بھارت کی طرف سے بیان کو سیاق و سباق سے ہٹ کر پیش کرنے پر وزیر اعلیٰ خیبر پختونخوا کا سخت ردعمل
اشاعت کی تاریخ: 1st, August 2025 GMT
پشاور(نیوز ڈیسک) صوبہ خیبر پختونخوا کے وزیراعلیٰ سردار علی امین گنڈاپور نے ایف اے ٹی ایف کو خط لکھنے اور حقائق بیان کرنے کا اعلان کیا اور ساتھ ہی بھارت کو خطے میں دہشتگردی کا ذمہ دار قرار دیا ہے۔
خیبر پختونخوا کے وزیر اعلیٰ سردار علی امین گنڈا پور نے بھارت کی جانب سے ان کے بیان کو سیاق و سباق سے ہٹ کر پیش کرنے پر شدید ردعمل ظاہر کرتے ہوئے واضح کیا ہے کہ پاکستان میں دہشتگردی کے پیچھے بھارت کا ہاتھ ہے۔
انہوں نے اعلان کیا ہے کہ وہ نہ صرف فنانشل ایکشن ٹاسک فورس (FATF) کو خط لکھیں گے بلکہ خود بھی وہاں جا کر پاکستان کا مؤقف پیش کریں گے۔
وزیر اعلیٰ نے کہا ’آج جب میں الیکشن میں مصروف تھا تو مجھے اطلاع ملی کہ بھارتی حکومت نے میرے ایک بیان کو توڑ مروڑ کر ایف اے ٹی ایف میں پیش کیا ہے، جو سراسر گمراہ کن ہے۔‘ انہوں نے کہا کہ یہ کوئی نئی بات نہیں، بھارت ہمیشہ سے پاکستان اور خطے میں دہشتگردی کو ہوا دیتا آیا ہے۔
انہوں نے مزید کہا کہ بطور سابق وزیر امور کشمیر و گلگت بلتستان، وہ بھارتی مظالم اور مداخلت سے بخوبی واقف ہیں۔
’میں ایف اے ٹی ایف کو ذاتی طور پر جا کر بتاؤں گا کہ بھارت کشمیر، گلگت بلتستان اور پورے پاکستان میں دہشتگردی کی سرپرستی کرتا رہا ہے۔‘
انہوں نے افغانستان میں بھارت کی موجودگی پر بھی سوال اٹھایا اور کہا کہ بھارت نے وہاں درجنوں سفارت خانے کھولے، جن کا مقصد تجارت یا سفارت کاری نہیں بلکہ پاکستان میں دہشتگردی کو فروغ دینا تھا۔
بھارت کو ایف اے ٹی ایف کی گرے لسٹ میں ڈالنے کا مطالبہ
وزیر اعلیٰ نے ایف اے ٹی ایف سے مطالبہ کیا کہ بھارت کو اس کے دہشتگردانہ اقدامات پر گرے لسٹ میں شامل کیا جائے۔
’جس طرح بھارت پاکستان کے خلاف پروپیگنڈا کر رہا ہے، میں عالمی سطح پر اسے بے نقاب کروں گا۔‘
پاکستان کی قومی یکجہتی کا اظہار
انہوں نے کہا کہ پاکستان کی سیاسی قیادت، عوام، دفاعی ادارے اور افواج دہشتگردی کے خلاف متحد ہیں۔
’ہم نے حالیہ بھارتی جارحیت کا منہ توڑ جواب دیا، جس سے واضح ہو گیا کہ پاکستان اپنے دفاع سے ہرگز غافل نہیں۔‘
انہوں نے بھارتی وزیر اعظم کو سخت الفاظ میں پیغام دیا ’مودی! ہم تمہاری طرح رات کی تاریکی میں حملے نہیں کرتے، ہم حق اور سچ کی طاقت سے آتے ہیں۔ ہمارا ایمان ہے کہ فتح ہمیشہ سچ کی ہوتی ہے۔‘
آخر میں وزیر اعلیٰ نے عمران خان کا حوالہ دیتے ہوئے کہا:
’آج مجھے عمران خان کی وہ بات یاد آ رہی ہے جو انہوں نے نریندر مودی کے بارے میں کہی تھی کہ تم ایک Small man in a big office ہو۔‘
بھارت نے وزیر اعلیٰ علی امین گنڈاپور کا بیان فیٹف میں پاکستان کیخلاف بطور ثبوت جمع کردیا
واضح رہے کہ گزشتہ روز بھارت نے خیبرپختونخوا کے وزیر اعلیٰ علی امین گنڈا پور کے حالیہ بیان کو پاکستان کے خلاف ثبوت کے طور پر فنانشل ایکشن ٹاسک فورس (فیٹف) میں جمع کرا یا تھا۔
فیٹف حکام کے مطابق نئی دہلی نے یہ بیان باضابطہ طور پر اس مؤقف کے ثبوت کے طور پر پیش کیا ہے کہ پاکستان دہشتگرد عناصر کی حمایت کرتا ہے۔
بھارتی حکام کی جانب سے پیش کردہ رپورٹ میں علی امین گنڈا پور کے اس بیان کا حوالہ دیا گیا ہے جس میں انہوں نے کہا تھا کہ ہم طالبان کو گرفتار کرتے ہیں، لیکن ہمارے اپنے ادارے انہیں یہ کہہ کر چھوڑ دیتے ہیں کہ یہ ہمارے لوگ ہیں۔
یہ بیان نہ صرف اندرون ملک تنقید کا نشانہ بنا بلکہ اب بھارت کی جانب سے اسے فیٹف میں پاکستان کو دوبارہ ‘گرے لسٹ’ میں شامل کرنے کی درخواست کے لیے بنیاد بنایا جا رہا ہے۔
بھارتی حکام نے مؤقف اختیار کیا ہے کہ ایک صوبائی وزیر اعلیٰ کی جانب سے یہ عوامی اعتراف اس بات کا ثبوت ہے کہ پاکستان کے ادارے اب بھی دہشتگرد عناصر کو تحفظ فراہم کرتے ہیں۔
فیٹف حکام کے مطابق بھارت نے اس بیان کو پاکستان کے خلاف باضابطہ ‘چارج شیٹ’ کے طور پر پیش کیا ہے۔
واضح رہے کہ پاکستان کو 2022 میں فیٹف کی گرے لسٹ سے نکالا گیا تھا، جس کے بعد پاکستان کو دہشتگردوں کی مالی معاونت سے پاک قرار دے دیا گیا تھا اور اس کا عالمی مالیاتی ساکھ بہتر ہوئی تھی۔
فیٹف کی گرے لسٹ میں کسی ملک کو اس وقت تک نگرانی میں رکھا جاتا ہے جب تک وہ اپنے مالیاتی نظام میں موجود خامیوں کو دور نہ کر لے۔
Post Views: 5.
ذریعہ
ذریعہ: Daily Mumtaz
کلیدی لفظ: ہے کہ پاکستان میں دہشتگردی ایف اے ٹی ایف پاکستان کے کی جانب سے وزیر اعلی کیا ہے کہ علی امین کہ بھارت بھارت نے انہوں نے بھارت کی کے خلاف نے کہا کہا کہ
پڑھیں:
سینٹ پیٹرزبرگ انٹرنیشنل اکنامک فورم، پاکستانی اعلیٰ سطحی وفد شرکت کریگا
سینٹ پیٹرزبرگ روس کا سب سے بڑا اور عالمی سطح پر اہم اقتصادی ایونٹ، سینٹ پیٹرزبرگ انٹرنیشنل اکنامک فورم 2026ء کل 3 جون سے روس کے تاریخی شہر سینٹ پیٹرزبرگ میں شروع ہو رہا ہے، جس میں دنیا بھر کے 130 سے زائد ممالک کے حکومتی، کاروباری اور اقتصادی راہنما شرکت کریں گے، پاکستان بھی فورم میں اعلیٰ سطحی وفد کے ساتھ شرکت کر رہا ہے۔ اسلام ٹائمز۔ پاکستانی وفد کی قیادت وفاقی وزیر توانائی (پیٹرولیم ڈویژن) علی پرویز ملک کریں گے، وفد میں وزیراعظم کے معاون خصوصی برائے صنعت و پیداوار ہارون اختر، روس میں پاکستان کے سفیر فیصل نیاز ترمذی، سفارتخانے کی وزیر تجارت و سرمایہ کاری شبانہ ممتاز، قونصلر حبیب منیر، سیکنڈ سیکرٹری جوشوا ایڈون آرتھر اور سینٹ پیٹرزبرگ میں پاکستان کے اعزازی قونصل جنرل عبدالرؤف رند بھی شامل ہیں۔ 4 روزہ فورم میں عالمی معیشت، توانائی، تجارت، سرمایہ کاری، ڈیجیٹل ٹیکنالوجی، مصنوعی ذہانت، صنعتی ترقی، ٹرانسپورٹ، خوراک اور بین الاقوامی اقتصادی تعاون سمیت متعدد اہم موضوعات پر اعلیٰ سطحی اجلاس، مباحثے اور کاروباری ملاقاتیں منعقد ہوں گی۔
روسی صدر ولادیمیر پوتن فورم کے مرکزی پلینری اجلاس سے خطاب کریں گے، جبکہ دنیا کے مختلف ممالک سے تعلق رکھنے والے حکومتی راہنما، وزراء، سرمایہ کار، صنعتکار اور بین الاقوامی تنظیموں کے نمائندے بھی فورم میں شریک ہوں گے۔ پاکستانی وفد کی شرکت کو روس اور پاکستان کے درمیان اقتصادی اور تجارتی تعلقات کے فروغ کے لیے اہم قرار دیا جا رہا ہے، توقع ہے کہ فورم کے دوران پاکستانی نمائندے روسی حکام، سرمایہ کاروں اور کاروباری شخصیات کے ساتھ ملاقاتیں کریں گے، جن میں توانائی، پیٹرولیم، صنعت، تجارت اور سرمایہ کاری کے شعبوں میں تعاون بڑھانے کے امکانات پر بات چیت ہوگی۔ مبصرین کے مطابق پاکستان اس وقت توانائی، معدنیات، انفراسٹرکچر اور صنعتی شعبوں میں بیرونی سرمایہ کاری کے حصول پر خصوصی توجہ دے رہا ہے جبکہ روس کے ساتھ اقتصادی تعاون کے نئے مواقع تلاش کرنا بھی حکومتی ترجیحات میں شامل ہے۔
فورم میں شرکت پاکستان کو نہ صرف روس بلکہ دیگر ممالک کے سرمایہ کاروں اور کاروباری اداروں کے ساتھ براہ راست رابطوں کا موقع فراہم کرے گی، ماہرین کا کہنا ہے کہ ایسے بین الاقوامی پلیٹ فارمز پاکستان کے لیے سرمایہ کاری، برآمدات اور اقتصادی شراکت داریوں کے فروغ میں اہم کردار ادا کر سکتے ہیں۔واضح رہے کہ سینٹ پیٹرزبرگ انٹرنیشنل اکنامک فورم 3 سے 6 جون تک جاری رہے گا اور اسے روس کا سب سے بڑا بین الاقوامی اقتصادی فورم تصور کیا جاتا ہے، اس سال فورم کا موضوع "عملی مکالمہ ایک مستحکم مستقبل کی جانب"رکھا گیا ہے، جس میں عالمی معیشت کو درپیش چیلنجز اور مستقبل کے مواقع پر خصوصی توجہ دی جائے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ