پاکستان نے ویسٹ انڈیز کو شکست دے کر ٹی 20 سیریز اپنے نام کر لی
اشاعت کی تاریخ: 4th, August 2025 GMT
پاکستان نے ویسٹ انڈیز کے خلاف تین میچوں پر مشتمل ٹی 20 سیریز کے فیصلہ کن مقابلے میں شاندار کھیل کا مظاہرہ کرتے ہوئے 13 رنز سے کامیابی حاصل کی اور سیریز 1-2 سے اپنے نام کر لی۔ یہ میچ امریکی ریاست فلوریڈا کے شہر لاڈرہل میں کھیلا گیا جہاں پاکستان کے کپتان سلمان علی آغا نے ٹاس جیت کر پہلے بیٹنگ کا فیصلہ کیا اور مخالف ٹیم کو 190 رنز کا ہدف دیا پاکستانی بلے بازوں نے شاندار کارکردگی دکھائی، خاص طور پر صائم ایوب اور صاحبزادہ فرحان نے نصف سنچریاں بنا کر ٹیم کو مضبوط آغاز فراہم کیا۔ صائم ایوب نے 66 اور صاحبزادہ فرحان نے 74 رنز کی ذمہ دارانہ اننگز کھیلی جبکہ دیگر کھلاڑیوں میں حسن نواز 15، محمد حارث 2، خوشدل شاہ 11 اور فہیم اشرف 10 رنز کے ساتھ ناٹ آؤٹ رہے۔ پاکستان نے مقررہ 20 اوورز میں 189 رنز بنائے جواب میں ویسٹ انڈیز کی ٹیم ہدف کے تعاقب میں دباؤ میں نظر آئی۔ آغاز میں کچھ اچھے اسٹروک تو دیکھنے کو ملے مگر اختتامی اوورز میں پاکستانی بالرز خصوصاً اسپنرز نے شاندار گیندبازی کرتے ہوئے ویسٹ انڈیز کی بیٹنگ لائن کو باندھ کر رکھ دیا۔ ویسٹ انڈیز 20 اوورز میں 176 رنز بنا سکی اور پاکستان نے 13 رنز سے فیصلہ کن فتح حاصل کی ویسٹ انڈیز کی جانب سے ایتھنزے 60 اور ردرفورڈ 51 رنز بنا کر نمایاں رہے جبکہ شائے ہوپ اور جیسن ہولڈر ناکام ثابت ہوئے۔ پاکستان کی جانب سے حسن علی، محمد نواز، حارث رؤف، صائم ایوب اور سفیان مقیم نے ایک ایک وکٹ حاصل کی شاندار بلے بازی پر صاحبزادہ فرحان کو پلیئر آف دی میچ جبکہ آل راؤنڈ کارکردگی پر محمد نواز کو پلیئر آف دی سیریز قرار دیا گیا۔ پاکستانی ٹیم میں تیسرے میچ کے لیے دو تبدیلیاں کی گئی تھیں، فخر زمان کی جگہ خوشدل شاہ اور شاہین آفریدی کی جگہ حارث رؤف کو شامل کیا گیا پاکستان کی اس کامیابی کے بعد ٹیم کا مورال بلند ہے اور اب قومی اسکواڈ ٹرینیڈاڈ روانہ ہو رہا ہے جہاں جمعے سے تین ایک روزہ میچز کی سیریز کا آغاز ہو گا۔ شائقین کو امید ہے کہ ٹی 20 کی یہ کارکردگی ایشیا کپ میں بھی جاری رہے گی وزیراعظم شہباز شریف نے قومی کرکٹ ٹیم کو ٹی 20 سیریز جیتنے پر دل کی گہرائیوں سے مبارکباد دی ہے۔ اپنے پیغام میں وزیراعظم نے کہا کہ ٹیم ورک اور محنت ہی کامیابی کی اصل کنجی ہے۔ انہوں نے پاکستان کرکٹ بورڈ کے چیئرمین محسن نقوی اور ٹیم منیجمنٹ کو بھی مبارکباد دی اور کہا کہ مجھے امید ہے کہ ٹیم یکسوئی سے مزید محنت کرے گی اور مستقبل میں بھی کامیابیاں سمیٹتی رہے گی
.
ذریعہ
ذریعہ: Nawaiwaqt
کلیدی لفظ: پاکستان نے ویسٹ انڈیز
پڑھیں:
سرکاری ملازمتوں کا شاندار موقع! ماہانہ تنخواہ 1 لاکھ سے 7 لاکھ 50 ہزار روپے تک
لاہور: پنجاب ایجوکیشن انیشیٹوز مینجمنٹ اتھارٹی ملازمتیں حاصل کرنے کے خواہشمند امیدواروں کے لیے خوشخبری سامنے آئی ہے۔ پنجاب ایجوکیشن انیشیٹوز مینجمنٹ اتھارٹی (PEIMA) نے مختلف شعبوں میں 31 کنٹریکٹ بنیادوں پر آسامیوں کا اعلان کر دیا ہے، جہاں منتخب امیدواروں کو ماہانہ ایک لاکھ 50 ہزار روپے سے لے کر سات لاکھ 50 ہزار روپے تک تنخواہ دی جائے گی۔
اتھارٹی کی جانب سے جاری تفصیلات کے مطابق بھرتیاں ایڈمنسٹریشن، فنانس، پروگرامز، اکیڈمکس، ریسرچ، آئی ٹی، ڈیٹا مینجمنٹ، پارٹنرشپ، مانیٹرنگ اور دیگر اہم شعبوں میں کی جائیں گی۔ ان اسامیوں کے لیے تجربہ کار اور پیشہ ور امیدواروں سے درخواستیں طلب کی گئی ہیں۔
ڈائریکٹر سطح کے مختلف عہدوں کے لیے امیدوار کی عمر 35 سے 55 سال کے درمیان ہونی چاہیے جبکہ کم از کم 16 سالہ تعلیم اور متعلقہ شعبے میں 10 سال کا تجربہ لازمی قرار دیا گیا ہے۔ ان عہدوں پر کامیاب امیدواروں کو زیادہ سے زیادہ 7 لاکھ 50 ہزار روپے ماہانہ تنخواہ دی جائے گی۔
اسی طرح چیف آڈٹ آفیسر، ڈیٹا اینالسٹ اور ڈیٹا انجینئر کی بھی ایک، ایک آسامی دستیاب ہے۔ ان عہدوں کے لیے عمر اور تجربے کی الگ شرائط مقرر کی گئی ہیں تاکہ موزوں امیدواروں کا انتخاب کیا جا سکے۔
مزید برآں اسسٹنٹ ڈائریکٹر ایڈمنسٹریشن، فنانس، ٹریننگ، مانیٹرنگ اور دیگر شعبوں کی آسامیوں پر 2 لاکھ 25 ہزار روپے ماہانہ تنخواہ مقرر کی گئی ہے، جبکہ اسسٹنٹ ڈائریکٹر آئی ٹی اینڈ سافٹ ویئر ڈویلپمنٹ کے لیے تنخواہ 3 لاکھ روپے ماہانہ رکھی گئی ہے۔ ان عہدوں کے لیے 16 سالہ تعلیم اور کم از کم 3 سال کا متعلقہ تجربہ ضروری ہوگا۔
اتھارٹی نے اسسٹنٹ اور اسسٹنٹ آئی ٹی کی متعدد آسامیوں کا بھی اعلان کیا ہے، جن کے لیے کم از کم ایک سال کا عملی تجربہ درکار ہوگا۔
تعلیمی قابلیت
درخواست دینے والے امیدواروں کے پاس ہائر ایجوکیشن کمیشن (HEC) سے تسلیم شدہ ادارے کی ڈگری ہونی چاہیے۔ متعلقہ شعبوں میں بزنس ایڈمنسٹریشن، فنانس، اکاؤنٹنگ، پبلک ایڈمنسٹریشن، ایجوکیشن، سوشل سائنسز، کمپیوٹر سائنس، ڈیٹا سائنس، انفارمیشن ٹیکنالوجی اور سافٹ ویئر انجینئرنگ سمیت دیگر مضامین قابل قبول ہوں گے۔
درخواست کیسے جمع کرائیں؟
امیدوار پنجاب ایجوکیشن انیشیٹوز مینجمنٹ اتھارٹی ملازمتیں حاصل کرنے کے لیے پنجاب حکومت کے سرکاری جاب پورٹل کے ذریعے آن لائن درخواست جمع کرا سکتے ہیں۔ ڈاک، ای میل یا کوریئر کے ذریعے بھیجی گئی درخواستوں پر غور نہیں کیا جائے گا۔
سرکاری یا نیم سرکاری اداروں میں خدمات انجام دینے والے امیدواروں کو اپنے متعلقہ ادارے کے ذریعے درخواست جمع کرانا ہوگی اور ضرورت پڑنے پر این او سی بھی فراہم کرنا ہوگا۔
بھارت سے جنگ اور افغانستان میں کارروائی خارج ازامکان نہیں، وزیردفاع