خیبرپختونخوا: میٹرک امتحانات میں ناقص نتائج، 15 اسکول پرنسپل معطل
اشاعت کی تاریخ: 7th, September 2025 GMT
خیبرپختونخوا میں میٹرک کے حالیہ امتحانات میں خراب کارکردگی پر صوبے کے مختلف اسکولز کے 15 پرنسپلز کو معطل کر دیا گیا ہے۔ یہ فیصلہ ورکرز ویلفیئر بورڈ خیبرپختونخوا کی جانب سے کیا گیا، جس کا باقاعدہ اعلامیہ بھی جاری کر دیا گیا ہے۔
کن اسکولز کے پرنسپلز معطل ہوئے؟
اعلامیے کے مطابق، جن اسکولز کے پرنسپلز کو معطل کیا گیا اُن میں شامل ورکنگ فولکس گرامر اسکول اکوڑہ خٹک، امان گڑھ، غوری والا، اور ہری پور ٹو، اسکولز واقع حطار، کرک، کوہاٹ ون اور کوہاٹ ٹو، پشاور ٹو، مردان، شہباز عزمت خیل، صوابی اور سوات کے اسکولزشامل ہیں۔
اس کے علاوہ تحت بائی اور ورکنگ فولکس گرامر ہائر سیکنڈری اسکول کے پرنسپلز کو بھی ناقص تعلیمی نتائج کی بنیاد پر معطل کر دیا گیا ہے۔
عارضی انتظامات بھی کر دیے گئے
معطل کیے گئے پرنسپلز کی جگہ فی الحال وائس پرنسپلز اور سینئر اساتذہ کو اسکولز کی ذمہ داریاں سونپ دی گئی ہیں تاکہ تعلیمی سلسلہ متاثر نہ ہو۔
یہ کارروائی میٹرک کے امتحانات میں تسلسل کے ساتھ سامنے آنے والی ناکافی تعلیمی کارکردگی کے بعد کی گئی ہے۔ حکام کے مطابق، یہ فیصلہ تعلیمی معیار کو بہتر بنانے اور اداروں کو جوابدہ بنانے کی کوشش کا حصہ ہے۔
ذریعہ
ذریعہ: Daily Mumtaz
پڑھیں:
خیبرپختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔
نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔
اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔
ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع