بیجنگ میں ہیومینائیڈ روبوٹ گیمز کا آغاز، 16 ممالک کی ٹیمیں شریک
اشاعت کی تاریخ: 15th, August 2025 GMT
بیجنگ میں دنیا کے پہلے ہیومینائیڈ روبوٹ گیمز کا آغاز ہو گیا، جس میں 16 ممالک کی 280 ٹیمیں شریک ہیں۔
خبر رساں ادارے اے بی سی نیوز کے مطابق یہ 3 روزہ ایونٹ جمعہ 15 اگست کو شروع ہوا، جس میں روبوٹ فٹبال، ایتھلیٹکس، ٹیبل ٹینس سمیت مختلف کھیلوں میں حصہ لیں گے۔ اس کے علاوہ خصوصی مقابلوں میں دوائیں ترتیب دینا، سامان سنبھالنا اور صفائی کی خدمات فراہم کرنا بھی شامل ہے۔
یہ بھی پڑھیں: چین میں ہیومنائیڈ روبوٹس کا فٹبال میچ، انسانی ٹیموں سے زیادہ جوش و خروش پیدا کرگیا
ایونٹ کا مقصد مصنوعی ذہانت اور روبوٹکس کے شعبے میں ہونے والی ترقی کو اجاگر کرنا ہے۔ مقابلے میں امریکا، جرمنی اور برازیل سمیت 16 ممالک کی ٹیمیں حصہ لے رہی ہیں جبکہ چین کی معروف کمپنیوں ’یونی ٹری‘ اور ’فوریئر‘ کے روبوٹ بھی میدان میں ہیں۔
????????The 100-meter dash at the World Humanoid Robot Games, Beijing, China#CHINA #ROBOTICS #humanoid #HumanoidRobots pic.
— CN Wire (@Sino_Market) August 15, 2025
شریک ٹیموں میں 192 یونیورسٹیوں کی اور 88 نجی اداروں کی نمائندگی شامل ہے۔
یہ بھی پڑھیں: دنیا کی پہلی روبوٹ فائٹ: پہلوانوں کے تابڑ توڑ حملوں، ناک آؤٹس نے سب کو حیران کردیا
یہ امر قابل ذکر ہے کہ رواں سال کے آغاز میں بیجنگ نے دنیا کا پہلا ہیومینائیڈ روبوٹ میراتھون بھی منعقد کیا تھا۔ حالیہ برسوں میں چین نے عمر رسیدہ آبادی اور سست معاشی نمو جیسے چیلنجز کے باعث روبوٹکس کے شعبے میں بڑے پیمانے پر سرمایہ کاری کی ہے۔ گزشتہ ایک سال کے دوران اس شعبے کو حکومت کی جانب سے 20 ارب ڈالر سے زائد کی سبسڈی دی گئی۔
Unitree H1 wins the 1500m track and field championship at the World Humanoid Robot Games (6:34.40)????
The video shows it sprinting. Very strategic, taking down the humans first????
（via World Humanoid Robot Games） pic.twitter.com/jXp7qJ2ama
— CyberRobo (@CyberRobooo) August 15, 2025
انٹرنیشنل فیڈریشن آف روبوٹکس نے جمعرات کو جاری اپنے ایک تحقیقی مقالے میں کہا کہ بیجنگ نے ہیومینائیڈز کو اپنی قومی حکمت عملی کے ’مرکز‘ میں رکھا ہے اور حکومت اس شعبے میں اپنی مہارت اور عالمی مسابقت کو نمایاں کرنا چاہتی ہے۔
یہ بھی پڑھیں: چین میں روبوٹس کی انسانوں کے ساتھ ریس کے دلچسپ مناظر
چینی حکومت نے مصنوعی ذہانت اور روبوٹکس کے اسٹارٹ اپس کی معاونت کے لیے ایک کھرب یوآن (214 ارب ڈالر) کے فنڈ کا اعلان بھی کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بیجنگ چین کھیل گیمز ہیومینائیڈ روبوٹ
ذریعہ
ذریعہ: WE News
کلیدی لفظ: چین کھیل گیمز ہیومینائیڈ روبوٹ ہیومینائیڈ روبوٹ
پڑھیں:
پاکستانیوں کیلئے سری لنکا نے ویزا فیس ختم کر دی
اسلام آباد(نیوز ڈیسک)سری لنکا نے پاکستانی شہریوں کیلئے اہم سہولت کا اعلان کرتے ہوئے ویزا فیس مکمل طور پر ختم کرنے کا اعلان کردیا۔
سری لنکا کے قونصل جنرل سنجیوا پٹیوالا نے میڈیا سے گفتگو کرتے ہوئے بتایا کہ سری لنکن حکومت نے پاکستانیوں کیلئے ویزا فیس ختم کر دی، اور آن لائن ویزا درخواستوں پر عموماً 48 گھنٹوں کے اندر فیصلہ کر لیا جاتا ہے۔
انہوں نے بتایا کہ سال 2026 کے دوران تقریباً 30 ہزار پاکستانی سیاحوں کی سری لنکا آمد متوقع ہے، جبکہ گزشتہ برس یہ تعداد 20 ہزار کے قریب تھی۔
ان کا کہنا تھا کہ ویزا فیس کے خاتمے کے بعد نہ صرف سیاحتی سرگرمیوں میں اضافہ ہوا ہے بلکہ پاکستانی جوڑے بھی اپنی شادی کی تقریبات کیلئے سری لنکا کا رخ کر رہے ہیں، جس سے دونوں ممالک کے درمیان عوامی روابط مزید مضبوط ہو رہے ہیں
قونصل جنرل نے تعلیمی تعاون پر روشنی ڈالتے ہوئے کہا کہ پاکستان نے 100 سری لنکن طلبہ کو علامہ اقبال اوپن یونیورسٹی میں اسکالرشپس فراہم کی ہیں، جو دونوں ممالک کے درمیان تعلیمی تعلقات کے فروغ کی ایک اہم مثال ہے۔
انہوں نے مزید کہا کہ اگرچہ پاکستان اور سری لنکا کے درمیان 2005 میں آزاد تجارتی معاہدہ (فری ٹریڈ ایگریمنٹ) طے پایا تھا، تاہم اب بھی بعض تجارتی رکاوٹیں موجود ہیں جنہیں دور کرنے کی ضرورت ہے تاکہ دوطرفہ تجارت کے حجم میں مزید اضافہ کیا جا سکے۔
سنجیوا پٹیوالا کا کہنا تھا کہ پاکستان اور سری لنکا کے درمیان دفاعی تعلقات بھی انتہائی اہمیت کے حامل ہیں اور دونوں ممالک مختلف شعبوں میں تعاون کو مزید وسعت دینے کے خواہاں ہیں۔ معاشی ماہرین کا کہنا ہے کہ ویزا فیس کے خاتمے سے سیاحت، تجارت اور ثقافتی روابط کو نئی تقویت ملنے کا امکان ہے، جس سے دونوں دوست ممالک کے تعلقات مزید مستحکم ہوں گے۔
مزید پڑھیں۔’حکومت مان گئی‘ پٹرول ڈیلرز نے 15 روز کے لیے ملک گیر ہڑتال کی کال واپس لے لی
بھارت سے جنگ اور افغانستان میں کارروائی خارج ازامکان نہیں، وزیردفاع