سابق امریکی صدر جوبائیڈن کی اسکن کینسر سرجری
اشاعت کی تاریخ: 6th, September 2025 GMT
واشنگٹن: امریکا کے سابق صدر جوبائیڈن ایک بار پھر آپریشن تھیٹر پہنچ گئے، اس بار ان کی اسکن کینسر کی سرجری کی گئی ہے۔
82 سالہ بائیڈن پہلے ہی پروسٹیٹ کینسر کی خطرناک قسم سے لڑ رہے ہیں، جس کی تشخیص انہوں نے رواں برس مئی میں عوام کے سامنے کی تھی۔ اس وقت انہوں نے بتایا تھا کہ بیماری کافی حد تک پھیل چکی ہے۔
یہ پہلا موقع نہیں جب بائیڈن کو کینسر کی وجہ سے سرجری کرانا پڑی ہو۔ 2023 میں صدارت کے دوران بھی ان کے سینے سے اسکن کینسر کے خلیات نکالے گئے تھے، جبکہ اس سے قبل بھی وہ کئی بار مختلف اقسام کے کینسر کی سرجریز کروا چکے ہیں۔ تازہ ترین آپریشن بھی اسی سلسلے کی کڑی ہے۔
برطانوی نشریاتی ادارے بی بی سی کے مطابق بائیڈن کے ترجمان نے تصدیق کی کہ ان کی موہس سرجری (Mohs surgery) کی گئی ہے۔ یہ طریقہ علاج جلد کے کینسر زدہ حصے کو احتیاط کے ساتھ کاٹ کر نکالنے پر مشتمل ہوتا ہے تاکہ مرض مزید نہ پھیل سکے۔ تاہم ترجمان نے ان کی صحت کی موجودہ صورتحال یا آئندہ کے علاج کے بارے میں مزید معلومات فراہم نہیں کیں۔
حالیہ دنوں میں بائیڈن کے سر کے دائیں حصے پر زخم نما نشان دیکھا گیا، جس پر یہ خیال ظاہر کیا جا رہا ہے کہ متاثرہ جلد اسی حصے سے نکالی گئی ہوگی۔ مگر اس کی باضابطہ تصدیق سامنے نہیں آئی۔
یاد رہے کہ جوبائیڈن کے بڑے بیٹے بیو بائیڈن 2015 میں کینسر کے باعث انتقال کر گئے تھے۔ بائیڈن خود بھی ہمیشہ کینسر کے خلاف آگاہی بڑھانے اور علاج کی سہولیات بہتر بنانے پر زور دیتے رہے ہیں، اور آج وہ خود اسی مرض کے خلاف مسلسل جدوجہد کر رہے ہیں۔
Post Views: 6.ذریعہ: Daily Mumtaz
کلیدی لفظ: کینسر کی
پڑھیں:
پنجاب: کینسر کے علاج کی نئی تاریخ، پاکستان کے پہلے کو ابلیشن سینٹر کا افتتاح
وزیراعلیٰ پنجاب مریم نواز شریف نے میو اسپتال میں پاکستان کے پہلے سرکاری کو-ابلیشن سنٹر کا افتتاح کر دیا۔ پنجاب ساؤتھ ایشیا کا پہلا صوبہ ہے جہاں اس جدید ٹیکنالوجی سے کینسر کا علاج ممکن ہوا ہے۔
مزید پڑھیں: سروائیکل کینسر ویکسین تولیدی صحت کے لیے کتنی محفوظ، پاکستان میں لوگ بائیکاٹ کیوں کررہے ہیں؟
کو-ابلیشن کے ذریعے جگر، پھیپھڑوں اور بریسٹ کینسر کا علاج کیا جا رہا ہے، جس میں کینسر سیل کو منفی 198 ڈگری پر فریز اور 83 ڈگری پر ہیٹ اپ کرکے ختم کیا جاتا ہے۔
Punjab now begins the most advanced cancer treatment!
The first-ever Co-ablation Centre established at Mayo Hospital, to be inaugurated by Chief Minister Maryam Nawaz Sharif. pic.twitter.com/BN3bN3aH9u
— PMLN (@pmln_org) September 18, 2025
وزیراعلیٰ نے مزید 5 مشینیں منگوانے اور ڈاکٹرز کی خصوصی ٹریننگ کا حکم بھی دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب کو ابلیشن سینٹر کینسر مریم نواز شریف
نیپال میں ’جنریشن زی‘ سڑکوں پر کیوں نکلی؟