بابا گرو نانک کی برسی کی تقریبات، پہلے روز 2 ہزار سے زیادہ سکھ یاتریوں کی شرکت
اشاعت کی تاریخ: 20th, September 2025 GMT
سکھوں کے روحانی پیشوا بابا گرو نانک کی 486ویں برسی کے سلسلے میں کرتارپور میں جاری روحانی تقریبات کے پہلے روز پاکستان سمیت دنیا کے مختلف حصوں سے 2 ہزار سے زیادہ یاتری دربار پہنچے، جہاں انہوں نے مذہبی رسومات ادا کیں، ماتھا ٹیکا اور لنگر ہال میں مختلف روایتی پکوانوں سے لطف اندوز ہوئے۔
یہ بھی پڑھیں: بھارتی سکھ مذہبی آزادی سے محروم، مودی سرکار نے گرو نانک کے جنم دن پر یاترا روک دی
یاتریوں نے بھارتی یاتریوں کی غیر موجودگی پر افسوس کا اظہار کرتے ہوئے بھارتی حکومت سے مطالبہ کیا کہ وہ بھارتی سکھ عقیدت مندوں کو کرتارپور آنے کی اجازت دے تاکہ وہ بھی بابا گرو نانک کے درشن اور روحانی فیض حاصل کر سکیں۔
دربار بابا گرو نانک کی رونقیں ایک بار پھر لوٹ آئی ہیں۔ سیلابی صورتحال کے بعد دربار کی بحالی نے دنیا بھر کے سکھوں کے دل جیت لیے ہیں۔
یاتریوں کا کہنا تھا کہ وہ دربار کی پرانی حالت بحال ہونے کا بے صبری سے انتظار کر رہے تھے اور اب اصل سے بھی زیادہ خوبصورتی اور رنگا رنگ روشنیوں سے مزین کرتارپور دربار کو دیکھ کر خوشی سے سرشار ہیں۔
سندھ اور بیرونِ ملک سے آنے والے یاتریوں نے دربار میں حاضری کو اپنے لیے باعثِ سعادت قرار دیا اور حکومتِ پاکستان کے انتظامات کو سراہتے ہوئے کہاکہ کرتارپور کی بحالی اور سہولیات کی فراہمی مثالی ہے۔
یہ بھی پڑھیں: گرو نانک کے 555 ویں جنم دن کے موقع پر یادگاری سکہ جاری
انہوں نے اس روحانی مقام کی خوبصورتی، امن و آشتی کے پیغام اور عقیدت کے ماحول کو خراج تحسین پیش کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بابا گرونانک جنم دن کی تقریبات حکومت پاکستان روحانی پیشوا وی نیوز یاتری.ذریعہ: WE News
کلیدی لفظ: جنم دن کی تقریبات حکومت پاکستان روحانی پیشوا وی نیوز یاتری
پڑھیں:
بابا گرو نانک کا پیغام محبت، ہمدردی اور بھائی چارے پر مبنی ہے، وزیراعلیٰ پنجاب مریم نواز شریف
وزیراعلیٰ پنجاب مریم نواز شریف نے بابا گرو نانک دیو جی کے جنم دن کے موقع پر دنیا بھر کی سکھ برادری کو دلی مبارکباد اور نیک خواہشات پیش کی ہیں۔
اپنے پیغام میں وزیراعلیٰ نے کہا کہ بابا گرو نانک صاحب انسانیت، محبت، اخوت اور رواداری کے علمبردار تھے جن کی تعلیمات آج بھی ایک پُرامن اور ہم آہنگ معاشرے کی بنیاد فراہم کرتی ہیں۔
مریم نواز شریف نے کہا کہ بابا گرو نانک نے ایک دوسرے کے دکھ سکھ بانٹنے، ہمدردی، صبر اور انسان دوستی کا درس دیا۔
مزید پڑھیں: وزیراعظم شہباز شریف کا بابا گرو نانک دیو جی کے 556ویں یومِ ولادت پر سکھ برادری کے نام خیرسگالی کا پیغام
انہوں نے کہا کہ پنجاب کے تمام شہریوں کے لیے مساوی حقوق اور سہولتوں کی فراہمی حکومت کی اولین ترجیح ہے، چاہے ان کا تعلق کسی بھی مذہب یا عقیدے سے ہو۔
وزیراعلیٰ نے سکھ برادری کو پنجاب آمد پر ’جی آیاں نوں‘ کہتے ہوئے کہا کہ بابا گرو نانک کے جنم دن کی تقریبات میں سکھ یاتریوں کو بہترین سہولیات فراہم کی جا رہی ہیں۔
ان کا کہنا تھا کہ گوردواروں کی دیکھ بھال، تزئین و آرائش اور سیکیورٹی کے انتظامات کو خصوصی اہمیت دی گئی ہے تاکہ زائرین اپنے مذہبی فریضے اطمینان اور سہولت کے ساتھ ادا کر سکیں۔
مزید پڑھیں: بابا گرو نانک جنم دن تقریبات: وزیراعلیٰ پنجاب مریم نواز کا سکھ یاتریوں کا خیر مقدم
انہوں نے مزید کہا کہ مل جل کر ہمیں اپنی پاک سرزمین کو امن، آشتی اور رواداری کی مثال بنانا ہے۔ وزیراعلیٰ نے گزشتہ سال کرتارپور میں بیساکھی میلے میں اپنی شرکت کو یادگار قرار دیتے ہوئے کہا کہ یہ پاکستان میں بین المذاہب ہم آہنگی کی ایک روشن مثال تھی۔
مریم نواز شریف نے آخر میں کہا کہ بابا گرو نانک کا پیغام محبت، ہمدردی اور بھائی چارے پر مبنی ہے، جو آج بھی پوری انسانیت کے لیے روشنی کا مینار ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابا گرو نانک جنم دن سکھ برادری وزیراعلیٰ پنجاب مریم نواز شریف
بند کمروں کے فیصلے مسلط نہیں کیے تو وفاق کیساتھ تعاون کرینگے: سہیل آفریدی