امیر ترین ملکوں میں دبئی اب چوتھے نمبر پر، اس ملک میں کتنے کروڑ پتی رہتے ہیں؟
اشاعت کی تاریخ: 11th, September 2025 GMT
دبئی اب دنیا کے امیر ترین شہروں کی فہرست میں لندن، پیرس اور میلان کے ساتھ کھڑا ہے۔
تازہ رپورٹ کے مطابق شہر میں اس وقت 86 ہزار کروڑ پتی، 251 سو کروڑ پتی اور 23 ارب پتی رہتے ہیں۔
یہ بھی پڑھیں:سعودی عرب اور دبئی کے 3 نئے ٹاور پروجیکٹس، دنیا کے بلند ترین تعمیراتی ریکارڈز ٹوٹنے کو تیار
جون 2025 تک دبئی میں کل سرمایہ جسے فوری طور پر استعمال کیا جا سکتا ہے، ایک اعشاریہ ایک ٹریلین ڈالر (تقریباً چار ٹریلین درہم) تک پہنچ چکا ہے۔
ماہرین کا کہنا ہے کہ اگر ترقی کی یہی رفتار جاری رہی تو 2040 تک دبئی ان شہروں کو پیچھے چھوڑ کر خطے کا سب سے دولت مند شہر بن سکتا ہے۔
دبئی کیوں دولت مندوں کی پسند ہےرپورٹ میں بتایا گیا ہے کہ دبئی کو امیر افراد کے لیے پرکشش بنانے میں کئی عوامل شامل ہیں۔
یہ شہر محفوظ اور مستحکم ہے، یہاں ٹیکس بہت کم ہیں، پراپرٹی کی قیمتیں بڑھ رہی ہیں اور یہ دنیا کے ہر حصے تک براہِ راست فضائی رابطہ فراہم کرتا ہے۔
اس کے ساتھ ساتھ صحت اور تعلیم کے عالمی معیار کے ادارے اور سال بھر دستیاب تفریحی سہولتیں بھی سرمایہ کاروں اور ریٹائر ہونے والے امیروں کو اپنی جانب کھینچتی ہیں۔
خاندانی دفاتر اور بڑھتی آبادیدبئی میں سرمایہ داروں کے خاندانی دفاتر تیزی سے بڑھ رہے ہیں۔ صرف جون 2025 تک شہر میں 250 سے زیادہ دفاتر قائم ہو چکے تھے۔
ان میں زیادہ تر وہ ہیں جو کوویڈ کے بعد شروع کیے گئے اور جن کے مالکان کا تعلق افریقہ، بھارت، روس، برطانیہ اور مشرق وسطیٰ سے ہے۔
آبادی کے لحاظ سے بھی دبئی نئی بلندیوں کو چھو رہا ہے اور حالیہ اعداد و شمار کے مطابق شہر کی آبادی چار ملین سے تجاوز کر گئی ہے۔
عالمی مرکز کی حیثیتماہرین کے مطابق دبئی کی یہ ترقی اس کی اسٹریٹجک پوزیشن، جدید قوانین اور ٹیکنالوجی کے امتزاج کی بدولت ممکن ہوئی ہے۔
یہ بھی پڑھیں:دبئی 2032 میں، کار واش کے منفرد طریقے نے سب کو حیران کردیا
سرمایہ کاروں کا کہنا ہے کہ دبئی اب صرف کاروبار اور رہائش کے لیے نہیں بلکہ سرمایہ محفوظ کرنے اور اگلی نسلوں تک منتقل کرنے کے لیے بھی ایک اہم عالمی مرکز بنتا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیر ترین دبئی عالم مرکز یو اے ای.ذریعہ: WE News
کلیدی لفظ: عالم مرکز یو اے ای کے لیے
پڑھیں:
افغان مہاجرین کی وطن واپسی کا سلسلہ جاری، اب تک کتنے پناہ گزین واپس جا چکے؟
پاکستان میں مقیم افغان مہاجرین کی باعزت وطن واپسی کا سلسلہ تیزی سے جاری ہے۔ گزشتہ ایک روز میں صرف چمن بارڈر سے قریباً 10 ہزار 700 افغان مہاجرین کوباعزت طریقہ سےافغانستان واپس بھیجا گیا۔
رپورٹس کے مطابق افغان مہاجرین کی وطن واپسی کا سلسلہ چمن کے بعد آج سے طورخم سرحد سے بھی شروع کر دیا گیا ہے۔
مزید پڑھیں: غیر قانونی مقیم افغان مہاجرین کی وطن واپسی، کیا اہداف حاصل ہو گئے؟
سرکاری اعداد و شمار کے مطابق اب تک قریباً 15 لاکھ 60 ہزار افغان مہاجرین کی وطن واپسی ہو چکی ہے، افغان مہاجرین کی واپسی قانونی طریقہ کار کے تحت کی جا رہی ہے۔
ہر شخص کے دستاویزات کی تصدیق کے بعد ہی سرحد عبور کرنے کی اجازت دی جا رہی ہے، افغان مہاجرین کے لےایف سی اور سول انتظامیہ کی جانب سے ناصرف رہائش بلکہ کھانے کابھی انتظام کیا گیا ہے۔
افغان جنگ اور خانہ جنگی کے باعث پاکستان نے 40 سال تک افغانیوں کی بہترین میزبانی کی اور ایک عظیم مثال قائم کی۔
افغان مہاجرین کی واپسی کا اقدام پاکستان نے اپنی قومی سلامتی کو مدنظر رکھتے ہوئے اٹھایا ہے۔
مزید پڑھیں: افغان مہاجرین کی واپسی، آزاد کشمیر حکومت نے حتمی ٹائم فریم مقرر کر دیا
رپورٹس کے مطابق پاکستان میں اب بغیر پاسپورٹ اور ویزا کے بغیر داخلہ ممکن نہیں ہوگا، یہ اقدام پاک افغان تعلقات میں باہمی احترام کی مضبوط بنیاد ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افغان مہاجرین پناہ گزین چمن بارڈر وطن واپسی وی نیوز
کوئٹہ، خاتون ٹیچر کے قتل میں ملوث مرکزی ملزم گرفتار