انور علی: فن، مزاح اور روحانیت کا حسین امتزاج ہمیشہ کیلئے خاموش ہوگیا
اشاعت کی تاریخ: 1st, September 2025 GMT
پاکستان شوبز انڈسٹری کے سینئر اداکار اور مقبول مزاح نگار انور علی 71 برس کی عمر میں طویل علالت کے بعد انتقال کر گئے۔ وہ پھیپھڑوں اور گردوں کے عارضے میں مبتلا تھے اور کئی روز سے زیرِ علاج تھے۔
گزشتہ شب طبیعت زیادہ بگڑنے پر انہیں لاہور کے رائیونڈ روڈ پر واقع ایک اسپتال منتقل کیا گیا، مگر وہ جانبر نہ ہو سکے اور زندگی کی آخری سانس وہیں لی۔
انور علی کا شمار پاکستان کے ان چند فنکاروں میں ہوتا ہے جنہوں نے اسٹیج، ٹی وی اور فلم — ہر پلیٹ فارم پر اپنی صلاحیتوں کا لوہا منوایا۔ ان کا مخصوص انداز، برجستہ جملے، اور طنز و مزاح سے بھرپور مکالمے لوگوں کے دلوں پر نقش ہو گئے۔
ڈرامہ سیریل اندھیرا اجالا، ابابیل اور ہوم سویٹ ہوم سمیت درجنوں مشہور ٹی وی شوز میں اپنی اداکاری سے رنگ بھرنے والے انور علی نے عوام کے دلوں میں ایک منفرد مقام بنایا۔ تاہم، زندگی کے آخری برسوں میں وہ شوبز کی دنیا سے کنارہ کش ہو گئے تھے اور ان کا جھکاؤ مکمل طور پر روحانیت اور مذہب کی طرف ہو گیا تھا۔
اداکار کی نمازِ جنازہ کے شیڈول کا اعلان تاحال نہیں کیا گیا۔
انور علی کے انتقال پر شوبز انڈسٹری، مداحوں اور ان کے ساتھی فنکاروں نے گہرے دکھ اور افسوس کا اظہار کیا ہے۔ سوشل میڈیا پر ان کی یادگار پرفارمنس، پرانی تصاویر اور دل کو چھو لینے والی پوسٹس شیئر کی جا رہی ہیں۔ انور علی اب اس دنیا میں نہیں رہے، مگر ان کی فنکارانہ وراثت اور ہنسی بکھیرنے والی یادیں ہمیشہ زندہ رہیں گی۔
ذریعہ
ذریعہ: Daily Mumtaz
کلیدی لفظ: انور علی
پڑھیں:
خطے میں تنازعات کے پُرامن حل کیلئے کوششیں جاری رکھیں گے: اسحاق ڈار
اسحاق ڈار---فائل فوٹونائب وزیرِ اعظم اسحاق ڈار نے کہا ہے کہ امریکا ایران تنازع میں پاکستان کی ثالثی کوششوں کو یورپی یونین کی جانب سے سراہا گیا ہے، پاکستان خطے میں امن، سفارت کاری اور تنازعات کے پُرامن حل کے لیے اپنی کوششیں جاری رکھے گا۔
یورپی یونین کی رہنما کایا کالاس کے ساتھ مشترکہ پریس کانفرنس میں انہوں نے کہا کہ آخری یورپی یونین وزٹ 7 سال پہلے ہوا تھا، ہم پچھلے سال بھارت پاکستان جنگ اور ایران امریکا تنازع کے دوران قریبی رابطے میں رہے، آج ہم نے مشترکہ طور پر اسٹریٹیجیک مذاکرات کی صدارت کی، ہم نے پچھلے سال نومبر میں مشترکہ اسٹریٹیجیک مذاکرات کیے تھے، امریکا ایران تنازع کے دوران یورپی یونین کے تعاون کا مشکور ہوں۔
اسحاق ڈار نے کہا کہ ہم نے سیکیورٹی ایشوز اور دہشت گردی کے امور پر بھی بات کی، فتنہ الخوارج اور فتنہ الہندوستان کی افغانستان میں موجودگی پر بھی بات کی، پاکستان اور یورپی یونین کے تعلقات میں مثبت پیشرفت جاری ہے، کایا کالاس کا دورہ اس کا واضح ثبوت ہے۔
یورپی یونین کی خارجہ امور اور سیکیورٹی پالیسی کی سربراہ نے امریکا ایران تنازع کے حل کے لیے پاکستان کےثالثی اقدامات کی تعریف کر دی۔
ان کا کہنا ہے کہ پاکستان اور یورپی یونین کے درمیان آٹھواں اسٹریٹجک ڈائیلاگ اعلیٰ ترین ادارہ جاتی مکالمہ ہے، پاکستان اور یورپی یونین کے درمیان تجارت، سرمایہ کاری اور ترقیاتی تعاون کے فروغ پر اتفاق ہوا، جی ایس پی پلس فریم ورک کے تحت پاکستان اور یورپی یونین کا تجارتی تعاون دونوں فریقوں کے لیے فائدہ مند ہے، اسلام آباد میں پاکستان یورپی یونین بزنس فورم کا انعقاد دو طرفہ اقتصادی تعلقات کے فروغ میں اہم پیش رفت ہے۔
نائب وزیرِ اعظم نے کہا کہ مقبوضہ کشمیر تنازع کا حل کشمیری عوام کی خواہشات اور اقوامِ متحدہ کی قراردادوں کے مطابق ہونا چاہیے، انڈس واٹرز معاہدہ برقرار ہے، حالیہ عدالتی فیصلے نے پاکستان کے مؤقف کی تائید کی ہے، افغان سر زمین سے دہشت گرد عناصر کی پاکستان میں کارروائیاں بدستور ہماری بڑی تشویش ہیں، پاکستان اور یورپی یونین نے دو طرفہ تعلقات کو جامع اور باہمی مفاد پر مبنی شراکت داری میں تبدیل کرنے کے عزم کا اعادہ کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ