محکمہ ایکسائزکاپراپرٹی ٹیکس کےحوالےسےاہم اقدام
اشاعت کی تاریخ: 1st, August 2025 GMT
سٹی42: محکمہ ایکسائز اینڈ ٹیکسیشن پنجاب نے پراپرٹی ٹیکس کے نظام کو جدید اور شفاف بنانے کے لیے اہم قدم اٹھا لیا ہے۔ اب شہری اپنی جائیداد کی اسسمنٹ اور تفصیلات خود آن لائن سسٹم میں اپلوڈ کر سکیں گے۔
ایکسائز حکام کے مطابق شہری اپنی جائیداد کے مکمل کوائف اور اسسمنٹ محکمہ کی ویب سائٹ پر خود اپلوڈ کریں گے۔ایکسائز انسپکٹرز اور دیگر عملہ بھی اگر کسی جائیداد کی اسسمنٹ غلط ہو تو وہ درست ڈیٹا سسٹم میں اپلوڈ کر سکتے ہیں۔متعلقہ ڈائریکٹرز آن لائن اپیل کے ذریعے اس ڈیٹا کا جائزہ لے کر درستگی یقینی بنائیں گے۔
محکمہ کے مطابق اب شہری گھر بیٹھے خود اپنا پراپرٹی ٹیکس چالان نکال سکیں گے اور ای پے کے ذریعے آن لائن ادائیگی بھی ممکن ہوگی، جس سے دفاتر کے چکر لگانے کی ضرورت ختم ہو جائے گی۔
پنجاب حکومت کاصحت کےمنصوبوں میں پرائیویٹ سیکٹرکوشراکت داربنانےکافیصلہ
ماضی میں ایکسائز عملہ خود جائیدادوں کی اسسمنٹ کر کے سسٹم میں اپلوڈ کرتا تھا، جس میں شفافیت کے مسائل پیدا ہوتے تھے۔ نئے نظام سے یہ عمل مکمل طور پر ڈیجیٹل اور خود کار ہو جائے گا۔ایکسائز حکام کے مطابق اس وقت لاہور سمیت پنجاب بھر میں 25 لاکھ پراپرٹی یونٹس سے پراپرٹی ٹیکس کی وصولی کی جا رہی ہے، اور نئے سسٹم کے ذریعے اس دائرہ کار کو مزید وسعت دی جائے گی۔
.ذریعہ: City 42
کلیدی لفظ: سٹی42 پراپرٹی ٹیکس اپلوڈ کر
پڑھیں:
نمبر پلیٹس کا ڈیزائن تبدیل کرنے کی تجویز
سٹی 42: محکمہ ایکسائز اینڈ ٹیکسیشن نے بڑی گاڑیوں کی نمبر پلیٹس کا ڈیزائن تبدیل کرنے کی تجویز دے دی.
لگژری گاڑیوں کی نمبر پلییٹس بڑی بنائی جائیں گی۔ نمبر پلیٹس کا سائز بڑھانے کا قصد رجسٹریشن نمبر واضح کرنا ہے ۔
ایس یو وی وہیکلز کی نمبر پلیٹس سیف سٹی کیمروں اور سکیورٹی کو مد نظر رکھ کر بنائی جائیں گی ۔ڈیزائن کی حتمی منظوری ایکسائز ہیڈ کوارٹر سے ہو گی۔
لاہور :ڈمپر نے موٹر سائیکل کو کچل دیا، 3 افراد جاں بحق
نیپرا کا ریکوری بڑھانے میں ناکامی پر 3بجلی کمپنیوں پر 10 کروڑ روپے جرمانہ