کراچی کا فضائی معیار انتہائی مضرِ صحت: اے کیو آئی 251 ریکارڈ
اشاعت کی تاریخ: 7th, November 2025 GMT
---فائل فوٹو
ملک بھر میں موسمِ سرما کی آمد آمد ہے۔ متعدد شہر اسموگ، شدید دھند اور فضائی آلودگی کی لپیٹ میں ہیں۔
ملک کے معاشی حب کراچی اور لاہور کا فضائی معیار آج انتہائی مضرِ صحت ہے۔
عالمی ماحولیاتی ویب سائٹ کے مطابق کراچی آج دنیا کے آلودہ ترین شہروں کی فہرست میں تیسرے، لاہور دوسرے جبکہ بھارتی دارالحکومت نئی دہلی پہلے نمبر پر ہے۔
ایئر کوالٹی انڈیکس کے مطابق کراچی کی فضا میں آلودگی کی تعداد251 پارٹیکیولیٹ میٹر ریکارڈ کی گئی ہے۔
محکمۂ موسمیات کے مطابق کراچی کا آئندہ 24 گھنٹوں کے دوران موسم خشک اور رات میں خنک جبکہ زیادہ سے زیادہ درجۂ حرارت 32 سے 34 ڈگری تک رہنے کا امکان ہے۔
محکمۂ موسمیات کا کہنا ہے کہ کراچی کا کم سے کم درجۂ حرارت 17ڈگری سینٹی گریڈ ریکارڈ کیا گیا ہے، ہوا میں نمی کا تناسب 66 فیصد ہے اور شمال مشرق سے ہوائیں چل سکتی ہیں۔
لاہور کی فضائی صورتحال
ایئر کوالٹی انڈیکس کے مطابق لاہور کی فضا میں آج پارٹیکیولیٹ میٹر کی تعداد 291 ریکارڈ کی گئی ہے۔
عالمی ماحولیاتی ویب سائٹ کے مطابق پنجاب کے شہر گوجرانوالہ میں فضائی آلودگی کی مقدار 209 جبکہ فیصل آباد میں205 پارٹیکیولیٹ میٹر ریکارڈ کی گئی ہے۔
عالمی ماحولیاتی ویب سائٹ کے مطابق لاہور کے علاقے لوئر مال کا اے کیو آئی 585، ڈی سی آفس کا 576، راوی روڈ کا 506، علامہ اقبال ٹاؤن کا 447، پنجاب یونیورسٹی کا 444 اور شادمان کی فضا میں پارٹیکیولیٹ میٹر کی تعداد 427 ریکارڈ کی گئی ہے۔
لاہور کی فضا میں آئندہ 24 گھنٹوں کے دوران آلودگی کی مقدار 180 تا 220 ریکارڈ ہونے کی پیشگوئی کی گئی ہے۔
اسموگ نگرانی سسٹم کے مطابق آلودگی میں وقتی کمی متوقع ہے جبکہ بارش کا امکان نہیں ہے، لاہور کی فضا میں بہتری کا انحصار صرف درجۂ حرارت میں اضافے پر ہوگا۔
دوسری جانب محکمۂ تحفظ ماحولیات کا کہنا ہے کہ مرکزی شاہراہوں پر محکمۂ ماحولیاتی تحفظ اور ٹریفک پولیس کے اسموگ چیکنگ آپریشنز جاری ہیں، شہریوں کو صاف ہوا فراہم کرنے کے عزم کو عملی شکل دی جا رہی ہے۔
.ذریعہ: Jang News
کلیدی لفظ: ریکارڈ کی گئی ہے لاہور کی فضا کی فضا میں ا لودگی کی کے مطابق
پڑھیں:
پشین، 15 روز کیلئے دفعہ 144 نافذ
محکمہ داخلہ بلوچستان کی جانب سے جاری اعلامیہ کے مطابق بلوچستان کے ضلع پشین میں دفعہ 144 نافذ کر دیا گیا ہے۔ اسلام ٹائمز۔ بلوچستان حکومت نے پشین میں 13 دن کے لئے دفعہ 144 نافذ کر دیا ہے۔ محکمہ داخلہ بلوچستان کی جانب سے جاری اعلامیہ کے مطابق بلوچستان کے ضلع پشین میں دفعہ 144 نافذ کر دیا گیا ہے۔ جس کے مطابق اسلحے کی نمائش، جلسے جلوس، دھرنوں یا 5 افراد سے زائد کے اکھٹے ہونے پر پابندی عائد ہوگی۔ محکمہ داخلہ کی جانب سے جاری کردہ نوٹیفکیشن کے مطابق ضلع پشین میں 20 نومبر تک دفعہ 144 نافذ رہے گی۔
افغانستان کے ساتھ مذاکرات کے نتیجے تک سب کچھ معطل رہےگا