خلیجی ممالک کاسستاسفر: فیری سروس پر اہم پیشرفت
اشاعت کی تاریخ: 1st, August 2025 GMT
خلیجی ممالک کے لئے فیری سروس شروع کی کوششیں تیز کردی گئیں، ایران، عراق جانے والے زائرین کے لیے نیا سفری متبادل دستیاب ہوگا۔
وفاقی وزیر برائے بحری امور جنید انوار چوہدری کی ہدایت پر فیری سروس کے جلد آغاز کے لیے اہم پیشرفت سامنے آئی ۔
فری سروس کے لائسنسنگ کے عمل کو تیز اور ڈیجیٹل بنانے کی ہدایات جاری کر دی گئیں جبکہ زائرین اور کاروباری برادری کے لیے یہ سروس سستے، محفوظ اور قابلِ اعتماد سفری متبادل کے طور پر پیش کی جائے گی۔
ڈی جی پورٹس اینڈ شپنگ نے وفاقی وزیر جنید انوار چوہدری کو فیری سروس کے لائسنس اجرا کے حوالے سے بریفنگ دی، جس میں بتایا گیا کہ اب لائسنس کے اجرا کا عمل چھ ماہ کے بجائے صرف ایک ماہ میں مکمل کیا جائے گا۔
وزیر بحری امور نے واضح کیا کہ لائسنسنگ عمل کو سنگل ونڈو اور ڈیجیٹل نظام میں منتقل کیا جائے گا تاکہ غیر ضروری تاخیر کا خاتمہ ہو اور فیصلے بروقت کیے جا سکیں۔
انہوں نے متعلقہ حکام کو ہدایت دی کہ فیری آپریٹرز کے لیے ہر ممکن سہولت فراہم کی جائے، جب کہ بینک یا انشورنس گارنٹی کے آپشنز پر بھی غور جاری ہے۔
جنید انوار چوہدری نے زور دیا کہ ایران اور عراق جانے والے زائرین کے لیے یہ سروس ایک محفوظ اور کم لاگت سفری ذریعہ بنے گی، جبکہ اس سے مذہبی سفر کے ساتھ ساتھ سیاحت اور کاروبار کو بھی فروغ ملے گا۔
وفاقی وزیر کا کہنا تھا کہ نجی شعبے کے آپریٹرز اور متعلقہ اتھارٹیز سے مشاورت جاری ہے، اور ابتدائی تجرباتی مرحلے کے لیے روٹس اور فریم ورک کی تیاری مکمل کی جا رہی ہے۔ چند ہفتوں میں فیری سروس کے روڈ میپ کا باقاعدہ اعلان کیا جائے گا۔
انہوں نے کہا کہ حکومت کاروباری برادری کے خدشات دور کرنے کے لیے پرعزم ہے تاکہ یہ منصوبہ قومی معیشت میں مثبت کردار ادا کرے۔
ذریعہ: Daily Mumtaz
پڑھیں:
بارش کے باعث تاخیر، بھارت اور جنوبی افریقہ کی خواتین ورلڈ کپ فائنل کا نیا وقت مقرر
نوی ممبئی کے ڈاکٹر ڈی وائی پاٹل اسپورٹس اکیڈمی میں جاری خواتین ون ڈے ورلڈ کپ 2025 کے فائنل میں بارش کے باعث پیدا ہونے والی تاخیر کے بعد نیا ٹاس اور آغاز کا وقت طے کر لیا گیا ہے۔
بھارتی میڈیا رپورٹس کے مطابق بارش رکنے کے بعد گراؤنڈ اسٹاف نے کور ہٹا دیے ہیں، اور اب میدان کو خشک کرنے کا کام جاری ہے۔
منتظمین نے اعلان کیا ہے کہ اگر کھیل مقامی وقت کے مطابق رات 9 بج کر 8 منٹ تک شروع ہو گیا اور بغیر رکاوٹ جاری رہا تو نتیجہ آج ہی طے کیا جائے گا۔ بصورتِ دیگر میچ کل، پیر کے روز ریزرو ڈے پر مکمل کیا جائے گا۔
یہ فائنل تاریخی اہمیت رکھتا ہے کیونکہ نہ بھارت اور نہ ہی جنوبی افریقہ نے آج تک کسی خواتین ون ڈے ورلڈ کپ کا ٹائٹل جیتا ہے۔ اس لیے جیسے ہی کھیل کا آغاز ہوگا، کرکٹ دنیا کو ایک نئی چیمپئن ٹیم ملے گی۔
شائقین کی بڑی تعداد اس اہم مقابلے کے منتظر ہیں اور امید کی جا رہی ہے کہ موسم مزید مداخلت نہیں کرے گا تاکہ ورلڈ کپ کا فیصلہ آج ہی ممکن ہو سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کراچی: گورنر خیبرپختونخوا کے میڈیا ایڈوائزر کی چھینی گئی گاڑی برآمد