ارشد ندیم اور ان کے کوچ سلمان اقبال بٹ کو جاپان کا ویزا جاری
اشاعت کی تاریخ: 2nd, September 2025 GMT
لاہور (اسپورٹس ڈیسک) پاکستان کے عالمی شہرت یافتہ جیولن تھرو اسٹار ارشد ندیم اور ان کے کوچ سلمان اقبال بٹ کو جاپان کا ویزا جاری کر دیا گیا۔ دونوں 9 ستمبر کو ٹوکیو روانہ ہوں گے جہاں وہ ورلڈ ایتھلیٹکس چیمپئن شپ میں شرکت کریں گے۔
چیمپئن شپ کا کوالیفائنگ راؤنڈ 17 ستمبر کو ہوگا جبکہ فائنل مقابلہ 18 ستمبر کو شیڈول ہے۔ گولڈ میڈلسٹ ارشد ندیم ایک بار پھر عالمی مقابلے میں اپنی صلاحیتوں کے جوہر دکھانے اور پاکستان کا نام روشن کرنے کے لیے پرعزم ہیں۔
ارشد ندیم نے اپنے بیان میں کہا کہ پنجاب اسٹیڈیم میں بھرپور تیاری کر رہا ہوں، مکمل فٹ ہوں اور امید ہے کہ ایک اور گولڈ میڈل جیت کر قومی پرچم سربلند کروں گا۔ انہوں نے قوم سے دعا کی اپیل کرتے ہوئے کہا کہ پاکستان کے عوام کی نیک تمنائیں ہمیشہ ان کے لیے حوصلے کا باعث بنتی ہیں۔
دوسری جانب قومی دستے کے لیے ایک بری خبر سامنے آئی ہے۔ خاتون ایتھلیٹ تامین خان انجری کے باعث ورلڈ ایتھلیٹکس چیمپئن شپ سے دستبردار ہوگئی ہیں۔ فیڈریشن حکام کے مطابق ڈاکٹرز نے انہیں کم از کم دو ہفتے آرام کا مشورہ دیا ہے۔ پاکستان ایتھلیٹکس فیڈریشن نے تامین خان کی انجری اور عدم شرکت سے متعلق چیمپئن شپ منتظمین کو باقاعدہ آگاہ کر دیا ہے۔
Post Views: 8.
ذریعہ
ذریعہ: Daily Mumtaz
کلیدی لفظ: چیمپئن شپ
پڑھیں:
گلشن اقبال میں تیز رفتار ڈمپر الٹ گیا، شہری معجزانہ طور پر محفوظ، مشتعل افراد کا کلینر پر تشدد
کراچی:شہر قائد کے علاقے گلشن اقبال میں رب میڈیکل کے قریب منگل کی شب ایک تیز رفتار ڈمپر بے قابو ہو کر سڑک پر الٹ گیا تاہم خوش قسمتی سے قریب سے گزرنے والے شہری اور دیگر گاڑیاں بڑے حادثے سے محفوظ رہیں۔
عینی شاہدین کے مطابق ڈمپر اچانک توازن کھو بیٹھا اور سڑک پر الٹ گیا، جس سے علاقے میں خوف و ہراس پھیل گیا۔
حادثے کے فوراً بعد ڈمپر کا ڈرائیور اور ایک اور شخص موقع سے فرار ہوگئے۔ واقعے کے بعد مشتعل شہریوں نے ڈمپر کے کلینر کو پکڑ لیا اور تشدد کا نشانہ بنایا۔
صورتحال اس وقت مزید کشیدہ ہوگئی جب بعض افراد نے ڈمپر کو آگ لگانے کی کوشش کی تاہم اطلاع ملتے ہی پولیس موقع پر پہنچ گئی اور بروقت مداخلت کرتے ہوئے گاڑی کو جلائے جانے سے بچا لیا۔
پولیس کے مطابق ابتدائی تحقیقات میں معلوم ہوا ہے کہ حادثہ سڑک پر موجود گہرے گڑھوں اور جاری کھدائی کے باعث پیش آیا جس کے نتیجے میں ڈمپر کا توازن بگڑ گیا اور وہ الٹ گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ