دریاؤں کے راستے پر تجاوزات تباہی کی وجہ، سول انتظامیہ کا کام پاک فوج کررہی ہے، خواجہ آصف
اشاعت کی تاریخ: 27th, August 2025 GMT
وزیر دفاع خواجہ آصف نے کہا ہے کہ سیلاب نے سیالکوٹ سمیت پورے ضلع میں تباہی مچائی ہے۔ اس تباہی کی سب سے بڑی وجہ کرپشن، سول اداروں کی ناکامی اور دریاؤں و نالوں کے قدرتی راستوں پر ہونے والے تجاوزات ہیں۔ سیلابی صورت حال میں سول اداروں کے کرنے کے کام پاک فوج کررہی ہے۔
سیلاب متاثرہ علاقوں کے دورے کے دوران میڈیا سے گفتگو میں وزیر دفاع کا کہنا تھا کہ سیالکوٹ شہر جموں سے نکلنے والے نالوں پر آباد ہے، جب وہاں سے پانی آتا ہے تو شہر زیرِ آب آجاتا ہے۔ تجاوزات نے اس تباہی کو کئی گنا بڑھا دیا ہے۔ ان کے بقول یہ سب بلدیاتی اداروں کی کمزوری اور بدانتظامی کا نتیجہ ہے۔
خواجہ آصف نے کہا کہ ضلع بھر میں سڑکیں بہہ گئی ہیں، شہر کا بنیادی ڈھانچہ ٹوٹ پھوٹ کا شکار ہے اور کرپشن اس حد تک بڑھ چکی ہے کہ کوئی ایس ڈی او، ایکسیئن یا ٹھیکیدار جوابدہ نہیں۔ نارووال بھی شدید متاثر ہوا ہے اور جہاں جہاں پانی کے راستے روکے گئے وہاں سیلاب نے اپنی راہ خود بنا لی۔
وزیر دفاع نے افسوس کا اظہار کرتے ہوئے کہاکہ جو ذمہ داریاں سویلین اداروں کو ادا کرنی چاہییں وہ فوج نبھا رہی ہے۔ پاک فوج نے دشمن کے ساتھ جنگ بھی لڑی اور اب قدرتی آفات کے مقابلے میں بھی پیش پیش ہے۔ فوجی جوان عوام کو محفوظ مقامات پر منتقل کرنے اور جانیں بچانے میں مصروف ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاک فوج تجاوزات خواجہ آصف ریسکیو آپریشن سیالکوٹ بارش سیلابی صورت حال کرپشن وزیر دفاع وی نیوز.ذریعہ: WE News
کلیدی لفظ: پاک فوج تجاوزات خواجہ ا صف ریسکیو ا پریشن سیالکوٹ بارش سیلابی صورت حال وزیر دفاع وی نیوز خواجہ ا صف وزیر دفاع پاک فوج
پڑھیں:
غیر قانونی طور پر سمندر کے راستے ایران جانے کی کوشش ناکام، 22ملزمان گرفتار
غیر قانونی طور پر سمندر کے راستے ایران جانے کی کوشش ناکام بنا کر 22 ملزمان کو گرفتار کرلیا گیا۔
ترجمان نے بتایا کہ ایف آئی اے کمپوزٹ سرکل گوادر نے سمندر کے راستے غیر قانونی طور پر ایران جانے والے 22 ملزمان کو گرفتار کیا، گرفتار ملزمان کا تعلق پنجاب، کے پی اور سندھ کے مختلف علاقوں سے ہے، ملزمان کو جیوانی اور گبد پی بی 250 سے گرفتار کیا گیا۔
ترجمان کے مطابق گرفتار ملزمان غیر قانونی طور پر سمندر کے راستے پاکستان سے ایران جا رہے تھے، ابتدائی تفتیش کے مطابق ملزمان نے ایران سے غیر قانونی طور پر دیگر ممالک جانا تھا۔
سیلاب سے سینکڑوں بستیاں زیر آب، لاکھوں افراد بے گھر، ملتان کیلئے دو دن انتہائی اہم