نواز شریف کی سیاست سے لاتعلقی کی خبریں، سینیٹر عرفان صدیقی نے وضاحت کردی
اشاعت کی تاریخ: 1st, August 2025 GMT
مسلم لیگ (ن) کے رہنما اور سینیٹر عرفان صدیقی نے نواز شریف کی سیاست سے کنارہ کشی کے حوالے سے گردش کرنے والی خبروں کو من گھڑت اور بے بنیاد قرار دیتے ہوئے واضح کیا ہے کہ نواز شریف نہ صرف پارلیمان کی سب سے بڑی جماعت مسلم لیگ (ن) کے صدر ہیں بلکہ وہ بدستور پاکستان کے سب سے سینیئر قومی رہنما اور تجربہ کار سیاستدان کے طور پر اپنا سیاسی کردار بھرپور طریقے سے ادا کر رہے ہیں۔
یہ بھی پڑھیں: سعودی سفیر کی نواز شریف اور وزیر اعلیٰ پنجاب مریم نواز سے ملاقات، دوطرفہ تعلقات پر تبادلہ خیال
سینیٹر عرفان صدیقی نے ان خبروں کی سختی سے تردید کی ہے جن میں اُن سے منسوب کیا گیا کہ نواز شریف اب سیاست میں نہیں آئیں گے۔
انہوں نے کہا کہ سیاست میں نواز شریف کے نہ آنے کا من گھڑت جملہ غلط طور پر مجھ سے منسوب کیا گیا ہے۔
انہوں نے مزید کہا کہ نواز شریف کی جماعت مسلم لیگ (ن) وفاق اور پنجاب دونوں میں حکومت میں ہے اس لیے یہ کہنا کہ وہ سیاست سے لاتعلق ہو رہے ہیں حقائق کے منافی ہے۔
مزید پڑھیے: رات کے اندھیرے میں پیٹرول کی قیمتیں بڑھانا عوام کی جیبوں پر ڈاکا ہے، نواز شریف کی ویڈیو وائرل
سینیٹر عرفان صدیقی کے مطابق نواز شریف اپنی سیاسی حکمت عملی کے تحت قومی سیاست میں بھرپور اور مؤثر کردار ادا کرتے رہیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سینیٹر عرفان صدیقی سینیٹر عرفان صیدیقی نواز شریف نواز شریف اور سیاست.
ذریعہ
ذریعہ: WE News
کلیدی لفظ: سینیٹر عرفان صدیقی سینیٹر عرفان صیدیقی نواز شریف نواز شریف اور سیاست سینیٹر عرفان صدیقی نواز شریف کی
پڑھیں:
ایک ملک نے پاکستانیوں کیلیے ویزہ فیس ختم کردی
سری لنکا کی حکومت نے پاکستانیوں کے لیے ویزہ فیس ختم کردی۔
ایکسپریس نیوز کے مطابق کراچی میں تعینات قونصل جنرل سری لنکا سنجیوا پٹیوالا نے میڈیا سے گفتگومیں بتایا کہ سری لنکن حکومت نے پاکستانیوں کے لیے ویزہ فیس ختم کردی جس کے بعد سری لنکا جانے والے پاکستانیوں سیاحوں کی تعداد میں اضافہ ہوا ہے۔
انہوں نے بتایا کہ پاکستان سے سری لنکا جانے والے ویزہ کی درخواست آن لائن دے سکتے ہیں۔
قونصل جنرل نے بتایا کہ پاکستان اور سری لنکن کے دوطرفہ تعلقات اہم ہیں، حکومت پاکستان نے 100 سری لنکن اسٹوڈنٹس کوعلامہ اقبال یونیورسٹی میں اسکالرشپ دی ہے جو ایک مثبت اقدام ہے۔
انہوں نے کاہ کہ پاکستان سری لنکا کےدرمیان فری ٹریڈ ایگریمنٹ پرسن 2005 میں دستخط ہوئے تھے لیکن تاحال دونوں ملکوں میں ٹریڈ بیریئرز موجود ہیں۔
قونصل جنرل نے مزید کہا کہ پاکستان سری لنکا درمیان درمیان دفاعی تعلقات بھی اہم ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع