حمل کے دوران پروڈیوسر نے تنگ لباس پہننے پر مجبور کیا، رادھیکا آپٹے
اشاعت کی تاریخ: 8th, August 2025 GMT
معروف بھارتی اداکارہ رادھیکا آپٹے نے انکشاف کیا ہے کہ دورانِ حمل پروڈیوسر نے انہیں تنگ لباس پہننے پر مجبور کیا تھا۔
رادھیکا آپٹے نے حال ہی میں اپنے حمل کے دوران بالی ووڈ میں پیش آئے تلخ تجربات پر بات کرتے ہوئے انکشاف کیا کہ پروڈیوسر انہیں شوٹنگ کے دوران طبعیت بگڑنے پر ڈاکٹر سے ملنے کی اجازت بھی نہیں دیتا تھا۔
اداکارہ نیہا دھوپیا کے "فریڈم ٹو فیڈ" لائیو سیشن میں گفتگو کرتے ہوئے رادھیکا نے بتایا کہ ایک بھارتی پروڈیوسر نے ان کے حاملہ ہونے پر منفی ردعمل دیا اور انہیں تنگ لباس پہننے پر اصرار کیا، حالانکہ وہ جسمانی تبدیلیوں اور تکلیف سے گزر رہی تھیں۔
رادھیکا نے کہا کہ انہیں کھانے کی شدید خواہش رہتی تھی اور وہ مسلسل طبیعت کی خرابی محسوس کر رہی تھیں، لیکن پروڈکشن ٹیم کی جانب سے نہ صرف بے حسی کا مظاہرہ کیا گیا بلکہ انہیں مختلف طریقوں سے پریشان بھی کیا۔
View this post on InstagramA post shared by Freedom To Feed (@freedomtofeed)
اداکارہ نے بتایا کہ اس کے برعکس ایک ہالی ووڈ پروجیکٹ پر کام کرتے ہوئے انہیں مکمل تعاون اور ہمدردی ملی جبکہ ان کا بےحد خیال بھی رکھا گیا۔ رادھیکا کے مطابق بین الاقوامی ہدایتکار نے ان کے جذبات کا احترام کیا اور انہیں حوصلہ بھی دیا۔
یاد رہے کہ رادھیکا نے دسمبر 2024 میں اپنی بیٹی کو جنم دیا جس کے بعد وہ حال ہی میں وہ فلم سسٹر مڈنائٹ میں نظر آئیں جو 30 مئی 2025 کو ریلیز ہوئی تھی۔
.ذریعہ: Express News
پڑھیں:
ڈیپ فیک رومانس، خاتون ساڑھے 3 لاکھ 50 ڈالرز سے محروم
جنوبی کوریا کی ایک خاتون کو ڈیپ فیک (AI سے تیار کردہ جعلی ویڈیوز) پر مبنی رومانس اسکینڈل میں تقریباً 3 لاکھ 50 ہزار امریکی ڈالر (تقریباً 500 ملین وون) کا نقصان اٹھانا پڑا۔
جعلسازوں نے مشہور کورین اداکار لی جنگ جے (Squid Game کے مرکزی کردار) کی نقل کرتے ہوئے اسے یہ باور کرا دیا کہ وہ خود اداکار سے رومانوی تعلق میں ہیں۔
مقامی میڈیا رپورٹس کے مطابق، یہ دھوکہ دہی 6 ماہ تک جاری رہی۔ اس دوران متاثرہ خاتون جن کی شناخت صرف Aکے نام سے ظاہر کی گئی ہے کو جعلی ویڈیوز، تصاویر، اور ایک فیک ڈرائیونگ لائسنس دکھایا گیا جس پر اداکار کا چہرہ لگا ہوا تھا۔
یہ بھی پڑھیے ڈیپ فیک سے ڈیٹا چوری تک، اے آئی سے ذاتی تصاویر بنوانا کتنا خطرناک؟
جعل سازوں نے متاثرہ خاتون کو پیار بھرے ناموں جیسے ’ہنی‘ اور ’سوئیٹی‘ سے مخاطب کیا، جس سے ’رومانس‘ مزید قابلِ یقین محسوس ہوا۔
تحقیقات کے مطابق، یہ جعلساز ممکنہ طور پر کمبوڈیا میں سرگرم ایک بین الاقوامی گروہ سے وابستہ ہیں۔
جنوبی گیونگ سانگ صوبائی پولیس ایجنسی نے تصدیق کی ہے کہ معاملے کی تفتیش جاری ہے اور اس کے ممکنہ بین الاقوامی روابط بھی کھنگالے جا رہے ہیں۔
’اسکوئڈ گیم‘ اسٹار لی جنگ جے کے مینجمنٹ ایجنسی نے اس واقعے کی سخت مذمت کرتے ہوئے کہا کہ ’نہ کمپنی اور نہ ہی ہمارے کسی فنکار نے کبھی کسی سے مالی مدد یا بینک ٹرانسفر کی درخواست کی ہے۔‘
ایجنسی نے عوام سے اپیل کی کہ وہ ایسے کسی بھی پیغام یا درخواست پر یقین نہ کریں اور اگر کسی مشکوک اکاؤنٹ سے رابطہ کیا جائے تو فوراً حکام کو اطلاع دیں۔
یہ بھی پڑھیں عالیہ بھٹ کی ڈیپ فیک ویڈیو وائرل
اداکار کی ٹیم نے تصدیق کی ہے کہ وہ قانون نافذ کرنے والے اداروں کے ساتھ مکمل تعاون کر رہی ہے تاکہ جعلسازوں کے خلاف قانونی کارروائی کی جا سکے۔
ڈیپ فیک اسکینڈلز میں اضافہیہ واقعہ ان بڑھتے ہوئے عالمی کیسز میں تازہ اضافہ ہے جن میں AI ٹیکنالوجی کا استعمال کرتے ہوئے مشہور شخصیات کی جعلی شناخت بنا کر لوگوں کو مالی نقصان پہنچایا جا رہا ہے۔
حالیہ برسوں میں اسی نوعیت کے کیسز میں جعلسازوں نے ہالی ووڈ اداکار ڈیکر مونٹگومری (Stranger Things) اور کیانو ریوز (John Wick) کے نام استعمال کر کے متاثرین سے بھاری رقوم بٹور لیں۔
ماہرین کا کہنا ہے کہ ڈیپ فیک ٹیکنالوجی کے بڑھتے استعمال نے آن لائن شناختی فراڈ کے خطرات کو کئی گنا بڑھا دیا ہے، اور عوام کو ایسے ’رومانوی تعلقات‘ پر مبنی دھوکوں سے ہوشیار رہنا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹیکنالوجی ڈیپ فیک رومانس
یشونت سنہا کی قیادت میں کنسرنڈ سیٹیزنز گروپ کا وفد میرواعظ کشمیر ڈاکٹر عمر فاروق سے ملاقی