ڈی آئی خان: درہ بن بائی پاس کے قریب کسٹم اینڈ ایکسائر اہلکاروں پر فائرنگ، 2 اہلکار جاں بحق
اشاعت کی تاریخ: 15th, August 2025 GMT
ڈیرہ اسمٰعیل خان میں درہ بن بائی پاس کے قریب کسٹم اینڈ ایکسائز اہلکاروں پر فائرنگ کے نتیجے میں 2 اہلکار جاں بحق ہوگئے۔
نجی ٹی وی کے مطابق پولیس ذرائع کا کہنا ہے کہ ڈیرہ اسمٰعیل خان میں درہ بن بائی پاس کے قریب ہوٹل پر بیٹھے ایف سی اہلکاروں پر نامعلوم افراد نے فائرنگ کردی۔
فائرنگ کے نتیجے میں ایف سی کے 2 اہلکار جاں بحق ہوگئے، فائرنگ کی زد میں آکر ہوٹل مالک بھی زخمی ہوا، واقعے کے بعد مسلح افراد فرار ہونے میں کامیاب ہوگئے۔
پولیس نے ملزمان کی گرفتاری کے لیے سرچ آپریشن شروع کردیا۔
Post Views: 7.ذریعہ: Daily Mumtaz
پڑھیں:
کراچی: نامعلوم ملزمان کی فائرنگ سے ایک شخص جاں بحق
اورنگی ٹاؤن جرمن اسکول کے قریب نامعلوم ملزمان کی فائرنگ سے ایک شخص جاں بحق ہوگیا جس کی لاش ضابطے کی کارروائی کے لیے عباسی شہید اسپتال لیجائی گئی۔
اس حوالے سے ایس ایچ او پاکستان بازار امام بخش لاشاری نے بتایا کہ فائرنگ کا واقعہ اورنگی ٹاؤن سیکٹر فور ایف جرمن اسکول کے قریب پیش آیا تھا۔
مقتول کی شناخت 30 سالہ حمزہ عرف گورکن کے نام سے کی گئی جبکہ ابتدائی تحقیقات میں معلوم ہوا ہے کہ مقتول موٹر سائیکل پر جا رہا تھا کہ عقب سے آنے والے موٹر سائیکل سوار دو نامعلوم ملزمان قریب آئے جس میں ایک ملزم نے مقتول کو انتہائی قریب سے چلتی ہوئی موٹر سائیکل پر فائرنگ کا نشانہ بنایا جس کے نتیجے میں اسے کنپٹی پر گولی لگی تھی جو جان لیوا ثابت ہوئی اور وہ موقع پر ہی ہلاک ہوگیا۔
انہوں نے بتایا کہ واقعہ ذاتی رنجش کا شاخسانہ معلوم ہوتا ہے۔ مقتول گورکن کا کام کرتا تھا تاہم اب کیا کام کرتا ہے اس کا ورثا کے آنے کے بعد ہی پتہ چل سکے گا ۔
مقتول اقبال مارکیٹ تھانے کے علاقے اورنگی ٹاؤن چشتی نگر کا رہائشی تھا، فوری طور پر مقتول کا اس مقام پر آنے کی وجہ کا بھی تعین نہیں ہوسکا تاہم پولیس واقعے کی مزید چھان بین کر رہی ہے۔
کپل شرما سے بھتہ مانگنے والا گینگسٹر گرفتار