میں نے ملکہ ترنم نورجہاں کی شاگرد بننے کی پیش کش کو مسترد کیا تھا، گلوکارہ حمیرا ارشدکاانکشاف
اشاعت کی تاریخ: 8th, August 2025 GMT
لاہور(ڈیلی پاکستان آن لائن)ماضی کی مقبول پلے بیک سنگر حمیرا ارشد نے انکشاف کیا ہے کہ کوئی غلط کام نہ کرنے کی یقین دہانی پر والدین نے انہیں گلوکاری کی اجازت دی، والد ان کی گلوکاری کی وجہ سے ناراض ہوکر گھر چھوڑ کر چلے گئے تھے۔
ایک پوڈ کاسٹ میں بات کرتے ہوئےگلوکارہ نے بتایا کہ انہیں کم عمری سے ہی گلوکاری کا شوق تھا، وہ خوش قسمت ہیں کہ انہوں نے ملکہ ترنم نورجہاں اور استاد نصرت فتح علی خان جیسے گلوکاروں سے بھی سیکھا۔انہوں نے بتایا کہ انہوں نے ملکہ ترنم نورجہاں سے نصرت فتح علی خان کی رہائش گاہ پر ملاقات کی تھی۔حمیرا ارشد کے مطابق وہ استاد نصرت فتح علی خان کی شاگرد بننا چاہتی تھیں لیکن ملکہ ترنم نورجہاں نے انہیں اپنا شاگرد بننے کی پیش کش کی، جسے انہوں نے مسترد کیا۔
اسرائیل کی سب سے بڑی گیس ڈیل، مصر کے ساتھ 35 ارب ڈالر کا معاہدہ
گلوکارہ کا کہنا تھا کہ ان کے انکار پر ملکہ ترنم ناراض ہوئیں اور انہیں جھاڑ پلادی اور کہا کہ اگر وہ ان کی شاگرد نہیں بنتیں تو پھر ان کے تیار کردہ گانے بھی کبھی نہ گائے۔ایک سوال کے جواب میں انہوں نے دعویٰ کیا کہ انہیں متعدد فلموں اور ڈراموں میں کام کی پیش کش ہوئی لیکن انہیں اداکاری میں کوئی دلچسپی نہیں تھی۔ان کے مطابق انہیں صرف گلوکاری کا شوق تھا، اس لیے انہون نے درجنوں فلموں کے گانے بھی گائے لیکن اداکاری میں ان کی کوئی دلچسپی نہیں تھی۔
حمیرا ارشد کا کہنا تھا کہ وہ تنہائی پسند ہیں اور وہ سیکھنے کی غرض سے کرائم انویسٹی گیٹو ٹی وی پروگرامات دیکھتی رہتی ہیں۔گلوکاری کی اجازت کس طرح ملی کے سوال پر گلوکارہ نے بتایا کہ ان کی گلوکاری کرنے پر ان کے والد تک گھر چھوڑ گئے تھے جب کہ رشتے داروں نے بھی ان کے خاندان سے تعلق توڑ لیا تھا۔انہوں نے کہا کہ ان کے والد سخت مزاج تھے، ان کی گلوکاری پر ناراض ہوئے اور گھر چھوڑ کر چلے گئے جب کہ قریبی رشتے داروں نے بھی ان کا بائیکاٹ کیا۔گلوکارہ نے بتایا کہ انہوں نے والد کے مرشد کو والد سے گلوکاری کی اجازت لے کر دینے کی اپیل کی اور والد نے مرشد کے کہنے اور ان کی کسی غلط کام نہ کرنے کی گارنٹی کے بعد گلوکاری کی اجازت دی۔
غزہ کے نہتے شہریوں کیلئے اب تک امدادی سامان پر مشتمل 18 جہازروانہ کیے جا چکے ہیں:عطاء اللہ تارڑ
مزید :.
ذریعہ
ذریعہ: Daily Pakistan
کلیدی لفظ: ملکہ ترنم نورجہاں گلوکاری کی اجازت نے بتایا کہ ان انہوں نے نے بھی
پڑھیں:
راولپنڈی میں 14 سالہ فیکٹری ملازم کے ساتھ ’استاد‘ کی بدفعلی، لڑکا اسپتال میں داخل
راولپنڈی کے تھانہ سول لائن کے علاقے گلستان کالونی میں فیکٹری کے استاد کی 14 سالہ شاگرد سے مبینہ زیادتی و انسانیت سوز سلوک کا کیس سامنے آنے پر پولیس نے مقدمہ درج کرکے ملزم کو گرفتار کرلیا۔
پولیس کے مطابق بچے کے والد نے بتایا 14 سالہ بیٹا پلاسٹک کے دروازے کھڑکیاں بنانے والی فیکٹری میں کام سیکھ رہا ہے، جہاں اسد جہانگیر نامی شخص نے اُسے مبینہ بدفعلی کا نشانہ بنایا۔
والد کے مطابق اسد جہانگیر نے آج فون پر بتایا کہ آپکے بیٹے کی طبیعت اچانک خراب ہوگی اسکو اسپتال لے کر آئے ہیں اور ڈاکٹر بچے کے والد کو بلوا رہے ہیں۔
انہوں نے بتایا کہ اسپتال پہنچا تو بیٹے نے گلے لگ کر سہمے ہوئے انداز بتایا کہ اسکے فیکٹری کے استاد اسد جہانگیر نے مبینہ زیادتی کا نشانہ بنایا اور مزید بتایا فیکٹری استاد اسد جہانگیر نے مبینہ بربریت کا مظاہرہ کرتے ہوئے پرائیویٹ پارٹ میں پائپ بھی ڈالتا رہا۔
پولیس نے والد کی درخواست پر مقدمہ درج کرکے ملزم کو گرفتار کرلیا۔ ایس پی پوٹھوہار سردار بابر ممتاز کا نے کہا کہ متاثرہ لڑکے کا میڈیکل کروایا جارہا ہے جس کی رپورٹ آنے کے بعد مزید کارروائی کی جائے گی۔
انہوں نے متاثرہ خاندان کو یقین دہانی کرائی کہ زیر حراست شخص کو ٹھوس شواہد کے ساتھ چالان کیا جائے گا،خواتین ، بچوں سے ہراسمنٹ یا زیادتی ناقابل برداشت ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم