علیمہ خان کا شیر افضل مروت پر کڑا وار
اشاعت کی تاریخ: 9th, August 2025 GMT
راولپنڈی(نیوز ڈیسک)راولپنڈی میں میڈیا سے گفتگو کرتے ہوئے عمران خان کی بہن علیمہ خان نے رکن قومی اسمبلی شیر افضل مروت کے حالیہ بیانات پر سخت ردعمل دیا۔ ان کا کہنا تھا کہ مروت جیسے لوگ شرم و حیا سے عاری ہیں اور انہیں ٹی وی پر صرف اس لیے بھیجا جاتا ہے کہ عمران خان کے خاندان پر الزامات لگائیں۔
انہوں نے واضح کیا کہ شیر افضل مروت کی باتوں کو سنجیدہ لینے کی ضرورت نہیں، کیونکہ ان کے مطابق مروت کا ذہنی توازن درست نہیں۔ علیمہ خان نے کہا کہ ان کے خلاف قتل (302) کا مقدمہ بھی بنایا گیا ہے اور وارنٹ بھی جاری ہو چکے ہیں، لیکن ضمانت لینے کا کوئی فائدہ نہیں، کیونکہ اگر آج ایک کیس ختم ہوا تو کل نیا کیس کھول دیا جائے گا۔ ان کے بقول، جب حکومت کو گرفتار کرنا ہوگا تو وہ کر لے گی، کیونکہ ان کا اصل جرم یہ ہے کہ وہ عوام تک جیل میں قید بانی پی ٹی آئی عمران خان کا پیغام پہنچاتی ہیں۔
برٹش پاسپورٹ رکھنے والے قاسم اور سلیمان کے معاملے پر بات کرتے ہوئے انہوں نے کہا کہ دونوں نے ویزے کے لیے درخواست دے رکھی ہے، اور حکومت کے پاس کوئی قانونی جواز نہیں کہ انہیں روکا جائے۔ اگر ویزا نہ ملا تو وہ بین الاقوامی سطح پر آواز بلند کریں گے۔
علیمہ خان نے مزید کہا کہ ہم انصاف کے لیے ججز سے ہی امید رکھتے ہیں، کیونکہ مجبوری کو بنیاد بنا کر انصاف کا قتل نہیں کیا جا سکتا۔ انہوں نے ججز کو پیغام دیا کہ ہمت دکھائیں اور انصاف فراہم کریں—ایسا کرنے سے وہ عوام کے ہیروز بن سکتے ہیں۔
Post Views: 2.ذریعہ: Daily Mumtaz
کلیدی لفظ: علیمہ خان
پڑھیں:
عمران خان کے ایکس اکاؤنٹ کے استعمال میں احتیاط ضروری ہے، علی محمد خان
اسلام آباد (ڈیلی پاکستان آن لائن) پاکستان تحریک انصاف کے رہنما علی محمد خان کا کہنا ہے کہ عمران خان کو ایکس اکاؤنٹ چلانے میں احتیاط ضروری ہے۔
نجی ٹی وی ہم نیوز کے پروگرام میں گفتگو کرتے ہوئے علی محمد خان نے کہا یہ ایک مسلمہ حقیقت ہے کہ عمران خان خود ایکس اکاؤنٹ آپریٹ نہیں کرتے، اس سے آنے والی 100 فیصد باتیں عمران خان کی نہیں ہوسکتیں۔
انہوں نے کہا کہ عمران خان کا ایکس اکاؤنٹ ایک پرانے ساتھی چلاتے ہیں لیکن وہ نام لینا مناسب نہیں سمجھتے کیونکہ اس سے ان کیلئے مشکلات ہوسکتی ہیں۔
کانگریس نے مودی سرکار کی’’فلسطین پر پالیسی‘‘ کو شرمناک اور اخلاقی بزدلی قرار دیدیا
علی محمد خان کا کہنا تھا کہ عمران خان کے اکاؤنٹ کے استعمال میں احتیاط ضروری ہے تاکہ ان کی رہائی کا راستہ بنے اور ملک ایک سیاسی حل کی طرف جائے۔
مزید :
مٹ جائے گی مخلوق تو انصاف کروگے؟