20 کلو آٹے کا تھیلا 50 روپے مہنگا
اشاعت کی تاریخ: 12th, August 2025 GMT
لاہور (کامرس رپورٹر) فلور ملوں نے گزشتہ روز 20 کلو آٹے کے تھیلے کی قیمت میں 50 روپے کا اضافہ کر دیا ہے جس سے اس کی پرچون قیمت 1350 روپے سے بڑھ کر 1400 روپے ہو گئی ہے۔ فلور مل مالکان نے بتایا اوپن مارکیٹ میں ایک من گندم کی قیمت میں 150 روپے کا اضافہ ہوا اور اس کی قیمت 2300 روپے سے بڑھ کر 2450 روپے ہو گئی ہے۔
.ذریعہ: Nawaiwaqt
پڑھیں:
چاندی کی بڑھتی قیمت، کیا چاندی سونے کی جگہ لے رہی ہے؟
سونے کی قیمت میں مسلسل اضافے نے مینوفیکچررز اور خریداروں کو مشکل میں ڈال دیا ہے، شادی کا سیزن شروع ہونے کے باوجود سونے کے زیورات بنانے والوں کا کاروبار ٹھنڈا ہے لیکن ساتھ ہی بڑے بڑے برانڈز نے اپنی نظریں چاندی پر گاڑھ لی ہیں اور چاندی کے بسکٹس بنانا شروع ہوگئے ہیں۔
اس حوالے سے جانتے ہیں کہ سونے اور چاندی کا مستقبل کیا ہے؟
چئیرمین آل پاکستان جیولرز مینوفیکچرر ایسوسی ایشن محمد ارشد نے وی نیوز کو بتایا کہ سونے کی قیمت کا اندازہ لگانا آسان کام نہیں، اس کا انحصار عالمی مارکیٹ پر ہوتا ہے۔
مزید پڑھیں: فرانس میں گھر کے مالک کو باغیچے میں دبایا گیا 8 لاکھ ڈالر مالیت کا سونا مل گیا
ان کا کہنا ہے کہ ایک امید تھی کہ ڈونلڈ ٹرمپ اور چین کے صدر کے مابین ملاقات سے سونے کی قیمتیں نیچے آجائیں گی لیکن ایسا نہ ہوا کیوں کہ جہاں سب سوچ رہے تھے کہ چین کو ٹیرف میں 25 فیصد ریلیف مل جائے گا لیکن صرف 10 فیصد ہی ریلیف دیا گیا۔
محمد ارشد کے مطابق سونے کی اس قیمت پر کام کرنا ہمارے لیے مشکل ہوگیا ہے، اس سے پہلے کبھی ایسا نہیں ہوا کہ سونے کی قیمت میں 200 یا 300 ڈالر کا اتار چڑھاؤ آیا ہو۔ کبھی 5 یا کبھی 10 ڈالر آجاتا تھا جو قابل برداشت تھا لیکن اب جو صورت حال ہے اس میں تو مینوفیکچرر اور خریدار پریشان ہیں کیوں کہ یہ شادیوں کا سیزن ہے اور اس سیزن میں سونے کی جیولری دینا ایک روایت ہوا کرتی تھی۔
محمد ارشد نے کہاکہ اب چاندی نے سونے کی جگہ لے لی ہے پہلے سونا جس ریٹ پر ملتا تھا اب سلور 6 ہزار روپے تولا ہو چکا ہے۔ آنے والا وقت نا صرف چاندی کا ہے بلکہ جیولری بھی چاندی میں منتقل ہو جائے گی۔
ان کا مزید کہنا ہے کہ بہت سارے برانڈز نے سلور بسکٹ لانچ کردیے ہیں اور کچھ کرنے جا رہے ہیں۔
’معیار سب کا ایک جیسا ہے، اس وقت 10 تولے چاندی کی ڈیمانڈ زیادہ نہیں، جو 70 ہزار روپے تک مل رہا ہے جو عام آدمی کی پہنچ میں بھی ہے۔‘
مزید پڑھیں: راولپنڈی کے ایسے جیولرز جو آج بھی اپنے گاہکوں کو سستا سونا دے رہے ہیں
محمد ارشد چاندی کو سونے کا متبادل دیکھ رہے ہیں، ان کے مطابق 1500 روپے فی تولے سے سلور 6 ہزار روپے تولا تک آگیا ہے مستقبل میں سونے کی طرح چاندی کے زیورات بنائے جائیں گے۔ اس سے ہمارا شعبہ دوبارہ اٹھے گا اور کام پھر سے اچھا ہو جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اتار چڑھاؤ چاندی سونا قیمتیں مستقبل وی نیوز
اسرائیلی وزیر نے نیویارک کے نومنتخب مسلم میئر کو حماس کا حامی قرار دیدیا