سندھ پولیس فاؤنڈیشن کی جائیدادیں سیل، تاجروں کا شدید احتجاج
اشاعت کی تاریخ: 20th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپرورٹر)سندھ بھر میں پولیس فائونڈیشن کے دو ہزار کرایے داروں کو جائدادیں خالی کرنے کے نوٹسز، کراچی میں دو سو سے زائد اور اندرونِ سندھ کے دیگر شہروں میں بیشتر دکانیں آئی جی سندھ کے حکم پر علاقے کے تھانوں نے سیل کردیں، جائدادادوں کو ماضی میں سپریم کورٹ کے کسی فیصلے کی بنیاد پر سیل کیا گیا، کل تک دکانوں میں کاروبار کرنے والے تاجر آج فٹ پاتھوں پر دریاں بچھائے بے یار و مددگار بیٹھے ہیں، اس سلسلے میں آل کراچی تاجر اتحاد کے چیئرمین عتیق میر نے آئی جی سندھ کے دفتر پر متاثرہ کرائے داران کے ہمراہ ایک اپیل جمع کرواتے ہوئے پریس و میڈیا کو بتایا کہ یہ انتہائی سنگدلانہ اور بے رحمانہ فیصلہ ہے جس سے کم و بیش ایک لاکھ خاندان بے روزگار ہوکر فاقہ کشی کا شکار ہوجائینگے، انھوں نے کہا کہ متاثرین پولیس فائونڈیشن کے قانونی کرائے داران ہیں اور کوئی بھی کرائے دار کسی لاقانونیت کا مرتکب نہیں ہوا، عتیق میر نے کہا کہ سیل کی گئیں دکانیں پولیس فائونڈیشن کی آمدنی کا بھی اہم ذریعہ ہیں جس سے پولیس کے ضرورتمندوں، مستحقین اور شہداء کے پسماندگان کی بھی امداد کی جاتی ہے، انھوں نے چیف جسٹس آف پاکستان، گورنر سندھ، وزیر اعلیٰ سندھ اور آئی جی پولیس سندھ سے اپیل کرتے ہوئے کہا ہے کہ معاشی مشکلات، بے روزگاری، مہنگائی اور کاروباری تباہی کے اس حواس شکن موقع پر انسانی ہمدردی کی بنیاد پر سیل کی گئیں دکانوں کو کھلوایا جائے۔
.
ذریعہ: Jasarat News
پڑھیں:
کراچی، ایف بی ایریا میں شہری کی فائرنگ سے ڈاکو شدید زخمی، اسپتال منتقل
کراچی:شہر قائد میں ایف بی ایریا بلاک 16 میں واقع الائیڈ بینک کے قریب ایک شہری نے فائرنگ کر کے ایک ڈاکو کو شدید زخمی کر دیا۔
چھیپا ذرائع کے مطابق ڈاکو کی شناخت محمد ساجد ولد محمد دین، عمر 28 سال کے طور پر ہوئی ہے۔
شدید زخمی ہونے والے ڈاکو کو فوری طور پر چھیپا ایمبولینس کے ذریعے عباسی اسپتال منتقل کیا گیا جہاں اس کی حالت نازک بتائی جا رہی ہے۔ پولیس نے واقعے کی تحقیقات شروع کر دی ہیں۔
الیکشن کمیشن کےپاس اختیار نہیں کہ چیئرمین سینیٹ کے ریفرنس کےبغیر کسی رکن کو نااہل کرے، بیرسٹر گوہر