مجید بریگیڈ کا دہشت گردوں کی فہرست میں آنا بھارتی سفارتکاری کے منہ پر طمانچہ ہے، انوار الحق کاکڑ
اشاعت کی تاریخ: 15th, August 2025 GMT
اسلام آباد (ڈیلی پاکستان آن لائن) سابق نگران وزیراعظم انوار الحق کاکڑ کا کہنا ہے کہ بی ایل اے کے مجید بریگیڈ کا دہشت گردوں کی فہرست میں شامل ہونا بھارت کیلئے بڑا سفارتی جھٹکا ہے، امریکا نے واضح کردیا کہ وہ ان دہشت گروں کیخلاف پاکستان کے ساتھ کندھے سے کندھا ملاکر لڑے گا۔
سابق نگران وزیراعظم انوار الحق کاکڑ نے سماء سے گفتگو کرتے ہوئے کہا ہے کہ بی ایل اے بلوچستان میں مجید بریگیڈ کا اضافی یونٹ لا رہا تھا، بی ایل اے یا مجید بریگیڈ کا دہشت گردوں کی فہرست میں آنا بھارتی سفارتکاری کے منہ پر طمانچہ ہے۔
سوات اور باجوڑ میں پاک فوج کا فلڈ ریلیف آپریشن،عوام اور سکول کے بچوں کو محفوظ مقام پر منتقل کیا، راشن اور ادویات کی فراہمی جاری
ان کا کہنا ہے کہ امریکا نے واضح کردیا ہے کہ وہ ان دہشتگردوں کیخلاف پاکستان کے ساتھ کھڑا ہے، پاکستان 3 دہائیوں سے بھارت کی بلوچستان میں مداخلت کا بیانیہ پیش کر رہا ہے اور اب امریکا نے بھی اس حقیقت کو تسلیم کیا ہے، بھارت خود کو معصوم اور پاکستان کو ولن ثابت کرنے کی کوشش کرتا رہا ہے، اب حقیقت کھل گئی ہے کہ بھارت خطے میں دہشتگردی کو ہتھیار کے طور پر استعمال کررہا ہے۔
انوارالحق کاکڑ نے اسے پاکستان کی بڑی سفارتی کامیابی قرار دیا اور کہا کہ بلوچستان کے لوگ سونے، کاپر اور دوسری تمام معدنیات سے قیمتی اور اہم ہیں، بلوچستان کے عوام کی سلامتی اولین ترجیح ہے، باقی سب چیزیں ثانوی ہیں۔
سکھر میں نازیبا ویڈیوز پر خاتون کو بلیک میل کرنے والا ٹک ٹاکر گرفتار
مزید :.ذریعہ: Daily Pakistan
کلیدی لفظ: مجید بریگیڈ کا
پڑھیں:
مکیش امبانی یا شاہ رخ خان، امیر ترین بھارتی کون؟ نئی فہرست جاری
ریلائنس انڈسٹریز کے چیئرمین مکیش امبانی نے ایک مرتبہ پھر بھارت کے سب سے امیر ترین شخص کا اعزاز حاصل کر لیا ہے۔ ایم3ایم ہورون انڈیا رِچ لسٹ 2025 کے مطابق ان کی مجموعی دولت 9.55 ٹریلین (تقریباً 105 ارب امریکی ڈالر) ہو چکی ہے۔ وہ اڈانی گروپ کے سربراہ گوتم اڈانی سے آگے نکل گئے ہیں، جن کی دولت 8.15 ٹریلین ہے۔
اس فہرست میں پہلی بار ایک خاتون نے جگہ بنائی ہے۔ ایچ سی ایل ٹیکنالوجیز کی چیئرپرسن روشنی نادر ملہوترا نے 2.84 ٹریلین کے ساتھ تیسری پوزیشن حاصل کی ہے، اور یوں وہ نہ صرف بھارت کی سب سے دولت مند خاتون بن گئی ہیں بلکہ ٹاپ 10 میں سب سے کم عمر بھی ہیں۔
یہ بھی پڑھیں: امیر ترین افراد کی فہرست، مکیش امبانی کو پیچھے چھوڑنے والی خاتون کون ہیں؟
رپورٹ کے مطابق 2025 میں بھارت میں ارب پتی افراد کی تعداد 350 سے تجاوز کر گئی ہے، جب کہ 13 سال قبل جب یہ فہرست پہلی مرتبہ شائع ہوئی تھی، تب صرف 59 ارب پتی شامل تھے۔ رواں سال مجموعی طور پر 1,687 افراد کی دولت 100 ارب سے زائد ہے، جن میں سے 284 افراد پہلی مرتبہ شامل ہوئے ہیں۔
سب سے زیادہ مالی ترقی باجاج خاندان نے حاصل کی، جس کی قیادت نیروج باجاج کر رہے ہیں۔ انہوں نے گزشتہ سال کے مقابلے میں 698.7 ارب کا اضافہ کیا، جس سے ان کی دولت 2.33 ٹریلین تک پہنچ گئی اور وہ فہرست میں چھٹے نمبر پر آ گئے۔
یہ بھی پڑھیں: دنیا کے امیر ترین شخص لیری ایلیسن کون ہیں؟
نئی نسل کے کاروباری افراد بھی نمایاں رہے۔ 31 سالہ اروِند سرینواس، جو Perplexity AI کے بانی ہیں، 211.9 ارب کے ساتھ فہرست میں شامل ہوئے اور سب سے کم عمر ارب پتی قرار پائے۔ زیپٹو کے شریک بانی کویلِیا وُهرا اور آدِت پالیچا بھی پہلی مرتبہ اس فہرست کا حصہ بنے، اور سب سے کم عمر ارب پتیوں میں شامل ہوئے۔
تفریحی صنعت میں بھی اہم پیشرفت دیکھنے میں آئی، جہاں فلمی ستارے شاہ رخ خان نے 124.9 ارب کی دولت کے ساتھ ارب پتیوں کی فہرست میں جگہ حاصل کی۔ دوسری جانب، پے ٹی ایم کے بانی وجے شیکھر شرما بھی 159.3 ارب کی دولت کے ساتھ دوبارہ اس فہرست میں شامل ہوئے۔
یہ بھی پڑھیں: موسمیاتی تبدیلی سے 2050 تک مزید 4 کروڑ افراد انتہائی غربت میں جا سکتے ہیں، عالمی بینک
شہری تقسیم کے لحاظ سے ممبئی 451 ارب پتیوں کے ساتھ سرفہرست ہے، اس کے بعد دہلی 223ویں نمبر پر اور بنگلورو 116ویں نمبر پر آتا ہے۔ رواں سال 101 خواتین اس فہرست میں شامل ہوئیں، جن میں 26 خواتین ڈالر ارب پتی بھی ہیں۔
ایم3ایم ہورون انڈیا رِچ لسٹ 2025 کے مطابق بھارت کے سب سے امیر ترین افراد کی مجموعی دولت 167 ٹریلین تک پہنچ چکی ہے، جو اسپین کی مجموعی قومی پیداوار سے زیادہ اور بھارت کی مجموعی جی ڈی پی کا تقریباً نصف ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیر افراد کی فہرست ایشیا کے امیر افراد بالی ووڈ شاہ رخ خان شاہ رخ خان دولت مکیش امبانی
ترقیاتی کاموں کو جلد از جلد مکمل کیا جائے‘ڈپٹی میئر