پنجاب کے وزرا کی سیلابی دورے کے دوران سوئیڈن اور گوا کی کروز یادیں تازہ
اشاعت کی تاریخ: 29th, August 2025 GMT
بھارتی ریاست پنجاب کے تین وزرا کو سیلاب متاثرہ علاقوں کے معائنے کے دوران کشتی میں بیٹھے سوئیڈن اور گوا کے کروز سفر کی یادیں تازہ کرنا مہنگا پڑ گیا۔ وزرا کی گفتگو کی ویڈیو سوشل میڈیا پر وائرل ہونے کے بعد سخت ردعمل سامنے آیا ہے۔
وائرل ویڈیو میں وزیر برندر کمار گوئل، لال جیت بھلر اور ہربھجن سنگھ کو لائف جیکٹ پہنے کشتی میں بیٹھے دیکھا جا سکتا ہے، جہاں وہ اپنے سوئیڈن کے کروز سفر اور گوا کی تفریحی یادوں کا ذکر کر رہے ہیں۔ ایک وزیر نے کہا کہ میں سوئیڈن گیا تھا اور وہاں 24 گھنٹے کروز رائیڈز کیں۔ اس پر دوسرے وزیر نے گوا کی یادوں کا ذکر چھیڑ دیا۔
مزید پڑھیں: سیلاب سے سندھ کے 15 اضلاع متاثر ہوں گے، ڈی جی پی ڈی ایم اے
کچھ دیر بعد ایک وزیر نے کشتی کے اوپر کھڑے مقامی افراد کی طرف اشارہ بھی کیا۔ تاہم سوشل میڈیا صارفین نے اس موقع پر وزرا کی گفتگو کو شدید تنقید کا نشانہ بنایا اور بے حسی قرار دیا۔
The cabinet ministers #Punjab while to analyse flood-affected areas kept reminiscing about the luxuries of cruises in Sweden and Goa, the minister in boat are Barinder Goyal, Laljit Bhullar and Harbhajan ETO@AamAadmiParty pic.
— Aman Bhardwaj (@AmanBhardwajCHD) August 28, 2025
قائد حزبِ اختلاف پرتاپ سنگھ باجوہ نے عام آدمی پارٹی کے وزرا کو سخت تنقید کا نشانہ بناتے ہوئے کہا کہ پنجاب کے سیلاب متاثرین پینے کے پانی کے ایک گلاس کے لیے ترس رہے ہیں اور @AAPPunjab کے وزرا اپنے لگژری کروز کی یادیں تازہ کرنے میں مصروف ہیں۔ یہ کیسا ریلیف ٹور ہے؟
مزید پڑھیں: پاکستان میں سیلابوں سے تباہی، بیرونی ممالک اور بین الاقوامی اداروں سے کتنی امداد آئی؟
سوشل میڈیا پر بھی کئی صارفین نے وزرا کو آڑے ہاتھوں لیا۔ ایک صارف نے لکھا کہ یہ کس قدر شرمناک ہے، پنجابی عوام ایسے رہنماؤں کو کبھی معاف نہیں کریں گے۔ ایک اور نے کہا کہ جب عوام زندہ رہنے کی جدوجہد کر رہے ہیں تو یہ اپنے کروز مزے یاد کر رہے ہیں۔ یہ لوگوں کی خدمت کرنا بھول گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برندر کمار گوئل پنجاب سیلاب لال جیت بھلر ہربھجن سنگھ
ذریعہ
ذریعہ: WE News
کلیدی لفظ: برندر کمار گوئل سیلاب ہربھجن سنگھ رہے ہیں
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع