برطانیہ طوفان فلورِس کی لپیٹ میں، انسانی زندگی کے لیے خطرے کی وارننگ جاری
اشاعت کی تاریخ: 4th, August 2025 GMT
برطانیہ طوفان فلورِس کی لپیٹ میں، انسانی زندگی کے لیے خطرے کی وارننگ جاری
برطانیہ میں طوفان فلورِس کے باعث محکمہ موسمیات نے 90 میل فی گھنٹہ کی تیز ہواؤں اورعوام کے لیے ’زندگی کو خطرہ‘ لاحق ہونے کی وارننگ جاری کردی ہے۔
یہ بھی پڑھیں: ڈیلٹا ایئر لائنز کے طیارے کو شدید طوفانی جھکڑ کا سامنا، 25 مسافر زخمی، ہنگامی لینڈنگ
برطانوی محکمہ موسمیات کے مطابق، غیرموسمی طور پر شدید ہوائیں سفری نظام کو سخت متاثر کریں گی، کئی ٹرینیں پہلے ہی منسوخ کی جا چکی ہیں جبکہ بعض علاقوں میں ڈرائیورز کو خبردار کیا گیا ہے کہ وہ سفر کرنے سے قبل اچھی طرح سوچ لیں۔
ساحلی علاقوں میں رہنے والے افراد کو تنبیہ کی گئی ہے کہ وہ تیز لہروں سے ہوشیار رہیں، جو انہیں اپنے پیروں سے اٹھا کر سمندر میں لے جا سکتی ہیں۔ مغربی ساحلی پٹی پر طوفان کی شدت زیادہ محسوس کی جائے گی۔
ہواؤں کے ضمن میں یہ وارننگ شمالی برطانیہ میں آج صبح 6 بجے سے فعال ہو چکی ہے جو منگل کی صبح 6 بجے تک برقرار رہے گی، اس وارننگ کا مطلب ہے کہ کچھ عمارتوں کو نقصان پہنچ سکتا ہے، چھتوں کی ٹائلز اڑ سکتی ہیں، اور لوگ ہوا میں اڑنے والے ملبے سے زخمی ہو سکتے ہیں۔
اسکاٹ لینڈ کے لیے نارنجی وارننگ جاریاسکاٹ لینڈ کے بیشتر علاقوں کے لیے ہواؤں کی ایمبریعنی نارنجی وارننگ آج صبح 10 بجے سے رات 10 بجے تک نافذ ہے۔ وارننگ میں کہا گیا ہے کہ تیز لہروں اور ساحلی علاقوں سے اڑنے والے مواد کے باعث چوٹ لگنے اور جان کو خطرہ لاحق ہو سکتا ہے۔ یہ چیزیں سمندر کے کناروں، ساحلی سڑکوں اور گھروں تک پہنچ سکتی ہیں۔
اسکاٹ لینڈ کے بیشتر حصوں میں 50 سے 70 میل فی گھنٹہ کی رفتار سے جھکڑ چلنے کی توقع ہے، جبکہ کچھ کھلے ساحلی علاقوں، پہاڑیوں اور پلوں پر یہ رفتار 80 سے 90 میل فی گھنٹہ تک جا سکتی ہے۔
مزید پڑھیں:سکھ مظاہرین نے بھارتی ہائی کمشنر کو گلاسگو کے گردوارے میں کیوں داخل نہیں ہونے دیا؟
ملک بھر کے عوام کو خبردار کیا گیا ہے کہ وہ گاڑی چلانے سے پہلے موسم کی صورتحال ضرور دیکھ لیں، پیلی وارننگ میں مزید کہا گیا ہے کہ اگر آپ ساحل پر ہیں تو طوفانی موسم میں محفوظ رہنے کے لیے بڑی لہروں سے باخبر رہیں۔ یہاں تک کہ ساحل سے بھی ٹکرانے والی بڑی لہریں آپ کو بہا کر سمندر میں لے جا سکتی ہیں۔
’اگر آپ چٹانوں کے قریب پیدل چل رہے ہیں تو احتیاط کریں، راستے سے باخبر رہیں اور کتوں کو پٹے میں رکھیں، ہنگامی صورتحال میں 999 پر کال کریں اور کوسٹ گارڈ کو طلب کریں۔‘
طوفانی انتشارمحکمہ موسمیات نے خبردار کیا ہے کہ طوفان فلورِس تیزی سے شدت اختیار کر رہا ہے اور برطانیہ کی طرف بڑھ رہا ہے۔ فیری سروس فراہم کرنے والی کمپنی کال میک نے طوفان کے پیشِ نظر کئی سروسز منسوخ کر دی ہیں۔
میڈیا محکمہ موسمیات کے چیف ماہرِ موسمیات میتھیو لینرٹ کا کہنا تھا کہ متاثرہ علاقوں میں اندرونی حصوں میں بھی 40 سے 50 میل فی گھنٹہ کی ہوائیں چلنے کی توقع ہے، جبکہ بلند علاقوں اور اسکاٹ لینڈ کے ساحلی مقامات پر یہ رفتار 60 سے 70 میل فی گھنٹہ ہو سکتی ہے۔
مزید پڑھیں:برطانوی کرکٹر ابتہیٰ مقصود کو حجاب پہن کر کھیلنا کیسا لگتا ہے؟
انہوں نے مزید بتایا کہ کچھ مقامات پر ہواؤں کی شدت 85 میل فی گھنٹہ تک بھی جا سکتی ہے، سب سے زیادہ شدید ہوائیں پیر کی دوپہراوررات کو اسکاٹ لینڈ میں محسوس کی جائیں گی، تاہم طوفان فلورِس کی شدت اور سمت کے بارے میں ابھی کچھ غیر یقینی صورتحال باقی ہے۔
برطانوی محکمہ موسمیات کے مطابق پیر کی شام کو مغربی علاقوں میں ہوائیں کچھ کم ہوں گی لیکن مشرقی علاقوں میں منگل کی صبح تک یہ بہت زیادہ شدید رہیں گی۔ ’طوفان کے ساتھ ساتھ کہیں کہیں شدید بارش بھی ممکنہ طور پر خلل کا باعث بنے گی۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکاٹ لینڈ برطانیہ پیلی وارننگ فیری سروس کوسٹ گارڈ ماہر موسمیات محکمہ موسمیات میل فی گھنٹہ نارنجی جھینگا.ذریعہ: WE News
کلیدی لفظ: اسکاٹ لینڈ برطانیہ فیری سروس کوسٹ گارڈ ماہر موسمیات محکمہ موسمیات نارنجی جھینگا محکمہ موسمیات اسکاٹ لینڈ کے وارننگ جاری علاقوں میں گیا ہے کہ سکتی ہیں جا سکتی کے لیے
پڑھیں:
یو اے ای میں پرچم کی توہین پر 25 سال قید اور بھاری جرمانے کی وارننگ
data-id="863a0a8" data-element_type="widget" data-widget_type="theme-post-content.default">
متحدہ عرب امارات میں یومِ پرچم کے موقع پر حکام نے پرچم کی عزت اور حرمت کے حوالے سے انتہائی سخت تنبیہ جاری کی واضح کیا ہے کہ پرچم کے غلط استعمال یا اس کی بے حرمتی پر سنگین قانونی نتائج بھگتنے پڑ سکتے ہیں۔
متحدہ عرب امارات میں آج یومِ پرچم کے موقع پر حکام نے واضح کیا ہے کہ اماراتی پرچم کی توہین پر 25 سال تک قید کی سزا ہو سکتی ہے جبکہ پرچم کے غلط استعمال پر 5 لاکھ درہم تک جرمانہ کیا جا سکتا ہے جو پاکستانی کرنسی میں 3 کروڑ 78 لاکھ روپے سے زائد بنتا ہے۔
حکام کے مطابق پرچم کے ڈیزائن کو کیک، غباروں یا اسی طرز کی اشیاء پر لگانا بھی توہین کے زمرے میں آئے گا اور اس پر سخت کارروائی کی جائے گی۔
حکام نے مزید کہا کہ اماراتی پرچم کو اشتہارات یا تجارتی مقاصد کے لیے استعمال کرنا بھی قانوناً ممنوع ہے اور ایسے عمل پر بھی سزا اور جرمانہ دونوں ہو سکتے ہیں۔
حادثات وواقعات میں5افراد جاں بحق