صدر آصف زرداری رواں ہفتے چین کا دورہ کریں گے
اشاعت کی تاریخ: 9th, September 2025 GMT
صدر آصف علی زرداری رواں ہفتے چین کا دورہ کریں گے انہیں چینی ہم منصب نے دورے کی دعوت دی ہے۔
وہ 12 ستمبر کو چین روانہ ہوں گے۔ ان کے ہمراہ پی پی چیئرمین بلاول بھٹو زرداری اور خاتون اول آصفہ بھٹو بھی چین جائیں گی۔
ان کی دورہ چین کے دوران اعلیٰ سطح ملاقاتیں طے ہیں اور وہ چینی ہم منصب سمیت چینی قیادت سے بھی ملاقاتیں کریں گے۔
صدر پاکستان کی چینی قیادت سے سی پیک سمیت دو طرفہ تعلقات کے فروغ، علاقائی اور بین الاقوامی صورتحال اور باہمی دلچسپی کے امور پر تبادلہ خیال کیا جائے گا۔
ذرائع نے بتایا ہے کہ صدر آصف زرداری کے دورہ چین کو حتمی شکل دی جا رہی ہے۔
واضح رہے کہ حال ہی میں وزیراعظم شہباز شریف نے چین کا دورہ کیا تھا جہاں انہوں نے ایس سی او کانفرنس میں شرکت کی تھی اور مختلف ممالک کے سربراہان مملکت سے ملاقاتیں کی تھیں۔
ذریعہ: Daily Mumtaz
پڑھیں:
شنگھائی: صدر آصف علی زرداری کی معروف چینی آٹو موبائل کمپنی چیری ہولڈنگ کے وفد سے ملاقات
صدر مملکت آصف علی زرداری نے چین کی معروف آٹو موبائل کمپنی چیری ہولڈنگ کے چیئرمین ین تونگیو سے شنگھائی میں ملاقات کی۔
اس موقع پر خاتونِ اول آصفہ بھٹو زرداری، چیئرمین پیپلز پارٹی بلاول بھٹو زرداری اور سینیٹر سلیم مانڈوی والا بھی صدر کے ہمراہ تھے۔
ملاقات میں صدر آصف علی زرداری نے چیری آٹو کی پاکستان میں سرمایہ کاری اور توسیعی منصوبوں کا خیر مقدم کیا اور کمپنی کی جانب سے الیکٹرک بسوں اور لوکلائزیشن منصوبوں کو خوش آئند قرار دیا۔
یہ بھی پڑھیے: شنگھائی: بلاول بھٹو سے چین کی سب سے بڑی تعمیراتی کمپنی سی ایس سی ای سی کے وفد کی ملاقات
صدر کا کہنا تھا کہ ان منصوبوں سے پاکستانی نوجوانوں کے لیے روزگار کے نئے مواقع پیدا ہوں گے۔
صدر زرداری نے یقین دہانی کرائی کہ حکومت پاکستان کی جانب سے الیکٹرک اور نیو انرجی گاڑیوں کے لیے پالیسی سپورٹ فراہم کی جائے گی۔ انہوں نے چیری کو پاکستان میں الیکٹرک بسوں، منی ٹرکس اور گرین انرجی کے شعبوں میں مشترکہ منصوبوں میں شرکت کی دعوت دی۔
صدر مملکت نے مزید کہا کہ پاکستانی کمپنیوں کے ساتھ مینوفیکچرنگ، منرلز اور انرجی اسٹوریج میں تعاون کے وسیع مواقع موجود ہیں۔
اس موقع پر چیری آٹو کے وفد نے صدر زرداری کو کمپنی کی عالمی کامیابیوں اور جدید ٹیکنالوجی سے متعلق بریفنگ دی۔ ملاقات میں سندھ کے وزراء شرجیل انعام میمن اور ناصر حسین شاہ بھی شریک تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آٹوموبائل پاکستان چین ملاقات
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار