سعودی عرب کا غزہ میں فوری جنگ بندی پر زور
اشاعت کی تاریخ: 2nd, September 2025 GMT
سعودی عرب نے غزہ میں فوری جنگ بندی پر زور ہے۔
منگل کے روز سعودی کابینہ کے اجلاس میں غزہ کی صورتحال اور علاقائی حالات کا تفصیلی جائزہ لیا گیا، اجلاس میں غزہ میں جنگ بندی کے لیے سفارتی کوششوں پر زور دیا، اجلاس کی صدارت ولی عہد شہزادہ محمد بن سلمان نے کی۔
یہ بھی پڑھیں: سعودی عرب غزہ سے فلسطینیوں کی بیدخلی کیخلاف ڈٹ گیا
سعودی کابینہ نے کہا کہ مملکت غزہ میں انسانی بحران کے خاتمے، امدادی سامان کی فراہمی اور 2 ریاستی حل کے لیے بین الاقوامی کوششوں میں اپنا بھرپور کردار ادا کررہی ہے۔
وزیر اطلاعات سلمان بن یوسف الدوسری نے سعودی پریس ایجنسی کو بتایا کہ اجلاس میں روسی صدر ولادیمیر پیوٹن کا پیغام اور فلسطینی نائب صدر حسین الشیخ سے ملاقات بھی زیر بحث آئی۔
یہ بھی پڑھیں: غزہ کے حوالے سے او آئی سی اجلاس میں سعودی عرب کا کردار لائق تحسین ہے: فلسطینی سفیر ڈاکٹر زہیر زید
کابینہ نے مقبوضہ فلسطینی علاقوں کی تازہ صورتحال کا جائزہ لیتے ہوئے سعودی عرب اور اٹلی کے وزرائے خارجہ کے مشترکہ بیان کی توثیق کی۔ اس بیان میں غزہ میں فوری جنگ بندی، 2 ریاستی حل کو نقصان پہنچانے والے اقدامات کی مذمت اور مشرق وسطیٰ میں منصفانہ، پُرامن اور جامع حل کے عزم کو دہرایا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
2ریاستی حل we news اسرائیل جنگ بندی سعودی عرب غزہ فلسطین محمد بن سلمان ولی عہد.ذریعہ: WE News
کلیدی لفظ: 2ریاستی حل اسرائیل فلسطین ولی عہد اجلاس میں
پڑھیں:
اسلام آباد ہائیکورٹ کا چیئرمین پی ٹی اے کو فوری عہدے سے ہٹانے کا حکم
اسلام آباد(نیوز ڈیسک) اسلام آباد ہائیکورٹ نے پاکستان ٹیلی کمیونیکیشن اتھارٹی (پی ٹی اے) کے چیئرمین کو عہدے سے ہٹانے کا حکم دے دیا۔
عدالت نے چیئرمین پی ٹی اے کو عہدے سے ہٹانے کی درخواست منظور کر لی۔
اسلام آباد ہائیکورٹ نے ریمارکس دیے کہ چیئرمین پی ٹی اے کی تعیناتی قانونی طور پر درست نہیں ہوئی لہٰذا چیئرمین پی ٹی اے کو فوری عہدے سے ہٹایا جائے۔
عدالت نے حکم دیا کہ پی ٹی اے میں سینیئر ممبر کو چیئرمین پی ٹی اے عارضی طور پر تعینات کیا جائے۔
ہائیکورٹ کے جسٹس بابر ستار نے محفوظ کیا فیصلہ آج جاری کر دیا، جسٹس بابر ستار نے 99 صفحات پر فیصلہ تحریر کیا۔
Post Views: 2
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام