عجیب بات ہے! جن لاپتا افراد کو حکومت دہشتگرد کہتی رہی اب انکو پیسے دے رہی ہے، عدالت
اشاعت کی تاریخ: 12th, September 2025 GMT
اسلام آباد:
اسلام آباد ہائی کورٹ نے لاپتا شہری کے کیس کی سماعت کے دوران جج نے ریمارکس دیے کہ عجیب بات ہے! جن لاپتا افراد کو حکومت دہشت گرد کہتی رہی اب ان کو پیسے دے رہی ہے جبکہ عدالت نے وفاقی سیکریٹری داخلہ کو لاپتا شہری عمر عبداللہ کے اہل خانہ کو امدادی رقم کا چیک جاری کر کے آئندہ سماعت پر رپورٹ طلب کی۔
اسلام آباد ہائی کورٹ کے جسٹس محسن اختر کیانی نے لاپتا شہری عمرعبداللہ کی بازیابی کی درخواست پر سماعت کی اور کہا کہ متاثرہ فیملی کو چیک جاری نہیں ہوتا توایڈیشنل سیکریٹری داخلہ 26 ستمبر کو پیش ہوں۔
جسٹس محسن اختر کیانی نے ریمارکس دیے حکومت پاکستان کے پاس اتنے لاپتا افراد کو ادائیگی کے لیے بجٹ ہے؟ کیا عالمی مالیاتی ادارہ (آئی ایم ایف) کے ساتھ مل کر ادائیگیاں کی جائیں گی؟ جن مسنگ پرسنز کو پہلے دہشت گرد کہتے رہے اب ان کو پیسے دے رہے ہیں، کتنی عجیب بات ہے کہ جن لوگوں کو سزائیں دینی تھیں ان کو بچانے کے لیے ہم لوگوں کو پیسے دیں گے۔
محسن اختر کیانی نے کہا یہ تو ٹیسٹ کیس دیکھ رہے ہیں، ابھی تو نجانے اور کتنے کیسز ہوں گے، لاپتا افراد کے کیسز کی سماعت کے لیے اس ہائی کورٹ کا لارجر بنچ تھا وہ بھی ٹوٹ گیا، ہماری کورٹ کتنا ڈرتی ہے کہ دوبارہ لارجر بینچ ہی نہیں بنایا، مسنگ پرسنز مسنگ ہی رہیں گے۔
انہوں نے کہا کہ عدالتیں تو وزارتِ دفاع کے ساتھ Hands in gloves ہیں، وہ کتنا ڈرتے ہیں کہ کیس کورٹ میں آئے گا تو وزارت دفاع کو جواب دہ ہونا پڑے گا۔
لاپتا شہری کے والد نے عدالتی استفسار پر بتایا کہ انہیں ابھی تک حکومت کی جانب سے امدادی رقم نہیں ادا کی گئی، لاپتہ افراد کمیشن کے سیکریٹری نے بتایا کہ جبری گمشدہ افراد کے اہل خانہ کو ادائیگی کے لیے کابینہ نے اسپیشل کمیٹی بنائی ہے۔
جسٹس کیانی محسن اختر کیانی نے کہا کہ جبری گمشدہ افراد انکوائری کمیشن کی کوئی حیثیت نہیں، اس عدالت میں امداری رقم کی ادائیگی کا بیان دیے دو ماہ گزر چکے ہیں۔
وزارت دفاع کے نمائندے نے کہا ہم نے کیس فائنل کر کے وزارت داخلہ کو بھیج دیا تھا، ادائیگی انہوں نے کرنی ہے۔
جسٹس محسن اختر کیانی نے ریمارکس دیے آدھا پاکستان آج سیلاب میں ڈوبا ہوا ہے، ریاست جن کو دہشت گرد کہتی رہی اب ان کو ادائیگیاں کریں گے، مسنگ پرسنز پیش نہ کرنے پڑیں بس کروڑوں روپے دے دو جنہیں دہشت گرد کہتے تھے اُنہیں گرفتار کرتے ٹرائل کرواتے، سزائے موت کروا دیتے۔
.ذریعہ: Express News
کلیدی لفظ: محسن اختر کیانی نے لاپتا افراد لاپتا شہری کو پیسے کے لیے
پڑھیں:
پیٹرول کی قیمت میں اضافہ ہوگیا، حکومت نے عوام پر مہنگائی کا نیا بوجھ ڈال دیا
data-id="863a0a8" data-element_type="widget" data-widget_type="theme-post-content.default">
اسلام آباد: حکومت نے ایک بار پھر عوام کو مہنگائی کا جھٹکا دیتے ہوئے پیٹرولیم مصنوعات کی قیمتوں میں اضافہ کر دیا ہے، جس کا اطلاق آج یکم نومبر 2025ء سے ہوگیا۔
خزانہ ڈویژن سے جاری ہونے والے باضابطہ اعلامیے میں بتایا گیا ہے کہ پیٹرول اور ہائی اسپیڈ ڈیزل دونوں کی قیمتوں میں اضافہ اوگرا اور متعلقہ وزارتوں کی سفارشات کے بعد منظور کیا گیا ہے۔ نئی قیمتیں اگلے پندرہ دن کے لیے نافذ العمل رہیں گی۔
اعلامیے کے مطابق پیٹرول کی فی لیٹر قیمت میں 2 روپے 43 پیسے اضافہ کر دیا گیا ہے، جس کے بعد پیٹرول کی نئی قیمت 265 روپے 45 پیسے فی لیٹر مقرر ہو گئی ہے۔ اس سے قبل پیٹرول 263 روپے دو پیسے فی لیٹر فروخت کیا جا رہا تھا۔
اسی طرح ہائی اسپیڈ ڈیزل کی قیمت میں بھی 3 روپے 2 پیسے فی لیٹر کا اضافہ کر کے نئی قیمت 278 روپے 44 پیسے مقرر کر دی گئی ہے، جب کہ گزشتہ 15 روز کے لیے یہی قیمت 275 روپے 42 پیسے فی لیٹر تھی۔
پیٹرولیم مصنوعات کی قیمتوں میں حالیہ اضافہ ایسے وقت میں سامنے آیا ہے جب عام شہری پہلے ہی اشیائے خوردونوش، بجلی اور گیس کی بلند قیمتوں سے پریشان ہیں۔
ماہرینِ معیشت کے مطابق عالمی منڈی میں تیل کی قیمتوں میں معمولی اتار چڑھاؤ کے باوجود مقامی سطح پر بار بار اضافہ حکومت کی مالیاتی پالیسیوں اور ٹیکس بوجھ کا نتیجہ ہے۔ ان کا کہنا ہے کہ حکومت کو چاہیے کہ قیمتوں کے تعین کے عمل میں شفافیت لائے اور عوامی مفاد کو مقدم رکھے۔
عوامی حلقوں میں اس فیصلے پر شدید ردعمل دیکھنے میں آیا ہے، خاص طور پر ٹرانسپورٹ اور زرعی شعبے سے وابستہ افراد نے خدشہ ظاہر کیا ہے کہ ایندھن کی قیمتوں میں اضافے سے کرایوں، مال برداری کے نرخوں اور اجناس کی قیمتوں میں مزید اضافہ ہوگا۔ شہریوں نے حکومت سے مطالبہ کیا ہے کہ وہ پیٹرولیم مصنوعات پر عائد ٹیکسوں میں کمی کرے تاکہ عام آدمی کو ریلیف دیا جا سکے۔
راولپنڈی کے کن روٹس پر الیکٹرک بس سروس کا آغاز کیا جا رہا ہے؟