منافع سمیٹنے کے بعد اسٹاک مارکیٹ میں بہتری، انڈیکس میں 950 پوائنٹس اضافہ
اشاعت کی تاریخ: 15th, September 2025 GMT
کئی روز سے منافع سمیٹنے کے بعد پاکستان اسٹاک ایکسچینج میں پیر کے روز ایک بار پھر خریداری کا رجحان دیکھنے میں آیا، جس کے باعث کے ایس ای 100 انڈیکس ابتدائی کاروباری اوقات میں 950 سے زائد پوائنٹس بڑھ گیا۔
صبح 10 بج کر 5 منٹ پر کے ایس ای-100 انڈیکس 950.22 پوائنٹس یعنی 0.62 فیصد اضافے کے ساتھ 155,389.90 پوائنٹس کی سطح پر ٹریڈ کر رہا تھا۔
یہ بھی پڑھیں:پاکستان اسٹاک ایکسچینج میں شدید مندی، انڈیکس 1,500 پوائنٹس گر گیا
کاروباری بینک، فرٹیلائزر، آئل اینڈ گیس ایکسپلوریشن کمپنیز، آئل مارکیٹنگ کمپنیز، پاور جنریشن اور ریفائنری سیکٹرز میں نمایاں خریداری دیکھی گئی۔
Market is up at midday ????
⏳ KSE 100 is positive by +507.
— Investify Pakistan (@investifypk) September 15, 2025
انڈیکس پر اثر انداز بڑے شیئرز، جن میں اے آر ایل، حبکو، ماری، پی او ایل، پی پی ایل، پی ایس او، وافی، ایچ بی ایل، این بی پی اور یو بی ایل شامل ہیں، سبز نشان میں ٹریڈ کر رہے تھے۔
مارکیٹ کے شرکا اسٹیٹ بینک آف پاکستان کی مانیٹری پالیسی کمیٹی کے اجلاس کے منتظر ہیں، جو آج پالیسی ریٹ پر فیصلہ کرے گا۔
رواں برس 30 جون کو منعقدہ گزشتہ اجلاس میں شرح سود 11 فیصد پر برقرار رکھا گیا تھا کیونکہ توانائی کی قیمتوں، خاص طور پر گیس ٹیرف میں غیر متوقع اضافے سے مہنگائی کے خدشات بڑھے تھے۔
مزید پڑھیں:اسٹاک ایکسچینج میں تیزی کا رجحان برقرار، انڈیکس پہلی مرتبہ 1,57,000 پوائنٹس سے تجاوز کرگیا
ماہرین کا خیال ہے کہ حالیہ سیلاب کی وجہ سے مہنگائی کے خدشات میں اضافے کے باعث آئندہ اجلاس میں بھی شرح سود کو برقرار رکھا جائے گا۔
گزشتہ ہفتے اسٹاک مارکیٹ میں اتار چڑھاؤ رہا، جہاں انڈیکس ریکارڈ سطح پر پہنچنے کے بعد منافع سمیٹنے کی وجہ سے واپس نیچے آگیا اور ہفتہ 154,440 پوائنٹس پر بند ہوا، یوں ہفتہ وار بنیاد پر صرف 163 پوائنٹس یعنی 0.1 فیصد اضافہ ریکارڈ کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
100 انڈیکس ایچ بی ایل این بی پی اے آر ایل پاکستان اسٹاک ایکسچینج پی پی ایل کے ایس ای گیس ٹیرف مانیٹری پالیسی کمیٹی مہنگائی وافی یو بی ایلذریعہ: WE News
کلیدی لفظ: 100 انڈیکس ایچ بی ایل این بی پی اے آر ایل پاکستان اسٹاک ایکسچینج پی پی ایل کے ایس ای گیس ٹیرف مانیٹری پالیسی کمیٹی مہنگائی وافی یو بی ایل اسٹاک ایکسچینج
پڑھیں:
سونے کی قیمت میں بڑی کمی، تاریخی اضافہ برقرار نہ رہ سکا
data-id="863a0a8" data-element_type="widget" data-widget_type="theme-post-content.default">
کراچی: گزشتہ روز سونے کی قیمت ملکی تاریخ کی بلند ترین سطح پر پہنچ گئی تھی تاہم آج اس میں نمایاں کمی ریکارڈ کی گئی۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 2400 روپے گر گئی جس کے بعد یہ 3 لاکھ 88 ہزار 600 روپے پر آ گئی ہے۔
ایسوسی ایشن کی رپورٹ کے مطابق 10 گرام سونے کا بھاؤ بھی 2058 روپے کم ہوا جس کے بعد نئی قیمت 3 لاکھ 33 ہزار 161 روپے مقرر کی گئی ہے۔ مقامی مارکیٹ میں قیمتوں میں یہ کمی عالمی سطح پر ہونے والی تبدیلیوں کے اثرات کے طور پر سامنے آئی ہے۔
عالمی مارکیٹ میں بھی سونے کی قیمت میں کمی دیکھنے میں آئی جہاں سونا 24 ڈالر سستا ہو کر 3668 ڈالر فی اونس پر ٹریڈ ہوا۔ ماہرین کے مطابق گزشتہ روز کے بڑے اضافے کے بعد مارکیٹ میں دباؤ کم ہوا ہے اور آج طلب و رسد کے فرق کے باعث قیمتیں نیچے آئی ہیں۔
واضح رہے کہ صرف ایک روز قبل سونے کی فی تولہ قیمت میں 4700 روپے کا اضافہ ہوا تھا جس کے بعد یہ 3 لاکھ 91 ہزار روپے کی بلند ترین سطح پر پہنچ گئی تھی۔ ماہرین کا کہنا ہے کہ عالمی معیشت میں غیر یقینی صورت حال اور کرنسی مارکیٹ میں اتار چڑھاؤ کے سبب آنے والے دنوں میں سونے کی قیمتوں میں مزید ردوبدل ممکن ہے۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام