اختیارات نچلی سطح پر منتقل کردیے جائیں تو نئے صوبے بنانے کی ضرورت پیش نہیں آئےگی، وزیر دفاع خواجہ آصف
اشاعت کی تاریخ: 25th, August 2025 GMT
وزیر دفاع خواجہ آصف نے کہا ہے کہ اگر اختیارات نچلی سطح پر منتقل کر دیے جائیں تو نئے صوبے بنانے کی ضرورت ہی پیش نہیں آئے گی۔
نجی ٹی وی سے گفتگو کرتے ہوئے انہوں نے کہاکہ چین کی مثال ہمارے سامنے ہے جہاں 70 فیصد وسائل نچلی سطح پر خرچ ہوتے ہیں۔ پاکستان میں بھی وسائل کی تقسیم کے موجودہ طریقہ کار کو تبدیل کرنا ہوگا۔ صوبوں کو اٹھارہویں ترمیم کے بعد وسائل میسر آئے لیکن اس کا بوجھ وفاق نے برداشت کیا۔
یہ بھی پڑھیں: نئے صوبوں کا قیام، این ایف سی ایوارڈ فارمولے میں تبدیلی، رانا ثنااللہ کھل کر بول پڑے
وزیر دفاع نے کہا کہ این ایف سی ایوارڈ میں کسی بھی تبدیلی پر پیپلز پارٹی سے مشاورت ہوگی۔
خواجہ آصف نے کہا کہ وہ اس بات سے متفق نہیں ہیں کہ نواز شریف مائنس ہوچکے ہیں۔ قائد ن لیگ چاہتے تو اس بار بھی وزیراعظم بن سکتے تھے، اس پر کوئی رکاوٹ نہیں تھی۔ وزیر دفاع کے مطابق حکومت آئین اور قانون کے ساتھ کھڑی ہے۔
عمران خان اور پی ٹی آئی پر تنقید
وزیر دفاع نے کہا کہ 9 مئی کے واقعات پر معافی اور پچھتاوے کے اظہار کے علاوہ کوئی دوسرا حل نہیں ہے، پی ٹی آئی کو قوم سے معافی مانگنی چاہیے۔ سیاسی لڑائیاں سیاسی میدان میں لڑنی چاہییں، ریاست پر حملہ آور ہونا درست نہیں۔
ان کا کہنا تھا کہ پی ٹی آئی نے یہ نعرہ لگایا کہ عمران خان نہیں تو پاکستان نہیں۔ عمران خان ذاتی مفادات کے سوا کسی چیز پر یقین نہیں رکھتے۔
ذاتی گرفتاری اور دباؤ کی کہانی
خواجہ آصف نے انکشاف کیاکہ عمران خان کے دور میں انہیں قید رکھا گیا۔ ان کے مطابق اس وقت کے آرمی چیف جنرل باجوہ کے سسر نے انہیں اپنے گھر بلا کر بیسمنٹ میں لے جاکر کہا کہ نواز شریف نے جو گوجرانوالہ میں تقریر کی اور جنرل باجوہ و جنرل فیض کا نام لیا ہے، آپ اس کی مذمت کریں اور خود کو اس سے الگ کریں، ورنہ آپ پر نیب کے کیسز بن جائیں گے۔
یہ بھی پڑھیں: صوبائی اسمبلیاں اجازت دیتی ہیں تو نئے صوبے بنانے میں کوئی مضائقہ نہیں، جماعت اسلامی کراچی
خواجہ آصف کے مطابق انہوں نے انکار کیا تو انہیں اچانک گرفتار کرکے جیل بھیج دیا گیا۔ 6 ماہ جیل میں رہنے کے باوجود نیب ان پر کوئی کیس نہ بنا سکی، جس کے بعد عدالت نے انہیں رہا کردیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
9 مئی واقعات wenews اٹھارویں ترمیم اختیارات کی منتقلی این ایف سی ایوارڈ خواجہ آصف سیاسی لڑائی عمران خان نئے صوبے وزیر دفاع وفاق وی نیوز.ذریعہ: WE News
کلیدی لفظ: 9 مئی واقعات اٹھارویں ترمیم اختیارات کی منتقلی این ایف سی ایوارڈ خواجہ ا صف سیاسی لڑائی وزیر دفاع وفاق وی نیوز وزیر دفاع خواجہ آصف نے کہا کہا کہ
پڑھیں:
تمام صوبے و ادارے سیلاب سے نقصانات کا تفصیلی تخمینہ لگائیں: وزیرِ اعظم شہباز شریف
فوٹو: پی آئی ڈیوزیرِ اعظم شہباز شریف نے ہدایت کی کہ تمام صوبے اور متعلقہ ادارے سیلابی صورتِ حال کے پیشِ نظر نقصانات کا تفصیلی تخمینہ لگائیں۔
وزیرِ اعظم شہباز شریف کی زیرِ صدارت سیلاب میں جانی و مالی نقصانات کے تخمینے سے متعلق اجلاس ہوا، جس میں بارشوں اور سیلاب سےجانی و مالی نقصان، فصلوں اور لائف اسٹاک کے خسارے کا جائزہ لیا گیا۔
وزیرِ اعظم شہبازشریف نے ڈیجیٹلائزیشن کو وقت کی ضرورت قرار دیتے ہوئے کہا ہے کہ ڈیجیٹلائزیشن اور جدیدٹیکنالوجی سے معیشت کو ترقی دی جا سکتی ہے۔
اس موقع پر وزیرِ اعظم شہباز شریف نے کہا کہ چاہتے ہیں کہ بحالی کے لیے واضح اور مؤثر لائحہ عمل اختیار کیا جائے۔
ان کا کہنا ہے کہ تمام وزرائے اعلیٰ نے بروقت اور مؤثر طریقے سے بھرپور اقدامات کیے جو قابلِ تحسین ہیں، وفاقی اور بین الصوبائی ادارے نقصانات کے تخمینے میں ایک دوسرے سے بھرپور تعاون کریں، جانی و مالی نقصان کے علاوہ فصلوں کی تباہ کاری اور مال مویشی کے نقصانات کو بھی شمار کیا جائے۔
وزیرِ اعظم شہباز شریف نے ہدایت کی کہ سپارکو سے سیٹلائٹ اسسمنٹ میں مدد لی جائے، فصلوں کو سیلاب کے بعد مختلف امراض سے بچانے کے لیے فوری اقدامات کیے جائیں، سیلاب زدہ علاقوں میں موزوں فصلوں کی کاشت کے لیے بھی خصوصی اقدامات کیے جائیں۔
انہوں نے یہ بھی ہدایت کی کہ ذرائع مواصلات کی بحالی اور متاثرہ سڑکوں کی تعمیر و مرمت کو اولین ترجیح دی جائے، تمام وزراء اور متعلقہ ادارے سیلاب زدہ علاقوں اور لوگوں کی بحالی میں عوام کے شانہ بشانہ رہیں۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام