پاک ایران تعلقات کا نیا باب اور قومی یکجہتی
اشاعت کی تاریخ: 4th, August 2025 GMT
اسلامی جمہوریہ ایران کے صدر ڈاکٹر مسعود پزشکیان ، وزیراعظم شہباز شریف کی دعوت پر پاکستان کے دو روزہ دورے پر ہیں، جو کہ دونوں ممالک کے بڑھتے ہوئے سفارتی، ثقافتی اور اقتصادی روابط کا عکاس ہے۔
ایرانی صدر پزشکیان نے اپنے دورے کا ایک بڑا مقصد دونوں ممالک کے درمیان تجارت اور اقتصادی تعاون کو فروغ دینا قرار دیا ہے۔ انھوں نے کہا کہ ایران سرحدی بازاروں، فضائی و بحری روابط، اور چین پاکستان اقتصادی راہداری (CPEC) میں شمولیت کے مواقع سے فائدہ اٹھانے میں دلچسپی رکھتا ہے۔
ایران کے صدر ڈاکٹر مسعود پیزشکیان کا دو روزہ دورہ پاکستان محض ایک رسمی ملاقات نہیں بلکہ خطے میں ایک نئے سفارتی باب کا آغاز ہے۔
ایک ایسے وقت میں جب دنیا تیزی سے تبدیل ہو رہی ہے، بین الاقوامی تعلقات نئے زاویے اختیار کر رہے ہیں اور مسلم دنیا کو انتشار، بیرونی دباؤ اور اندرونی عدم استحکام کا سامنا ہے، ایران اور پاکستان کے درمیان اعلیٰ سطح روابط کی بحالی ایک مثبت پیش رفت ہے۔ صدر پز شکیان کا یہ کہنا کہ ایران پاکستان کے ساتھ تجارت اور اقتصادی تعاون کو وسعت دینا چاہتا ہے، محض ایک رسمی اعلان نہیں بلکہ اس کے پیچھے ایک گہرا تزویراتی وژن کارفرما ہے۔
پاکستان اور ایران دونوں برادر اسلامی ممالک ہیں جن کے درمیان ثقافتی، مذہبی، لسانی اور جغرافیائی رشتے کئی دہائیوں پر محیط ہیں۔ ان کے درمیان 900 کلومیٹر سے زائد طویل سرحد ہے جو بلوچستان کے علاقوں کو ایران کے صوبہ سیستان و بلوچستان سے جوڑتی ہے۔
بدقسمتی سے ماضی میں یہ سرحد غیر قانونی نقل و حرکت، اسمگلنگ اور دہشت گرد عناصر کی آماج گاہ بنی رہی، لیکن حالیہ برسوں میں دونوں ممالک کی جانب سے بارڈر مینجمنٹ، کراسنگ پوائنٹس، تجارتی منڈیوں کے قیام اور خفیہ معلومات کے تبادلے سے حالات میں نمایاں بہتری آئی ہے۔صدر ایران کا یہ عزم کہ دوطرفہ تجارت کا حجم دس ارب ڈالر تک بڑھایا جائے، پاکستان کے لیے بھی خوش آیند ہے کیونکہ ملک کو اس وقت شدید معاشی بحران کا سامنا ہے، اگر ایران پاکستان کو توانائی، گیس، تیل اور بجلی کی صورت میں مدد فراہم کرتا ہے تو پاکستان کی انڈسٹری کو سہارا مل سکتا ہے۔
ایران کے پاس گیس اور تیل کے بے پناہ ذخائر ہیں اور پاکستان کے پاس ایک بڑی صارف منڈی، اگر دونوں ممالک تجارتی رکاوٹوں کو ختم کر کے ایک دوسرے کے ساتھ بااعتماد اقتصادی شراکت داری قائم کرتے ہیں تو یہ خطے میں ایک نئی معاشی طاقت کے ابھرنے کا آغاز ہو سکتا ہے۔ایران کی پاکستان کے ساتھ قربت صرف معاشی مفاد تک محدود نہیں۔ دونوں ممالک ایک جیسی نظریاتی اساس رکھتے ہیں۔ اسلامی وحدت، فلسطینی کاز کی حمایت اور امت مسلمہ کے اتحاد کے لیے آواز بلند کرنا دونوں ملکوں کا مشترکہ نصب العین رہا ہے۔
صدر پزشکیان نے اپنی گفتگو میں واضح طور پر کہا کہ ’’ پاک ایران اسلامی اتحاد کو نقصان پہنچانے کی کوششیں ناکام ہوں گی‘‘ یہ بیان اس سوچ کی غمازی کرتا ہے کہ ایران اب علاقائی تنازعات کے بجائے اشتراک، مفاہمت اور ترقی کی پالیسی پر گامزن ہونا چاہتا ہے۔ اگر اس پالیسی کو مستقل بنیادوں پر اپنایا گیا تو مشرق وسطیٰ اور جنوبی ایشیا کے درمیان ایک تزویراتی پل کی تشکیل ممکن ہے۔
پاکستان کی خارجہ پالیسی کے تناظر میں بھی یہ دورہ اہم ہے۔ حالیہ برسوں میں پاکستان نے چین، ترکی، سعودی عرب اور خلیجی ممالک کے ساتھ تعلقات کو ترجیح دی، جب کہ ایران کے ساتھ تعلقات سرد مہری کا شکار رہے۔ اس کی ایک بڑی وجہ امریکا کی پابندیاں اور ایران سعودی عرب کشیدگی رہی، لیکن جب ایران اور سعودی عرب کے درمیان چین کی ثالثی سے تعلقات بحال ہوئے، تو پاکستان کے لیے بھی راستہ کھل گیا کہ وہ دونوں اسلامی طاقتوں کے ساتھ بیک وقت بہتر تعلقات قائم کرے۔
دوسری طرف پاکستان کے اندرونی حالات بھی اس وقت غیر یقینی کا شکار ہیں۔ معاشی مشکلات، سیاسی عدم استحکام، عدالتی نظام پر سوالات، عوام میں بے چینی، اور سوشل میڈیا کے ذریعے پھیلنے والی نفرت انگیزی نے ملک کے سماجی تانے بانے کو شدید متاثر کیا ہے۔
ایسے میں چیف آف آرمی اسٹاف فیلڈ مارشل سید عاصم منیر کا یہ بیان کہ قومی یکجہتی، سول ملٹری ہم آہنگی اور ہائی برڈ خطرات کے مقابلے کے لیے قومی سطح پر اشتراک ضروری ہے، وقت کی ایک اہم ضرورت کی نشاندہی کرتا ہے۔ یہ بیان دراصل ایک پکار ہے کہ اب تمام ریاستی اداروں، میڈیا، عدلیہ، سول سوسائٹی اور عوام کو مل کر ملک کی حفاظت کرنی ہے۔ہائی برڈ وار ایک ایسا جدید خطرہ ہے جس میں دشمن روایتی جنگ کے بجائے نفسیاتی، اقتصادی، معلوماتی اور سائبر حملوں کے ذریعے ریاست کو کمزورکرتا ہے۔
سوشل میڈیا کے ذریعے جھوٹا پروپیگنڈہ، مذہبی منافرت، لسانی تعصبات اور قومی اداروں کے خلاف بے بنیاد مہمات اسی ہائبرڈ جنگ کا حصہ ہیں۔ پاکستان کا سب سے بڑا اثاثہ اس کے عوام ہیں اور ان میں سب سے زیادہ قوت نوجوانوں میں ہے، مگر وہی نوجوان آج مایوسی، بیروزگاری اور سیاسی انتشار کا شکار ہے۔ ان کے ذہنوں میں اگر منفی خیالات رچ بس جائیں تو یہی نوجوان قومی وحدت کے بجائے افتراق کا سبب بن سکتے ہیں۔ ضروری ہے کہ نوجوانوں کو مثبت مواقعے فراہم کیے جائیں، ان کی تعلیم و تربیت میں قومی بیانیہ شامل کیا جائے اور انھیں ریاست کی ترقی میں شراکت دار بنایا جائے۔
قومی بیانیہ محض سرکاری سطح پر جاری ہونے والے بیانات کا نام نہیں، بلکہ یہ ایک سوچ ہے جو ہر شہری کے دل میں گھر کرے۔ اس کے لیے ضروری ہے کہ میڈیا ذمے داری سے کام لے، تعلیمی ادارے قومی وحدت کا پیغام دیں، علمائے کرام محبت، برداشت اور بھائی چارے کی تعلیم دیں، اور سیاسی رہنما اپنی تقریروں میں نفرت کے بجائے اتحاد کا پیغام دیں، یہ وہ لائحہ عمل ہے جس سے ہائی برڈ جنگ کے اثرات زائل کیے جا سکتے ہیں۔
پاکستان میں حالیہ برسوں میں کئی مواقعے پر دیکھا گیا کہ بیرونی ایجنسیوں نے اندرونی مسائل کو ہوا دے کر حالات خراب کیے۔ ایسے میں قومی بیانیہ، مثبت سوچ اور حقیقی معلومات کا فروغ ہی اس جنگ کا مؤثر جواب ہو سکتا ہے۔ سیاسی جماعتوں کو چاہیے کہ وہ باہمی اختلافات سے بالاتر ہو کر ملکی مفاد میں اجتماعی فیصلے کریں۔ پارلیمنٹ کو فعال بنایا جائے، عدلیہ کو آزاد اور غیر جانبدار رکھا جائے ۔
اس وقت پاکستان کو داخلی استحکام کی جتنی ضرورت ہے، شاید تاریخ میں پہلے کبھی نہ رہی ہو۔ بلوچستان، کے پی، اور گلگت بلتستان میں احساس محرومی کو دور کرنے کے لیے مقامی ترقیاتی منصوبے، روزگار کی فراہمی، تعلیم اور صحت کی سہولتوں میں اضافہ ناگزیر ہے۔
ایران کے ساتھ مل کر سرحدی علاقوں میں مشترکہ مارکیٹس، ہنر مندی کے مراکز، اور تجارتی راہداریوں کے قیام سے نہ صرف ان علاقوں میں خوشحالی آئے گی بلکہ دہشت گردی اور اسمگلنگ جیسے مسائل بھی خود بخود ختم ہوں گے۔ایران کے ساتھ توانائی کے شعبے میں تعاون کی بڑی گنجائش ہے۔ ایران پاکستان گیس پائپ لائن منصوبہ کئی سالوں سے تعطل کا شکار ہے، اگر دونوں ممالک امریکی دباؤ سے بالاتر ہو کر اس منصوبے پر پیش رفت کرتے ہیں تو پاکستان کو گیس بحران سے نجات مل سکتی ہے۔ اس منصوبے کی تکمیل نہ صرف ایک معاشی کامیابی ہوگی بلکہ خطے میں ایک آزادانہ پالیسی کی علامت بھی ہوگی۔
اسلامی دنیا کے لیے بھی یہ دورہ ایک پیغام رکھتا ہے کہ مسلم ممالک باہمی اختلافات کو بالائے طاق رکھ کر تعاون اور اتحاد کے راستے پر گامزن ہو سکتے ہیں۔ سعودی عرب اور ایران کی مصالحت، ترکی اور خلیجی ممالک کے درمیان تجارتی تعاون اور اب ایران پاکستان قربت اس بات کا مظہر ہے کہ امت مسلمہ ایک نئے دور میں داخل ہو رہی ہے۔
پاکستان کو چاہیے کہ وہ اس عمل میں قائدانہ کردار ادا کرے، کیونکہ ہمارا جغرافیہ، نظریاتی بنیاد، اور عسکری طاقت ہمیں ایک مرکزی کردار ادا کرنے کے قابل بناتی ہے۔قومی یکجہتی محض ایک نعرہ نہیں، یہ ایک مسلسل عمل ہے۔ اس کے لیے ہمیں اپنی تعلیم، میڈیا، سیاسی کلچر اور روزمرہ کی گفتگو میں شائستگی، برداشت اور رواداری کو فروغ دینا ہوگا۔ مذہبی و مسلکی ہم آہنگی، اقلیتوں کے حقوق کا تحفظ، خواتین کی شمولیت اور نوجوانوں کی رہنمائی ایسے پہلو ہیں جو اگر نظرانداز کیے گئے تو اندرونی خلفشار کو روکنا ممکن نہیں رہے گا۔
ایران کے صدر کا دورہ دراصل ایک نئی صبح کی نوید ہے، لیکن یہ نوید اس وقت حقیقت بنے گی جب ہم ان اشاروں کو سنجیدگی سے لیں، عملی اقدامات کریں اور قومی مفاد کو ذاتی، سیاسی اور جماعتی مفادات پر مقدم رکھیں، اگر ہم نے آج فیصلہ نہ کیا، تو کل کا مورخ ہمارے خوابوں کی شکست اور مواقعے کے ضیاع کو ایک افسوسناک باب کے طور پر درج کرے گا۔پاکستان کو اب اتحاد، استحکام، ترقی اور خودمختاری کی راہ پر قدم بڑھانا ہوگا۔ وقت کم ہے، چیلنجز بڑے ہیں، لیکن قوم میں وہ صلاحیت موجود ہے جو پہاڑوں کو سر کر سکتی ہے۔ ہمیں صرف سمت کا تعین اور خلوص نیت کی ضرورت ہے۔
.ذریعہ: Express News
کلیدی لفظ: ایران پاکستان دونوں ممالک پاکستان کے پاکستان کو کے درمیان کے بجائے ایران کے کہ ایران ممالک کے کے ساتھ کا شکار میں ایک کے لیے
پڑھیں:
پاکستان اور امریکہ میں تعلقات کی نئی راہیں کھل رہی ہیں،ملک خدا بخش
data-id="863a0a8" data-element_type="widget" data-widget_type="theme-post-content.default">
251104-06-19
کراچی(3نومبر2025)ایف پی سی سی آئی انرجی کمیٹی کے کنوینر،سینئروائس چیئرمین پاکستان پیٹرولیم ڈیلرز ایسوسی ایشن(پی پی ڈی اے)،پاکستان بزنس فورم(کراچی ریجن) کے صد اورچیئرمین ملک گروپ ملک خدا بخش نے پاکستان اور امریکا کے مابین مضبوط ہوتے ہوئے اورنئی بلندیوں کو چھونے والے تعلقات پر خوشی کا اظہار کرتے ہوئے امریکی حکمران ڈونلڈ ٹرمپ کی جانب سے تاریخ میں پہلی بار فیلڈ مارشل جنرل سید عاصم منیر اوروزیراعظم میاں شہبازشریف کے بارے میں مثبت خیالات کا اظہاردونوں ممالک کو مزید قریب لانے میں مدد گار ثات ہوگا۔ملک خدا بخش نے کہا کہ پاکستان کے ساتھ برسوں کی سردمہری کے بعد امریکہ نے اپنی خارجہ پالیسی کا رخ تبدیل کیا ہے، جس سے نہ صرف پاک امریکہ تعلقات بحال ہو رہے ہیں بلکہ امریکی صدر ڈونلڈ ٹرمپ نے بھارت اور افغانستان سے تنازعات اور اسرائیل سمیت کئی معاملات میں پاکستان سے اختلافات کے باوجود دنیا کے واحد اسلامی ایٹمی ملک سے اپنے تعلقات مضبوط بنانے کا جوفیصلہ کیا ہے، پاکستان اور امریکہ میں تعلقات کی نئی راہیں کھلیں گی جو پاکستان کیلئے فائدہ مند ثابت ہوں گی۔انہوں نے کہا کہدونوں ممالک کے درمیان ایک اہم پیش رفت پاکستان اور امریکہ کے درمیان اربوں ڈالر کے دفاعی معاہدے پر بات چیت کاشروع ہونا ہے، جسکے تحت امریکہ پاکستان کو نہ صرف فضا سے فضا میں مار کرنے والے جدید ترین میزائل اور لڑاکا طیارے فراہم کرے گا بلکہ کم ٹیرف کے عوض نایاب معدنیات کی ترقی میں بھی مدد دے گا جو پاکستان کا سب سے بڑا سرمایہ ہیں۔ملک خدا بخش نے کہا کہ مئی 2025کی جنگ میں بھارت کو پاکستان کے ہاتھوں بری طرح شکست سے نہ صرف امریکہ بلکہ دنیا بھر میں پاکستان کو ایک طاقت کے طور پر تسلیم کیا جانے لگا ہے اور صدر ٹرمپ فیلڈ مارشل عاصم منیر کی جنگی صلاحیتوں اور وزیراعظم شہبازشریف کے تدبر اور دوراندیشی کی تعریف و توصیف میں مسلسل اپنے جذبات کا اظہار کررہے ہیں جبکہ ٹرمپ نے مداخلت کرکے پاک بھارت جنگ رکوائی، جس کا ذکرانہوں نے بارہاکیا ہے، ملک کی سیاسی اور فوجی قیادت ایک پیج پر ہونے کی وجہ سے امریکہ کے مفاد میں ہے کہ وہ پاکستان کو ساتھ لے کر چلے، بلاشبہ پاکستان اس وقت بڑی کامیابی سے دونوں بڑے ممالک امریکا اور چائنا کے ساتھ تعلقات متوازن رکھے ہوئے ہے۔ ملک خدا بخش نے کہا کہ پاکستان اور امریکا کے درمیان تجارتی تعلقات کافی مستحکم رہے ہیں، جن کے تحت سال 2024 میں دوطرفہ اشیائے تجارت کا تخمینہ تقریباً 7.2 ارب ڈالر تک پہنچ گیا ہے۔ پاکستان سے امریکا کو برآمد کی جانے والی اہم مصنوعات میں ہوم ٹیکسٹائل اور ملبوسات شامل ہیں، جبکہ امریکا سے درآمدات میں پٹرولیم، روئی اور مشینری سرِفہرست ہیں،دوطرفہ تعلقات کی مضبوطی سے دونوں ممالک اپنے تجارتی تعلقات کو مزید فروغ دینے کے طریقوں پر غور ہورہا ہے اور حالیہ مذاکرات میں معدنی وسائل کی ترقی پر ممکنہ تعاون بھی زیرِ بحث آیا ہے۔ ایک نیا سنگِ میل امریکا سے پاکستان کو خام تیل کی پہلی کھیپ کی آمد ہے۔
برطانیہ خلیجی ممالک کے ساتھ ترقی کے لیے مزید آگے بڑھے گا، چانسلر ریچل ریوز