ڈمپر‘ٹرالر‘ ٹینکر حادثوں میں کراچی کے شہری مررہے ہیں: حافظ نعیم
اشاعت کی تاریخ: 12th, August 2025 GMT
لاہور( نوائے وقت رپورٹ)امیر جماعت اسلامی حافظ نعیم الرحمن نے کہا کہ ڈمپر، ٹرالراور ٹینکر حادثوں میں کراچی کے شہری مسلسل جان سے ہاتھ دھو رہے ہیں۔ پیپلز پارٹی کی سندھ حکومت تمام تر اختیارات و وسائل کے باوجود مکمل ناکام ہوچکی ہے‘ یہ ٹریفک مینجمنٹ کی اہلیت بھی نہیں رکھتی۔کراچی میں بہن بھائی کو کچلنے والے ڈرائیور کے پاس ایچ ٹی وی ڈرائیونگ لائسنس نہ ہونے کی خبر پر سوشل میڈیا پر ردعمل دیتے ہوئے امیر جماعت اسلامی نے مزید کہا کہ بجائے اس کے کہ سندھ حکومت ڈمپر مافیا اور اس کے سرغنوں کے لسانیت زدہ‘ زہریلے بیانات اور ہرزہ سرائیوں پر کارروائی کرے‘ بے گناہ نوجوانوں کو گرفتار اور ان پر مقدمات بنائے جارہے ہیں جو شرم ناک ہے۔ کراچی کے ساتھ سندھ حکومت کا یہ سلوک ناقابل برداشت ہوتا جارہاہے۔ ڈمپر حادثے کے بعد گرفتار کیے گئے بے قصور نوجوانوں کو فوری رہا کیا جائے۔
.ذریعہ: Nawaiwaqt
پڑھیں:
جماعت اسلامی کا اجتماع عام بڑی عوامی تحریک کا پیش خیمہ ہوگا،لیاقت بلوچ
data-id="863a0a8" data-element_type="widget" data-widget_type="theme-post-content.default">
250926-01-17
کراچی(اسٹاف رپورٹر)نائب امیرجماعت اسلامی پاکستان و ناظم اجتماع عام لیاقت بلوچ نے کہا ہے کہ 21تا23 نومبرکو مینارپاکستان لاہور میں منعقدہ سہ روزہ اجتماع عام ایک بڑی عوامی تحریک کا پیش خیمہ ثابت ہو گا۔ ان شاء اللہ اس ملک گیر تاریخی اجتماع میںمردوخواتین، نوجوانوں کی بڑی تعدادشریک ہوگی۔ذمے داران اجتماع کی کامیابی اورعوام الناس کی
بھرپور شرکت کے لیے اپنا بھرپور کردار ادا کریں۔یہ بات انہوں نے امیرجماعت اسلامی سندھ کاشف سعید شیخ کی قیادت میںملاقات کرنے والے وفد سے بات چیت کے دورا ن کہی۔صوبائی نائب امیر حافظ نصراللہ چنا، ڈپٹی جنرل سیکرٹری علامہ حزب اللہ جکھرو بھی موجود تھے۔امیر جماعت اسلامی سندھ کاشف سعید شیخ نے ناظم اجتماع لیاقت بلوچ کو یقین دلایا کہ باب الاسلام سندھ کے عوام مینارپاکستان پرمنعقدہونے والے جماعت اسلامی کے تاریخی اجتماع میں بھرپور شرکت کریں گے۔دریں اثنا صوبائی امیرکاشف سعید شیخ نے ماڑی گیس کمپنی میں نوکریوں کے لیے دھرنے میں شریک نوجوان کو سابق صوبائی وزیر باری پتافی کی جانب سے تھپڑ مارنے کے واقعے پرافسوس کا اظہار کرتے ہوئے کہا کہ یہ دراصل پیپلزپارٹی کی وڈیرہ شاہی ذہنیت کی عکاسی ہے جس کی جتنی بھی مذمت کی جائے وہ کم ہے،گزشتہ 17 سال سے سندھ کے سیاہ سفید کے مالک حکمران ٹولے نے نوجوانوں کو میرٹ کی بنیاد پر روزگار دینے کے بجائے بھوک، بدحالی اور آئس کے نشے کے تحفے دیئے ہیں، سندھ کے سابق صوبائی وزیر کی جانب سے نوجوان کو تھپڑ مارنے کا واقعہ نہ صرف افسوس ناک بلکہ پیپلزپارٹی کی آمرانہ ذہنیت کو بھی بے نقاب کردیا ہے جس کا پیپلزپارٹی کی اعلیٰ قیادت کو نوٹس لینا چاہیے جبکہ ماڑی گیس کمپنی کو بھی اپنا قبلہ درست کرکے مقامی نوجوانوں کو میرٹ پر بھرتی کرکے بے چینی کو ختم کرے۔
لیاقت بلوچ
سکیورٹی فورسز کا کلاچی میں خفیہ اطلاعات پر آپریشن، بھارتی سپانسرڈ7خوارج ہلاک