کینیڈا: شوہر نے کچرے کے ڈھیر سے بیوی کی کھوئی ہوئی انگوٹھیاں ڈھونڈ نکالیں
اشاعت کی تاریخ: 26th, August 2025 GMT
کینیڈا میں ایک شوہر نے اپنی بیوی کی شادی کی انگوٹھیاں ڈھونڈنے کے لیے کوڑے کے ڈھیر میں دن گزار دیا اور کامیاب بھی ہو گیا۔
اسٹیو وین یسیلڈائک (Steve Van Ysseldyk) اور ان کی اہلیہ جینین نے 26 برس کی شادی کے بعد ایسا لمحہ دیکھا جس نے ان کے رشتے کو اور مضبوط کر دیا۔
یہ واقعہ اس وقت پیش آیا جب دونوں نے سنیما سے پاپ کارن کا پیکٹ گھر لایا۔ باغ میں پاپ کارن گرتے وقت جینین کی انگوٹھیاں بھی اسی بیگ میں جا گریں، جو بعد میں کمپوسٹ بِن میں پھینک دیا گیا۔ اگلے دن کچرا اکھٹا کر کے لینڈفل پہنچا دیا گیا۔
مزید پڑھیں: دریا کی گہرائیوں میں جاچھپنے والی شادی کی انگوٹھی محض 10 منٹ میں کیسے واپس مل گئی؟
انگوٹھیاں گمشدہ ہونے کا احساس ہوتے ہی اسٹیو نے گھر کے سی سی ٹی وی سے وقت کا پتا لگایا اور پھر 18 ٹن نامیاتی کچرے کے ڈھیر میں تلاش کے لیے مشن سینیٹری لینڈفل (برٹش کولمبیا) پہنچ گئے۔
دستانے لیے اسٹیو بارش میں بھیگتے ہوئے گھاس اور کھانے کے سڑے ڈھیر میں کھوج لگاتے رہے۔ لینڈفل کے ورکرز نے بھی ایکسکیویٹر کے ذریعے مدد فراہم کی۔
پہلے کچھ ہی وقت بعد انہیں اپنی فیملی کا پھینکا ہوا ساسیج نظر آیا، اور پھر جلد ہی انگوٹھی بھی مل گئی۔ ایک گھنٹے کے اندر دونوں انگوٹھیاں ڈھونڈ نکالی گئیں۔
مزید پڑھیں: غوطہ خور نے جھیل میں کھو جانے والی ہیرے کی قیمتی انگوٹھی ڈھونڈ نکالی
بیوی جینین، جو اُس وقت میٹل ڈیٹیکٹر خریدنے گئی ہوئی تھیں، خوشی سے رو پڑیں۔ اسٹیو کا کہنا تھا کہ بیوی کی انگوٹھیاں لازمی ڈھونڈنی تھیں۔ آپ امید کے ساتھ جاتے ہیں اور جو کرسکتے ہیں وہ کرتے ہیں۔
جینین نے ہنستے ہوئے کہا کہ یہ واقعہ ان کے رشتے کو اور مضبوط کر گیا ہے، اب مجھے یقین ہے کہ وہ مجھ سے کتنا پیار کرتے ہیں، کیونکہ انہوں نے میرے لیے سڑا ہوا کچرا تک کھنگال ڈالا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انگوٹھی بیوی شادی کی انگوٹھی شوہر کینیڈا.
ذریعہ
ذریعہ: WE News
کلیدی لفظ: انگوٹھی بیوی شادی کی انگوٹھی شوہر کینیڈا کی انگوٹھی
پڑھیں:
مودی کی ناکام پالیسیاں؛ بھارتی نوجوانوں کی تحریک بے قابو ہونے کا اندیشہ
بی جے پی کی کٹھ پتلی مودی سرکار کی غلط پالیسیوں کا نتیجہ سامنے آنے لگا، جہاں بھارت میں نوجوانوں کی تحریک بےقابو ہونے کا اندیشہ بڑھ گیا ہے۔
بھارتی نوجوانوں نے مودی سرکارکو چیلنج کرتے ہوئے کاکروچ پارٹی کی جانب سے نئی دہلی میں احتجاج کی کال دے دی گئی ہے۔ خدشہ ہے کہ پارٹی آہستہ آہستہ زور پکڑتی جائے گی کیونکہ بھارت کے اندر بےتحاشا تضادات اور گروہ بندی پائی جاتی ہے ۔
بھارت میں مودی سرکار نے ان گروہ بندیوں کو کم کرنے کے بجائے ان کو مزید مذہبی بنیادوں پر ہوا دے دی ہے، جہاں نوجوان جو نسلی، ذات اور مذہب کی بنیاد پر دھتکارے جا چکے ہیں، انہیں بھارت میں اپنا مستقبل تاریک نظر آتا ہے ۔ یہی وجہ ہے کے کاکروچ پارٹی بےحد مقبول ہوتی جا رہی ہے ۔
نیپال اور بنگلادیش کے بعد بھارت میں کاکروچ پارٹی کی جین زی انقلابی تحریک زورپکڑنے لگی ہے۔ عالمی جریدے رائٹرزکےمطابق کاکروچ جنتا پارٹی کے بانی ابھیجیت دِپکے نے کہا ہے کہ ہم اس تحریک سے پیچھے نہیں ہٹیں گےاورمیں جلد بھارت آکراس تحریک کوآگے بڑھاؤں گا۔
ابھیجیت دِپکے کا کہنا ہے کہ خدشہ ہےکہ مجھےایئرپورٹ سے ہی گرفتارکرکےجیل بھیج دیا جائے گا لیکن مجھے کوئی پروا نہیں ہے۔
رائٹرز کے مطابق بے روزگاری،کرپشن اورپیپرلیک نے کروڑوں طلبہ کی زندگیوں کومذاق بنا دیا، یہی بحران اس تحریک کے اصل محرکات ہیں۔
سینئر وکیل پرشانت بھوشن کے مطابق مودی سرکاربھارت میں کسی بھی جین زی انقلاب سے بہت ڈری ہوئی ہے۔
ماہرین کا کہنا ہے کہ بھارت میں بڑھتی بے روزگاری اورکرپشن پر نوجوانوں کا غصہ تباہ حال نظام کے خلاف ان کا حقیقی ردِعمل ہے۔ بھارت کی گرتی ہوئی معاشی صورتحال، گرتی ساکھ اورمودی سرکارکی انتہا پسندانہ پالیسیاں عوامی غم و غصے کی بنیاد بن رہی ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ