے کراچی میں 5000 روپے کا کر دیا ہے، اجتماعی جدوجہد کے ذریعے ہی مسائل حل ہوسکتے ہیں۔
کراچی انتظامیہ کے زیراہتمام کشمیر ی عوام سے اظہاریکجہتی کے لیے یوم سیاہ کے موقع پروزیربلدیات ناصر شاہ ریلی کی قیادت کررہے ہیں