رانا ثنااللہ گھر حملہ کیس، راشد شفیق کو 10 سال قید پر شیخ رشید کی چیف جسٹس سے کیا اپیل ہے؟
اشاعت کی تاریخ: 25th, August 2025 GMT
عوامی مسلم لیگ کے سربراہ شیخ رشید نے راشد شفیق کو رانا ثنااللہ کے گھر پر حملہ کیس میں انسداد دہشت گردی عدالت کی جانب سے 10 سال قید کی سزا سنائے جانے پر چیف جسٹس آف سپریم کورٹ سے اپیل کی ہے کہ وہ ان کیسز کی اپیل جلد سنیں، راشد شفیق کبھی زندگی میں فیصل آباد گئے ہی نہیں۔
فیصل آباد کی عدالت نے چوتھے کیس میں بھی راشد شفیق کو عمر ایوب اور شبلی فراز کے ساتھ 10 سال قید کی سزا سنائی ہے، راشد شفیق وہاں موجود ہی نہیں تھے۔
یہ بھی پڑھیں: شیخ رشید نے اپنے بھتیجے کی 9 مئی کے مقدمات میں سزائیں معاف کرنے کا مطالبہ کیوں کیا؟
شیخ رشید نے کہا کہ ہم نے اس کیس پر بحث ہی نہیں کی، ہمیں مطلع بھی نہیں کیا گیا، سرکاری وکیل کے ذریعے بحث کرائی گئی اور سرکاری وکیل کے ذریعے ہی 10 سال قید کی سزا سنائی گئی۔
انہوں نے کہا کہ یہ ظلم کی انتہا ہے، انصاف کی دھجیاں بکھیری جا رہی ہیں، انصاف کو نیلام کیا جا رہا ہے، راشد شفیق کبھی فیصل آباد گیا ہی نہیں اور اسے 4 کیسز میں 10، 10 سال قید کی سزا سنا دی گئی، انصاف دم توڑ گیا ہے۔
یہ بھی پڑھیں: سیاسی روزہ رکھا ہے، پتا ہے کب کھولنا ہے‘ شیخ رشید کی 9 مئی مقدمات میں پیشی کے بعد گفتگو’
انہوں نے چیف جسٹس آف سپریم کورٹ یحییٰ آفریدی سے اپیل کرتے ہوئے کہا کہ وہ جلد از جلد ان کیسز کی اپیلوں کا فیصلہ کریں۔ ’ہم سرینڈر کرنے کے لیے تیار ہیں، اپیلیں سنی جائیں۔‘
ان کا کہنا تھا کہ ہائیکورٹ اپیل سنے، ایک بندے کا وجود ہی نہیں ہے فیصل آباد میں، اس نے زندگی میں کبھی فیصل آباد دیکھا ہی نہیں ہے، اس کو 4 کیسز میں 10، 10 سال قید کی سزا سنا دی گئی ہے، راشد شفیق اپیلوں میں بری ہو جائیں گے۔
یہ بھی پڑھیں: شیخ رشید بزرگ آدمی ہیں بھاگ کر کہاں جائیں گے، جسٹس ہاشم کاکڑ کے ریمارکس
یاد رہے کہ 9 مئی کو رانا ثنااللہ کے گھر پر حملے کے کیس میں فیصل آباد کی انسداد دہشت گردی کی خصوصی عدالت کے جج جاوید اقبال نے محفوظ فیصلہ سنا دیا، 109 ملزمان میں سے 75 کو سزائیں، 34 کو بری کر دیا گیا۔ 59 ملزمان کو 10، 10 سال جبکہ 16 ملزمان کو 3، 3 سال قید کی سزا سنائی گئی۔
10 سال قید کی سزا پانے والوں میں شبلی فراز، عمر ایوب، زرتاج گل، کنول شوزب، فرخ آغا، رائے حسن نواز، رائے مرتضیٰ اقبال، شیخ راشد شفیق اور دیگر شامل ہیں۔ عدالت نے فواد چودھری اور زین قریشی کو بری کردیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
9مئی کیسز we news اپیل چیف جسٹس حملہ راشد شفیق رانا ثنااللہ شیخ رشید فیصل آباد گھر.
ذریعہ
ذریعہ: WE News
کلیدی لفظ: 9مئی کیسز اپیل چیف جسٹس حملہ راشد شفیق رانا ثنااللہ فیصل ا باد گھر سال قید کی سزا رانا ثنااللہ فیصل ا باد راشد شفیق چیف جسٹس ہی نہیں
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع