عرفان پٹھان سابق بھارتی کپتان ایم ایس دھونی کے ساتھ حقہ کیوں پییں گے؟
اشاعت کی تاریخ: 4th, September 2025 GMT
سوشل میڈیا پر پرانی ویڈیوز اکثر نئے تنازعات کو جنم دیتی ہیں، ایسی ہی حالیہ دنوں میں دوبارہ وائرل ایک 5 سال پرانی ویڈیو میں سابق بھارتی آل راؤنڈر عرفان پٹھان نے انکشاف کیا کہ وہ کس طرح بھارتی ٹیم سے باہر ہوئے۔
عرفان پٹھان، جنہوں نے 2012 میں اپنا آخری ون ڈے انٹرنیشنل کھیلا اور اس میچ میں 5 وکٹیں بھی حاصل کیں، ویڈیو میں بتاتے ہیں کہ انہوں نے میڈیا میں یہ خبر سننے کے بعد کہ کپتان مہندر سنگھ دھونی ان کی بولنگ سے خوش نہیں، براہِ راست دھونی سے وضاحت طلب کی تھی۔
“ہاں، میں نے ماہی بھائی سے پوچھا تھا، 2008 کی آسٹریلیا سیریز میں میڈیا میں بیان آیا کہ عرفان اچھی بولنگ نہیں کر رہا۔ مجھے لگا کہ میں نے اچھی بولنگ کی ہے، اس لیے میں نے ماہی بھائی سے جا کر پوچھا، کبھی کبھار میڈیا بیانات کو توڑ مروڑ دیتا ہے، تو میں نے کلیئر کرنا چاہا۔‘
عرفان پٹھان کے مطابق، مہندر سنگھ دھونی نے انہیں یقین دلایا کہ ایسا کچھ نہیں ہے، سب پلان کے مطابق چل رہا ہے۔ ’جب آپ کو ایسا جواب ملے تو آپ یقین کر لیتے ہیں اور جو کر سکتے ہیں کرتے ہیں، بار بار وضاحت مانگنے سے اپنی عزتِ نفس کو ٹھیس پہنچتی ہے۔‘
مذکورہ ویڈیو میں عرفان پٹھان مزید کہتے ہیں کہ انہیں نہ تو کسی کے کمرے میں حقہ لگانے کی عادت ہے اور نہ ہی فضول باتیں کرنے کی۔ ’سب جانتے ہیں، کبھی کبھی خاموش رہنا بہتر ہوتا ہے، کرکٹر کا کام میدان میں پرفارم کرنا ہے اور میں نے اسی پر توجہ دی۔‘
Pathan bhai woh hookey ka kya hua???
— Akshat (@Akshatgoel1408) September 3, 2025
عرفان پٹھان کے بیان کا حقے والا حصہ سوشل میڈیا پر تیزی سے وائرل ہوگیا اور کئی صارفین نے اسے دھونی کی طرف اشارہ قرار دیا۔ جمعرات کو محمد شامی کے ساتھ ایک تصویر کے نیچے ایک مداح نے عرفان سے پوچھا کہ پٹھان بھائی، وہ حقے کا کیا ہوا، جس پر عرفان نے ہنستے ہوئے جواب دیا کہ وہ اور دھونی ساتھ بیٹھ کر پیئیں گے۔‘
عرفان نے یہ بھی اشارہ دیا کہ ویڈیو کو جان بوجھ کر موجودہ وقت میں متنازع انداز میں پھیلایا گیا ہے، اپنے ایک بیان میں انہوں نے لکھا کہ آدھی دہائی پرانی ویڈیو کو اب گھما پھرا کر پیش کیا جا رہا ہے، یہ فین وار ہے یا پی آر لابی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پرانی ویڈیو پی آر لابی حقہ عرفان پٹھان فین وار مہندر سنگھ دھونی وائرل.ذریعہ: WE News
کلیدی لفظ: پرانی ویڈیو پی ا ر لابی عرفان پٹھان فین وار مہندر سنگھ دھونی وائرل عرفان پٹھان پرانی ویڈیو
پڑھیں:
سعودی عرب کے’اسکائی اسٹیڈیم‘ کی وائرل ویڈیو جعلی نکلی
سعودی عرب کے’اسکائی اسٹیڈیم‘ کی سوشل میڈیا پر وائرل ویڈیو جعلی نکل آئی، مصنوعی ذہانت سے بنی ویڈیو کو 2034 ورلڈ کپ کے اسٹیڈیم کا ڈیزائن سمجھ لیا گیا۔
عرب میڈیا کے مطابق سعودی عرب میں نیوم سٹی کے ’اسکائی اسٹیڈیم‘ کی سوشل میڈیا پر وائرل ویڈیو کا سعودی حکومت کے کسی سرکاری منصوبے سے تعلق نہیں ہے۔
ویڈیو بنانے والے شخص نے بتایا کہ اسکائی اسٹیڈیم کی وائرل ویڈیو مصنوعی ذہانت کی مدد سے تیار کی گئی ہے اور محض تخیلاتی ہے۔
مصنوعی ذہانت سے بنی ویڈیو کو 2034ء ورلڈ کپ کے اسٹیڈیم کا ڈیزائن سمجھ لیا گیا تھا، اسکائی اسٹیڈیم کی اے آئی ویڈیو بنانے والے شخص نے میڈیا سے گفتگو میں کہا کہ یہ صرف ایک اے آئی تصور ہے اور اُسے سعودی عرب کے کسی منصوبے کا علم نہیں ہے۔
واضح رہے کہ اسکائی اسٹیڈیم کی اے آئی ویڈیو کو دنیا بھر میں 5 کروڑ سے زائد بار دیکھا جا چکا ہے۔
تاہم یہاں یہ واضح کرتے چلیں کہ سعودی حکومت 2034ء کے عالمی کپ کے لیے 15 اسٹیٹ آف دی آرٹ اسٹیڈیمز کی تعمیر کا ارادہ رکھتی ہے جن میں سے ایک نیوم میگا سٹی میں کلاؤڈ اسٹڈیم بھی شامل ہے۔
یہ اسٹیڈیم زمین سے تقریباً 350 میٹر (1 ہزار 150 فٹ) کی بلندی پر تعمیر کیا جائے گا، جس میں 46 ہزار تماشائیوں کے بیٹھنے کی گنجائش ہوگی اور اس کو مکمل طور پر سولر اور ونڈ پاور کے ذریعے بجلی سپلائی کی جائے گی۔
سرکاری ذرائع کے مطابق نیوم سٹی میں اسٹیڈیم کی تعمیر کا آغاز 2027ء میں ہوگا جبکہ اس کی تعمیر 2032ء میں تکمیل کو پہنچے گی۔
کچھی: مسلح افراد کا سرکاری عمارتوں اور تھانوں پر حملہ، پولیس اہلکار شہید