محکمہ موسمیات کی بارش اور شدید حبس کی پیشگوئی
اشاعت کی تاریخ: 9th, August 2025 GMT
محکمہ موسمیات نے پیشگوئی کی ہے کہ ملک کے چند مقامات پر گرج چمک کے ساتھ بارش ہو سکتی ہے تاہم بیشتر میدانی علاقوں میں گرمی اور شدید حبس برقرار رہے گا ڈائریکٹر محکمہ موسمیات عبدالعزیز کے مطابق لاہور میں آئندہ دنوں تک گرمی اور حبس کی شدت میں کمی کا امکان نہیں اور تیز بارش کے کوئی آثار موجود نہیں البتہ ہلکی بارش ہو سکتی ہے انہوں نے بتایا کہ 13 اگست سے ملک کے بالائی علاقوں میں بارشوں کا سلسلہ شروع ہونے کا امکان ہے محکمہ موسمیات کے مطابق مشرقی پنجاب خطہ پوٹھوہار بالائی خیبر پختونخوا کشمیر اور قریبی پہاڑی علاقوں میں کہیں کہیں تیز ہواؤں اور گرج چمک کے ساتھ بارش متوقع ہے اسلام آباد اور گردونواح میں موسم گرم اور مرطوب رہنے کی پیشگوئی ہے جبکہ راولپنڈی مری گلیات جہلم اٹک چکوال سیالکوٹ خوشاب گجرات گوجرانوالہ نارووال اور قریبی علاقوں میں بارش کا امکان ہے سوات دیر بونیر شانگلہ کوہستان بٹگرام مانسہرہ پشاور ایبٹ آباد مردان مالاکنڈ خیبر باجوڑ اورکزئی اور کوہاٹ میں بھی بارش متوقع ہے بلوچستان کے بیشتر اضلاع میں موسم گرم اور مرطوب رہے گا جبکہ کراچی سمیت سندھ کے ساحلی علاقوں میں چند مقامات پر بارش ہو سکتی ہے آزاد کشمیر اور گلگت بلتستان میں بھی تیز ہواؤں اور گرج چمک کے ساتھ بارش کا امکان ظاہر کیا گیا ہے دوسری جانب نوشہرہ شہر اور بالائی علاقوں میں بارشوں کا سلسلہ جاری ہے جس سے ندی نالے بپھر گئے اور پانی گھروں اور دکانوں میں داخل ہو گیا بارش کے باعث بجلی کی فراہمی بھی معطل ہے وقفے وقفے سے ہونے والی بارش نے مختلف علاقوں میں سیلابی صورتحال پیدا کر دی ہے ریلوے کالونی سمیت متعدد علاقوں میں پانی گھروں تک پہنچ گیا اور ڈسپنسری بھی متاثر ہوئی گزشتہ 24 گھنٹوں کے دوران ملک کے بیشتر حصوں میں گرمی اور حبس کا راج رہا تاہم اسلام آباد شمال مشرقی پنجاب خطہ پوٹھوہار کشمیر اور بالائی خیبر پختونخوا کے مختلف علاقوں میں تیز ہواؤں اور گرج چمک کے ساتھ بارش ہوئی
.ذریعہ: Nawaiwaqt
کلیدی لفظ: گرج چمک کے ساتھ بارش محکمہ موسمیات علاقوں میں کا امکان بارش ہو
پڑھیں:
طاقتور سمندری طوفان ویتنام کے ساحلی علاقوں سے ٹکرا گیا، ملک میں ایمرجنسی نافذ
HANOI, VIETNAM:طاقتور سمندری طوفان ’ کلمیگی ‘ فلپائن میں تباہی مچانے کے بعد ویتنام کے ساحلی علاقوں سے ٹکرا گیا جس کے باعث ملک بھر میں ہنگامی حالت نافذ کر دی گئی ہے۔
ویتنامی سرکاری میڈیا کے مطابق طوفان کے باعث ہواؤں کی رفتار 92 میل فی گھنٹہ (149 کلومیٹر فی گھنٹہ) تک ریکارڈ کی گئی جب کہ 2 لاکھ 60 ہزار سے زائد فوجی اہلکار امدادی کارروائیوں کے لیے الرٹ کر دیے گئے ہیں۔
حکام نے بتایا کہ ملک کے 6 بڑے ہوائی اڈے بند کر دیے گئے ہیں اور سینکڑوں پروازیں منسوخ یا متاثر ہونے کا امکان ہے۔
ویتنام پہلے ہی ریکارڈ بارشوں اور سیلابوں سے نبرد آزما ہے اور اب اسے ایشیا کے اس سال کے طاقتور ترین طوفانوں میں سے ایک کا سامنا ہے۔
وزارتِ ماحولیات کے مطابق، طوفان نے ڈاک لک اور جیا لائی صوبوں میں ٹکرانے کے بعد شدید بارشوں اور تیز ہواؤں کا سلسلہ شروع کر دیا ہے۔
قومی موسمیاتی محکمے نے خبردار کیا ہے کہ سات صوبوں اور شہروں میں آئندہ چھ گھنٹوں کے دوران سیلاب اور لینڈ سلائیڈنگ کا خطرہ ہے۔
مختلف علاقوں سے مکانات کی چھتیں اڑنے، درختوں کے گرنے اور ہوٹلوں کی شیشے کی کھڑکیاں ٹوٹنے کی اطلاعات موصول ہوئی ہیں۔
کوی نون کے علاقے میں مرکزی شاہراہوں پر درخت گر گئے جبکہ ڈاک لک صوبے کے دو قصبوں کے مکینوں نے اپنے گھروں کے منہدم یا زیرِ آب آنے کی اطلاعات دیتے ہوئے مدد کی اپیل کی ہے۔
ماہرین کے مطابق طوفان جنوبی بحیرہ چین میں 8 میٹر (26 فٹ) تک اونچی لہریں پیدا کر سکتا ہے، جس سے ساحلی علاقوں میں مزید تباہی کا اندیشہ ہے۔
ویتنامی حکومت نے شہریوں سے اپیل کی ہے کہ وہ غیر ضروری سفر سے گریز کریں اور امدادی اداروں کے ساتھ تعاون کریں تاکہ ممکنہ جانی و مالی نقصان کو کم کیا جا سکے۔
بھارت جنوبی افریقا کو شکست دے کر ویمنز ورلڈ کپ کا پہلی بار فاتح بن گیا