پی ٹی آئی نے ملک دیوالیہ کردیا تھا اس لیے ہمیں آئی ایم ایف کے پاس جانا پڑا، احسن اقبال
اشاعت کی تاریخ: 13th, September 2025 GMT
وفاقی وزیر منصوبہ بندی احسن اقبال نے کہا ہے ہے کہ پی ٹی آئی نے ملک کو دیوالیہ کردیا تھا اس لیے ہمیں مجبوری میں دوبارہ آئی ایم ایف کے پاس جانا پڑا۔
لاہور میں میڈیا سے گفتگو کرتے ہوئے وفاقی وزیر احسن اقبال نے کہا کہ پی ٹی آئی کی حکومت نے 2022میں ملک کو دیوالیہ کر دیا تھا، اسی لیے معیشت کو بچانے کے لیے پروگرام میں جانا پڑا، موجودہ حکومت کی کوشش ہے کہ آئی ایم ایف پروگرام کے باوجود عوام کو زیادہ سے زیادہ ریلیف دیا جائے۔
یہ بھی پڑھیں: وفاقی وزیر احسن اقبال کا چین کے سب سے بڑے اخبار ، پیپلز ڈیلی کے آن لائن ایڈیشن کو اہم انٹرویو
قطر پر اسرائیلی حملے کی مذمت کرتے ہوئے احسن اقبال نے کہا کہ یہ بین الاقوامی قوانین کی کھلی خلاف ورزی اور عالمی آرڈر کے منہ پر طمانچہ ہے، اسرائیل نے قطر ہی نہیں بلکہ ایران، فلسطین، عراق، شام اور اب یمن کو بھی نشانہ بنایا ہے۔
ان کا کہنا تھا کہ اقوام متحدہ اور سلامتی کونسل کو اس معاملے کا نوٹس لینا چاہیے جبکہ اسلامی سربراہی کانفرنس میں بھی اس مسئلے کا حل نکالا جانا ضروری ہے۔
انہوں نے کہا کہ پاکستان دہشت گردی کے خطرے سے دوچار ہے اور بھارت اپنی شکست کا بدلہ لینے کے لیے دہشت گردی کو فروغ دے رہا ہے۔ ان کے مطابق 2013 میں بھی بڑی دہشتگردی کا سامنا کیا مگر اسے فلش آؤٹ کر دیا گیا تھا۔
یہ بھی پڑھیں: وسائل محدود ہیں، ایک ہزار ارب روپے مالیت کے 118 منصوبے بند کررہے ہیں، احسن اقبال کا اعلان
انہوں نے عزم ظاہر کیا کہ دہشتگردوں اور ان کے سرپرستوں کو ہر حال میں کیفر کردار تک پہنچایا جائے گا۔ ان کا کہنا تھا کہ تحریک انصاف کی سابق حکومت نے دہشت گردوں سے مفاہمت کی اور انہیں دوبارہ پاکستان میں آباد کیا۔
وفاقی وزیر نے کرکٹ کے حوالے سے کہا کہ کھیل کھیل ہوتا ہے اور جو ٹیم بہتر کھیلے گی وہی کامیاب ہوگی۔ انہوں نے امید ظاہر کی کہ پاکستانی کھلاڑی بہترین کھیل کا مظاہرہ کریں گے اور بھارت کو شکست دیں گے۔
سیلابی صورتحال پر بات کرتے ہوئے احسن اقبال نے کہا کہ ملک اس وقت سنگین بحران سے گزر رہا ہے، وزیر اعظم شہباز شریف نے ہدایت دی ہے کہ اس معاملے کو آئی ایم ایف کے ساتھ اٹھایا جائے۔
یہ بھی پڑھیں: ’احسن اقبال رول ماڈل ہیں‘، استاد کو جھک کر ایوارڈ دینے کی ویڈیو پر صارفین کے تبصرے
انہوں نے مزید کہا کہ پنجاب میں مریم نواز کو کسانوں کے نقصان کے ازالے کی ہدایت کی گئی ہے جبکہ متاثرین کے گھروں کے نقصانات کے مداوے کے لیے بھی اقدامات کیے جا رہے ہیں، یہ بہت بڑا چیلنج ہے مگر حکومت عوام کی بحالی کے لیے ہر ممکن کوشش کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی ایم ایف احسن اقبال پاکستان پی ٹی آئی ملک دیوالیہ.
ذریعہ
ذریعہ: WE News
کلیدی لفظ: ا ئی ایم ایف احسن اقبال پاکستان پی ٹی ا ئی ملک دیوالیہ احسن اقبال نے کہا وفاقی وزیر ئی ایم ایف نے کہا کہ انہوں نے کے لیے
پڑھیں:
پی سی بی نے ڈومیسٹک سیزن میں بڑی تبدیلیوں کا اعلان کردیا
پاکستان کرکٹ بورڈ (پی سی بی) نے 2026-27 کے ڈومیسٹک سیزن کے شیڈول اور ڈھانچے میں اہم تبدیلیوں کا اعلان کردیا۔
تفصیلات کے مطابق پاکستان کرکٹ بورڈ (پی سی بی)نے ڈومیسٹک ڈھانچے میں تبدیلیوں کے لیے آئی سی سی ون ڈے ورلڈکپ کی تیاریوں کو ترجیح دی ہے۔
سیزن کا آغاز 11 اگست سے ملتان میں چار ٹیموں پر مشتمل ایک روزہ ’نیشنل چیمپئنز کپ‘ سے ہوگا جس میں ٹیموں کا انتخاب قومی سلیکشن کمیٹی کرے گی تاکہ ون ڈے فارمیٹ میں نئے ٹیلنٹ کا جائزہ لیا جا سکے۔
اس سیزن میں دو لسٹ اے ٹورنامنٹس منعقد کیے جائیں گے جن میں نیشنل چیمپئنز کپ کے بعد پریزیڈینٹ کپ کھیلا جائے گا۔
دوسری جانب ریجنل ٹیموں کی تعداد 18 سے بڑھا کر 20 کر دی گئی ہے کیونکہ سیالکوٹ اور پشاور کو دوسری ٹیم میدان میں اتارنے کی اجازت دے دی گئی ہے۔
قائداعظم ٹرافی کو بھی پہلی بار گولڈ اور سلور ڈویژن میں تقسیم کردیا گیا ہے۔
گولڈ ڈویژن میں آٹھ مضبوط ترین ٹیمیں جبکہ سلور ڈویژن میں 12 ٹیمیں حصہ لیں گی۔ دونوں ڈویژنز کا آغاز یکم نومبر سے ہوگا۔
ڈومیسٹک سیزن کا اختتام فروری اور مارچ میں کھیلے جانے والے نیشنل ٹی ٹوئنٹی کپ پر ہوگا جبکہ پی سی بی کے مطابق نئے شیڈول کا مقصد قومی کھلاڑیوں کو زیادہ معیاری مقابلے فراہم کرنا اور ورلڈ کپ سے قبل بہترین استعداد تیار کرنا ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم