بلوچستان: عید میلاد النبی ﷺ کی مناسبت سے 5 تا 6 ستمبر کو عام تعطیل کا اعلان
اشاعت کی تاریخ: 4th, September 2025 GMT
وفاقی اور صوبائی حکومتوں نے 12 ربیع الاول 1447 ہجری کے موقع پر ملک بھر میں عام تعطیلات کا اعلان کیا ہے۔
وفاقی حکومت کے مطابق بروز ہفتہ 6 ستمبر 2025 کو عید میلاد النبی ﷺ کے موقع پر ملک بھر میں عام تعطیل ہوگی۔
سندھ حکومت نے اعلان کیا ہے کہ صوبے بھر میں 5 اور 6 ستمبر (جمعہ اور ہفتہ) کو 2 روزہ تعطیل ہوگی تاکہ شہری عید میلاد النبی ﷺ کے موقع پر مذہبی اجتماعات اور تقاریب میں بھرپور شرکت کر سکیں۔
مزید پڑھیں: سندھ حکومت کا جشن عید میلادالنبیﷺ کے موقع پر 2 تعطیلات کا اعلان
پنجاب حکومت نے بھی 6 ستمبر بروز ہفتہ کو عام تعطیل کا اعلان کیا ہے۔
محکمہ سروسز اینڈ جنرل ایڈمنسٹریشن بلوچستان کے اعلامیے کے مطابق صوبے بھر میں 5 اور 6 ستمبر (جمعہ اور ہفتہ) کو تعطیل ہوگی۔
خیبرپختونخوا حکومت کی جانب سے بھی 6 ستمبر کو عام تعطیل ہوگی۔ تاہم ایمرجنسی اور لازمی سروسز سے وابستہ محکمے اپنے فرائض انجام دیتے رہیں گے۔
سرکاری دفاتر، تعلیمی ادارے اور بیشتر کاروباری سرگرمیاں تعطیلات کے دوران بند رہیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
5 تا 6 ستمبر بلوچستان عام تعطیل عید میلاد النبی ﷺ.
ذریعہ
ذریعہ: WE News
کلیدی لفظ: بلوچستان عام تعطیل عید میلاد النبی ﷺ عید میلاد النبی ﷺ تعطیل ہوگی کے موقع پر عام تعطیل کا اعلان
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
بھارت سے جنگ اور افغانستان میں کارروائی خارج ازامکان نہیں، وزیردفاع