معرکہ حق جلسہ: راولاکوٹ ’پاکستان اور پاک فوج زندہ باد‘ کے نعروں سے گونج اٹھا
اشاعت کی تاریخ: 21st, September 2025 GMT
آزاد کشمیر کے ضلع راولا کوٹ کے صابر شہید اسٹیڈیم میں ’معرکہ حق بنیان مرصوص‘ کے عنوان سے عظیم الشان جلسہ عام منعقد ہوا، جس میں وزیراعظم آزاد کشمیر چوہدری انوار الحق نے خطاب کرتے ہوئے اتحاد و اتفاق کی ضرورت پر زور دیا اور عوامی مسائل کے حل کے لیے سنجیدہ اقدامات کا اعلان کیا۔
جلسے میں وزرائے حکومت، سابق وزرائے اعظم، سیاسی و مذہبی رہنما، سول سوسائٹی، اور عوام کی بڑی تعداد نے شرکت کی۔ جلسہ گاہ ’پاکستان زندہ باد‘ اور ’پاک فوج زندہ باد‘ کے فلک شگاف نعروں سے گونجتی رہی۔
یہ بھی پڑھیں: راولاکوٹ میں معرکہ حق جلسہ: پاکستان سعودیہ دفاعی معاہدے کے بعد بھارت میں صف ماتم بچھ گئی، وزیراعظم آزاد کشمیر
وزیراعظم آزاد کشمیر نے جلسے سے خطاب میں پونچھ کے عوام کی محرومیوں کے ازالے کے لیے ایک ارب روپے کے ترقیاتی پیکج کا اعلان کیا۔ ان کا کہنا تھا کہ یہ پیکج اتحادی حکومت کی مکمل حمایت اور تعاون کا نتیجہ ہے۔
میں پاکستان کی تمام سیاسی قیادت وزیراعظم شہباز شریف اور فیلڈ مارشل سید عاصم منیر کو سعودی عرب کے ساتھ تاریخی دفاعی معاہدہ کرنے پر پوری کشمیری قوم اور قیادت کی طرف سے مبارکباد پیش کرتا ہوں ،وزیراعظم آزاد کشمیر چوہدری انوارالحق pic.
— WE News (@WENewsPk) September 21, 2025
چوہدری انوارالحق نے کہاکہ آزاد کشمیر کے عوام ہمیشہ افواجِ پاکستان کے شانہ بشانہ کھڑے رہے ہیں۔ ہمیں قابض افواج اور محافظ افواج کے فرق کو واضح طور پر سمجھنا ہوگا۔
انہوں نے کہا کہ پاک فوج نے حالیہ دنوں میں لیپہ سیکٹر میں بھارتی جارحیت کا منہ توڑ جواب دیا، جو ہماری بہادری اور مستعدی کا ثبوت ہے۔
وزیراعظم نے سعودی عرب اور پاکستان کے درمیان دفاعی معاہدے پر وزیراعظم پاکستان اور آرمی چیف فیلڈ مارشل سید عاصم منیر کو کشمیری عوام کی جانب سے مبارکباد بھی پیش کی اور کہا کہ اس معاہدے سے پاکستان کا عالمی سطح پر اثر و رسوخ بڑھے گا اور مسئلہ کشمیر کو مزید پذیرائی حاصل ہوگی۔
انہوں نے اس پر طنزیہ انداز میں کہا کہ بھارت کے تجزیہ کاروں پر موت کی سفیدی چھا گئی ہے۔
انہوں نے فلسطینی عوام کا ذکر کرتے ہوئے کہاکہ بدقسمتی سے ان کے پیچھے پاکستان جیسی مضبوط فوج موجود نہیں، مگر کشمیری عوام خوش قسمت ہیں کہ انہیں ایسی دفاعی قوت حاصل ہے جس نے ہمیشہ دشمن کو منہ توڑ جواب دیا۔
جلسے میں سابق وزرائے اعظم سردار عتیق احمد، سردار یعقوب، راجا فاروق حیدر اور سردار تنویر الیاس کے علاوہ پاکستان مسلم لیگ (ن) آزاد کشمیر کے صدر شاہ غلام قادر، پاکستان پیپلز پارٹی کے صدر چوہدری یاسین، جموں و کشمیر پیپلز پارٹی کے صدر سردار حسن ابراہیم، موسٹ سینیئر وزیر کرنل ریٹائرڈ وقار احمد نور، فیصل ممتاز راٹھور، جاوید اقبال بڈھانوی، سردار عامر الطاف، جاوید بٹ سمیت کئی اہم سیاسی شخصیات بھی موجود تھیں۔
یہ بھی پڑھیں: پاکستان ہمارا محافظ، آزاد کشمیر میں افراتفری پیدا کرنے کی کوئی گنجائش نہیں، سردار عتیق
جلسے میں عوام کی جانب سے افواجِ پاکستان کو ’معرکہ حق‘ میں کامیابی پر زبردست خراج تحسین پیش کیا گیا اور اتحاد و یگانگت کے عزم کا اعادہ کیا گیا۔
وزیراعظم آزاد کشمیر نے اپنے خطاب کے آخر میں کہاکہ پاکستان سے ہماری محبت اور وفا غیر مشروط ہے، اور یہ تعلق ہمیشہ قائم و دائم رہے گا۔ دشمن اگر پھر آیا تو ہم اندر گھس کر ماریں گے۔ ہمیں ہر سازش کو سمجھنا اور اس کا متحد ہو کر مقابلہ کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاک فوج زندہ باد پاکستان زندہ باد چوہدری انوارالحق معرکہ حق جلسہ نعروں کی گونج وزیراعظم آزاد کشمیر وی نیوز
ذریعہ
ذریعہ: WE News
کلیدی لفظ: پاک فوج زندہ باد پاکستان زندہ باد چوہدری انوارالحق معرکہ حق جلسہ نعروں کی گونج وی نیوز معرکہ حق عوام کی پاک فوج
پڑھیں:
سندھ میں 20 لاکھ گھروں کی تعمیر کو ممکن بنائیں گے:بلاول بھٹو کا گلگت جلسے سے خطاب
سٹی 42: گلگت بلتستان انتخابات کے سلسلے میں اسکردو میں پاکستان پیپلز پارٹی کے جلسے سے چیئرمین پاکستان پیپلز پارٹی بلاول بھٹو زرداری نے خطاب کرتے ہوئے کہا کہ سندھ میں 20 لاکھ گھروں کی تعمیر کا منصوبہ دنیا کا سب سے بڑا ہاؤسنگ پراجیکٹ ہے، جبکہ حقیقی ترقی امیروں کو مزید مراعات دینے کے بجائے غریبوں کو روزگار اور مواقع فراہم کرنے سے ممکن ہے۔
بلاول بھٹو زرداری نے کہا کہ گلگت بلتستان کے عوام کو ان کے آئینی اور جمہوری حقوق دینا ملکی ترقی کے لیے ناگزیر ہے۔ انہوں نے اعلان کیا کہ پیپلز پارٹی گلگت بلتستان کو 18ویں ترمیم جیسے اختیارات دینے کی حامی ہے اور اسلام آباد کو یہاں کے عوام کے حقِ ملکیت کو تسلیم کرنا ہوگا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
چیئرمین پیپلز پارٹی نے کہا کہ تھر کول منصوبے میں 80 فیصد ملازمتیں مقامی افراد کو دی گئیں، جو ان کی جماعت کے عوام دوست وژن کا عملی ثبوت ہے۔ انہوں نے دعویٰ کیا کہ گلگت بلتستان کے دوروں کے حوالے سے وہ دیگر تمام سیاسی رہنماؤں سے زیادہ مرتبہ یہاں آ چکے ہیں۔
خطاب کے دوران بلاول بھٹو زرداری نے ملکی دفاعی صلاحیتوں کا ذکر کرتے ہوئے کہا کہ پاکستان کا ایٹمی پروگرام شہید ذوالفقار علی بھٹو کی قیادت میں شروع ہوا جبکہ میزائل پروگرام کو شہید محترمہ بینظیر بھٹو نے آگے بڑھایا۔ انہوں نے کہا کہ سابق صدر آصف علی زرداری نے پاکستان میں غیر ملکی فوجی اڈوں کی موجودگی کا خاتمہ کیا تھا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
سماجی بہبود کے حوالے سے انہوں نے کہا کہ بے نظیر انکم سپورٹ پروگرام کو ہر صورت محفوظ رکھا جائے گا اور آئندہ بجٹ میں اس پروگرام کے فنڈز میں اضافے کی کوشش کی جائے گی۔ ان کے مطابق پیپلز پارٹی غریب اور پسماندہ طبقات کی نمائندہ جماعت ہے اور عوامی فلاح کے منصوبوں کو جاری رکھے گی۔
علاقائی اور عالمی صورتحال پر گفتگو کرتے ہوئے بلاول بھٹو زرداری نے کہا کہ خطے میں جاری کشیدگی اور جنگوں کے اثرات پوری مسلم دنیا اور عالمی معیشت پر مرتب ہو رہے ہیں۔ انہوں نے امن کے قیام کی ضرورت پر زور دیتے ہوئے امید ظاہر کی کہ جنگوں کے خاتمے اور استحکام کے لیے جاری سفارتی کوششیں کامیاب ہوں گی۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
انہوں نے کہا کہ پیپلز پارٹی ہمیشہ امن، جمہوریت اور عوامی حقوق کی سیاست پر یقین رکھتی ہے اور آئندہ بھی عوام کے مفادات کے تحفظ کے لیے اپنا کردار ادا کرتی رہے گی۔
بلاول بھٹو زرداری نے کہا کہ آپ نے فیصلہ کرنا ہے ، عوام دوست یا عوام دشمن حکومت بنانی ہے ،ہماری غریب دوست اور ان کی عوام دشمن سیاست ہے ، میں نے سیلاب متاثرہ عوام کے لیے گھر بنا کر دیکھائے ۔ انھوں نے کہا کہ ہماری کوشش ہوتی ہے کہ زیادہ سے زیادہ لوگوں کو روزگار دیں ،دوسری جماعتوں کی کوشش ہوتی ہے کہ کیسے لوگوں کو بے روز گار کریں ۔
آزاد کشمیر:تعلیمی اداروں میں گرمیوں کی چھٹیوں کا اعلان
گلگت بلتستان میں انتخابی مہم کے سلسلے میں اسکردو میں جلسے سے خطاب کرتے ہوئے چیئرمین پاکستان پیپلز پارٹی بلاول بھٹو زرداری نے کہا کہ پاکستان کی دفاعی طاقت کی بدولت آج کوئی بھی ملک پاکستان کی جانب میلی آنکھ سے دیکھنے کی جرات نہیں کر سکتا۔ انہوں نے کہا کہ شہید ذوالفقار علی بھٹو نے قوم کو ایٹمی پروگرام کا تحفہ دیا، جبکہ شہید محترمہ بینظیر بھٹو نے میزائل پروگرام کو آگے بڑھایا اور ملکی دفاع کو مزید مضبوط بنایا۔
لاہور بورڈ کا بڑا فیصلہ، داخلہ فارم مکمل طور پر آن لائن کرنے کی تجویز
بلاول بھٹو زرداری نے سابق فوجی حکومت پر تنقید کرتے ہوئے کہا کہ مشرف دور میں غیر ملکی طاقتوں کو پاکستان کی سرزمین پر اڈے قائم کرنے کی اجازت دی گئی تھی، تاہم سلالہ واقعے کے بعد صدر آصف علی زرداری نے ایسے تمام اڈوں کو بند کروا کر غیر ملکی افواج کو واپس بھیج دیا۔ چیئرمین پیپلز پارٹی نے کہا کہ ان کی جماعت پاکستان کو ہر شعبے میں مضبوط اور خودمختار دیکھنا چاہتی ہے۔ ان کے بقول پاکستان پیپلز پارٹی واحد سیاسی جماعت ہے جو ملک کو مزید مستحکم اور عوامی فلاح کی راہ پر گامزن کر سکتی ہے۔
انہوں نے کہا کہ پیپلز پارٹی نے ہمیشہ عوام کو معاشی ریلیف فراہم کرنے کے لیے اقدامات کیے ہیں اور اسی سوچ کے تحت بے نظیر انکم سپورٹ پروگرام (بی آئی ایس پی) متعارف کرایا گیا، جس کے ذریعے غریب اور مستحق خاندانوں کو مالی معاونت فراہم کی جاتی ہے۔ بلاول بھٹو زرداری نے کہا کہ بی آئی ایس پی اسلام آباد یا کسی ایک علاقے کا نہیں بلکہ پورے پاکستان کے عوام کا پروگرام ہے، تاہم بعض سیاسی عناصر اسے ختم کرنے کی کوشش کرتے رہتے ہیں۔
انہوں نے اعلان کیا کہ چاہے گلگت بلتستان کے انتخابات میں پیپلز پارٹی کے امیدوار کامیاب ہوں یا نہ ہوں، وزیراعظم آئندہ بجٹ میں بے نظیر انکم سپورٹ پروگرام کے فنڈز میں اضافے کا اعلان کریں گے تاکہ زیادہ سے زیادہ مستحق افراد کو ریلیف فراہم کیا جا سکے،انہوں نے اس عزم کا اظہار کیا کہ پیپلز پارٹی آئندہ بھی عوامی فلاح، معاشی استحکام اور قومی خودمختاری کے لیے اپنی جدوجہد جاری رکھے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ