4 بہنوں نے زہریلی گولیاں کھالیں ، تشویشناک حالت میں ہسپتال منتقل
اشاعت کی تاریخ: 9th, August 2025 GMT
سرگودھا(نیوز ڈیسک)سرگودھا کی تحصیل بھلوال کے علاقے چک 7 شمالی میں ایک افسوسناک واقعہ پیش آیا جہاں چار کمسن بہنوں نے مبینہ طور پر زہریلی گولیاں کھا لیں۔ ریسکیو ذرائع کے مطابق، بچیوں کی حالت انتہائی تشویشناک ہے اور انہیں فوری طور پر قریبی ہسپتال منتقل کر دیا گیا۔
متاثرہ بچیوں کی عمریں بارہ سے اٹھارہ سال کے درمیان بتائی جا رہی ہیں۔ والدہ کے مطابق، وہ کسی کام سے گھر سے باہر گئی ہوئی تھیں اور واپس آ کر دیکھا تو چاروں بیٹیاں بے ہوشی کی حالت میں پڑی تھیں۔ واقعے کی وجوہات تاحال سامنے نہیں آ سکیں، تاہم پولیس نے معاملے کی تحقیقات شروع کر دی ہیں۔
یہ واقعہ علاقے میں شدید افسردگی اور بے چینی کا باعث بنا ہے، جبکہ اہلِ علاقہ اور رشتہ دار ہسپتال میں بچیوں کی خیریت جاننے پہنچ گئے ہیں۔
Post Views: 3.ذریعہ: Daily Mumtaz
پڑھیں:
کورنگی میں تیز رفتارگاڑی کی ٹکر سے موٹرسائیکل سوار جاں بحق‘خاتون زخمی
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر کے مختلف علاقوں میں حادثات و واقعات کے دوران6 افراد جاں بحق ہوگئے، دیگر واقعات میں خاتون سمیت 6افراد زخمی ہوئے۔ تفصیلات کے مطابق زمان ٹائون تھانے کے علاقے کورنگی ڈھائی نمبرکوسٹ گارڈ چورنگی کے قریب تیز رفتار گاڑی کی ٹکرسے موٹر سائیکل سوار شخص جاں بحق جبکہ خاتون شدید زخمی ہوگئی جنہیں فوری طور پر جناح اسپتال منتقل کیا گیا، حادثے میں جاں بحق شخص کی شناخت 45 سالہ سعید اللہ اور زخمی خاتون کی شناخت 40 سالہ رحیمہ کے نام سے کی گئی۔ حادثے میں جاں بحق شخص اور زخمی خاتون میاں بیوی ہیں اور کوسٹ گارڈ چورنگی کے رہائشی ہیں۔ حادثہ سندھ سالٹ ویسٹ مینجمنٹ کی گاڑی کی ٹکر کے باعث پیش آیا، حادثے میں گاڑی اور ڈرائیور موقع سے فرار ہو گئے، پولیس نے قانونی کارروائی کے بعد متوفی کی لاش ورثا کے حوالے کردی۔ ادھر ملیر میں میمن گوٹھ روڈ پر حادثے میں ایک شخص شاہ نواز جاںبحق ہوگیا جبکہ شدید زخمی کی شناخت شاہ نور کے نام سے ہوئی۔ لاش اور زخمی کو ہسپتال منتقل کردیا گیا ہے، دونوں شہری دُر محمد گوٹھ ملیر کے رہائشی ہیں، واقعے کے بعد علاقہ مکینوں نے میمن گوٹھ روڈ کو بند کرکے احتجاج بھی کیا جبکہ اسٹیل ٹائون تھانے کی حدود گلشن حدید فیزون الجنت شادی ہال کے قریب ٹریفک حادثے میں 35سالہ شخص جاں بحق ہوگیا جس کی لاش جناح اسپتال منتقل کردی گئی۔ متوفی کی تا حال شناخت نہ ہوسکی۔ متوفی کے پاس سے ایسی کوئی چیزبرآمد نہیں ہو ئی جس کی مدد سے اس کی شناخت ممکن ہوسکے۔ اسی طرح کورنگی گودام چورنگی لائسنس برانچ کے قریب ٹرک کی ٹکر سے موٹر سائیکل سوار 45سالہ حسین بخش ولد محرم علی جاں بحق ہوگیا ۔جاں بحق ہونے والے شخص کی لاش کو جناح ہسپتال منتقل کیا گیا ۔ اورنگی ٹاؤن تھانے کی حدود اورنگی ٹاون سیکٹر 1D شیشہ چوک اعوان ہسپتال کے قریب گھر سے پھندا لگی45سالہ محمد عارف ولد رفیع الدین کی پھندا لگی لاش ملی ،متوفی کی لاش کو عباسی شہید اسپتال منتقل کر دیا گیا ۔ کاٹھور لنک روڈ تھانہ میمن گوٹھ کی حدود سے لاش ملی وجہ موت نامعلوم جسے ایدھی ایمبولینس کے ذریعے ایدھی سہراب گوٹھ سرد خانے منتقل کیا جا رہا ہے ۔
مودی کی ناکام پالیسیوں کے باعث بھارت میں نئی دراڑ