موت کے بعد بھی سکون نہ ملا، سدھو موسے والے کے مجسمے پر بھی فائرنگ
اشاعت کی تاریخ: 6th, August 2025 GMT
پنجابی گلوکار اور ریپر سدھو موسے والا، جو 2022 میں گولی مار کر قتل کر دیے گئے تھے، ان کے مجسمے پر فائرنگ کا واقعہ پیش آیا ہے جسے ان کی والدہ نے روح پر حملہ قرار دیا ہے۔
ہریانہ کے ضلع دبوالی میں مرحوم گلوکار سدھو موسے والا کے مجسمے پر فائرنگ کی گئی، جس کے بعد ان کی والدہ چرن کور نے انسٹاگرام پر اس واقعے پر صدمہ اور افسوس کا اظہار کیا۔
چرن کور نے انسٹاگرام پوسٹ میں اسے اپنی روح پر زخم قرار دیا۔ انہوں نے لکھا کہ ان کے بیٹے کے دشمن اسے اس کی موت کے بعد بھی تنہا نہیں چھوڑ رہے۔ انہوں نے مزید لکھا، میرا بیٹا عوام کے حقوق کی آواز بنا رہا، اور اس کے جانے کے بعد بھی اسے خاموش کرنے کی کوشش کی جا رہی ہے۔
یہ بھی پڑھیں: وفات کے 3 سال بعد سدھو موسے والا کی واپسی، سوشل میڈیا پر کیا پیغام دیا گیا؟
انہوں نے کہا کہ موسے والا کی یاد زندہ رہے گی، وہ ایک تحریک تھا جو ہمیشہ جاری رہے گی۔ میں سب کو بتانا چاہتی ہوں کہ ایک دن گناہ گاروں کو ان کے عمل کی سزا ضرور ملے گی۔ ہماری خاموشی ہماری شکست نہیں ہے۔
جناں یاک جناتہ پارٹی (جے جے پی) کے ریاستی صدر دگ وجے چوتالا نے گزشتہ سال ہریانہ کے ساونت کھیدا گاؤں میں موسے والا کا مجسمہ نصب کیا تھا۔ چند دن پہلے نامعلوم حملہ آوروں نے رات کے وقت مجسمے پر فائرنگ کی، جس سے مجسمہ کو نقصان پہنچا اور سوشل میڈیا پر ہنگامہ مچا۔
یہ بھی پڑھیں: ’دل دا نئیں ماڑا تیرا سدھو موسے والا‘ بابر اعظم کے پنجابی ڈائیلاگز، ویڈیو وائرل
رپورٹ کے مطابق، 29 جولائی کو ایک غیر ملکی موبائل نمبر سے چوتالا کو ایک ویڈیو کلپ بھیجا گیا، جس میں موسے والا کے مجسمے پر فائرنگ دکھائی گئی تھی۔ اس میں دھمکی دی گئی کہ موسے والا کے قتل کے بعد ان کے حمایتیوں کو بھی نشانہ بنایا جائے گا۔ اس کے بعد دبوالی، ضلع سرسا میں مقدمہ درج کیا گیا۔
بھارتی میڈیا رپورٹس کے مطابق، لارنس بشنوی گینگ نے سدھو موسے والا کے مجسمے پر فائرنگ کی ذمہ داری قبول کی ہے۔ سوشل میڈیا پوسٹ میں انہوں نے مجسمہ لگانے والوں کو دھمکی دی کہ جو لوگ سدھو موسے والا کو شہید کا درجہ دے رہے ہیں اور عوام کو گمراہ کر رہے ہیں، انہیں سخت نتائج بھگتنا ہوں گے۔
یہ بھی پڑھیں: سدھو موسے والا کا ختم: ’بدمعاش اور جٹ برادری کو دعوت‘ دینے والے پاکستانی کے ساتھ کیا ہوا؟
گولڈی ڈھلوں اور ارزو بشنوی نامی دو افراد نے فائرنگ کی ذمہ داری قبول کی اور کہا کہ دگ وجے چوتالا اور گگن کھوکری عوام کو گمراہ کر رہے ہیں کہ وہ موسے والا کا مجسمہ نصب کر کے انہیں شہید کا درجہ دے رہے ہیں۔ انہوں نے کہا کہ مجسمے بھگت سنگھ یا کسی شہید فوجی کے نصب ہونے چاہئیں، نہ کہ گلوکار کے۔
واضح رہے کہ سدھو موسے والا کو 29 مئی 2022 کو پنجاب کے منسا میں مبینہ طور پر لارنس بشنوی گینگ نے قتل کیا تھا۔ گلوکار نے ایک سال قبل اسمبلی انتخابات سے پہلے دسمبر میں کانگریس پارٹی میں شمولیت اختیار کی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: کے مجسمے پر فائرنگ سدھو موسے والا موسے والا کے فائرنگ کی انہوں نے رہے ہیں کے بعد
پڑھیں:
شہری کو قتل کرکے لاش کو تیزاب سے مسخ کرنے والا سفاک شخص گرفتار
راولپنڈی کے تھانہ ریس کورس پولیس نے کارروائی کرتے ہوئے ڈیڑھ ماہ قبل شہری کو قتل کرکے اس کی لاش کو تیزاب سے مسخ کرنے والے مرکزی اشتہاری کو گرفتار کرلیا۔
متن مقدمہ کے مطابق زیر حراست اشتہاری نے مقتول کی اہلیہ اور دیگر ساتھیوں کے ساتھ ملکر قتل کیا تھا۔
ریس کورس پولیس نے ٹیکنیکل و ہیومن انٹیلیجنس ذرائع بروئے کار لاتے ہوئے اشتہاری کو گرفتار کیا، مقتول کی اہلیہ سمیت تین افراد کو قبل ازیں گرفتار کیا جا چکا ہے۔
ایس پی پوٹھوہار نے کہا کہ زیر حراست اشتہاری کو ٹھوس شواہد کے ساتھ چالان عدالت کیا جائے گا۔
ویٹی کن سٹی: مولانا عبدالخبیر آزاد کی پوپ لیو سے ملاقات