سی ای او کے الیکٹرک مونس علوی کو عہدے سے ہٹانے کے حکم امتناع میں توسیع
اشاعت کی تاریخ: 8th, August 2025 GMT
سندھ ہائیکورٹ نے کے الیکٹرک کے چیف ایگزیکٹو آفیسر (سی ای او) مونس علوی کو عہدے سے ہٹانے کے خلاف جاری حکمِ امتناع میں 12 ستمبر تک توسیع کردی ہے۔
جسٹس محمد اقبال کلہوڑو نے مونس علوی کی جانب سے صوبائی محتسب کی سزا کے خلاف دائر درخواست پر سماعت کی، سماعت کے دوران صوبائی محتسب اور متاثرہ خاتون فریق کی جانب سے تحریری جوابات عدالت میں پیش کیے گئے۔
یہ بھی پڑھیں: ہراسانی کے جرم میں برطرفی، سی ای او کے الیکٹرک مونس علوی کا بیان بھی سامنے آگیا
صوبائی محتسب نے مؤقف اختیار کیا کہ مونس علوی کی درخواست ناقابلِ سماعت ہے اور اسے مسترد کیا جانا چاہیے۔ ان کا کہنا تھا کہ دائرہ اختیار سے متعلق معاملہ سپریم کورٹ میں زیرِ سماعت ہے، لہٰذا سندھ ہائیکورٹ کو یہ کیس سننے کا اختیار حاصل نہیں۔
مونس علوی کے وکیل عابد زبیری نے عدالت کو آگاہ کیاکہ ان کے مؤکل نے گورنر سندھ کے سامنے اپیل دائر کر رکھی ہے، جسے پیر کے روز سماعت کے لیے مقرر کیا گیا ہے۔
جسٹس محمد اقبال نے ریمارکس دیے کہ جب تک اپیل پر فیصلہ نہیں آتا، عہدے سے برطرفی کیسے ممکن ہے؟ اگر اپیل زیرِ سماعت ہے تو وہیں پیروی کریں، یہ اتنی بڑی سزا ہے، اس طرح کیسے دی جا سکتی ہے؟
درخواست گزار کے وکیل نے کہاکہ اس کیس میں بہت سی باتیں پہلی بار دیکھنے کو مل رہی ہیں، جس پر جسٹس محمد اقبال نے ریمارکس دیے کہ آپ پہلی بار دیکھ رہے ہوں گے، 26 ویں آئینی ترمیم کے بعد تو اور بھی بہت کچھ دیکھنے کو مل رہا ہے۔
یہ بھی پڑھیں: کے الیکٹرک کے سی ای او مونس علوی نوکری سے برطرف، وجہ کیا بنی؟
عدالت نے مونس علوی کے وکیل کو ہدایت کی کہ وہ جواب الجواب تحریری طور پر جمع کروائیں۔ ساتھ ہی سی ای او کے الیکٹرک کو عہدے سے ہٹانے کے حکم امتناع میں 12 ستمبر تک توسیع کر دی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews حکم میں توسیع سندھ ہائیکورٹ سی ای او کے الیکٹرک عہدے میں توسیع کے الیکٹرک وی نیوز.
ذریعہ
ذریعہ: WE News
کلیدی لفظ: حکم میں توسیع سندھ ہائیکورٹ سی ای او کے الیکٹرک عہدے میں توسیع کے الیکٹرک وی نیوز سی ای او کے الیکٹرک مونس علوی
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار