سکھر ،سوئٹ ہوم کے زیراہتمام سیرت النبی کانفرنس کا انعقاد
اشاعت کی تاریخ: 23rd, September 2025 GMT
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت) جشن ولادت با سعادت آقائے دو جہاں حضرت محمد مصطفیﷺکی نسبت سے پاکستان سوئٹ ہوم سکھر کے مقیم فرشتوں اور پریوں کے زیر اہتمام سوئٹ ہوم میں پروقار سیرت النبی کانفرنس منعقد ہوئی، جس میں سوئٹ ہوم سکھر کے فرشتوں اور پریوں کے علاوہ مہمانانِ گرامی کمشنر سکھر ڈویژن عابد سلیم قریشی، معروف عالم دین مفتی محمد ابراہیم قادری، پروفیسر سکھر آئی بی اے یونیورسٹی غلام حسین منگنہار، اسسٹنٹ کمشنر سکھر سٹی ثوبیہ فلک راؤ اور ریسکیو 1122 کے کرنل غلام مصطفیٰ اوڈھو اور دیگر نے بھی شرکت کی۔ پاکستان سوئٹ ہوم سکھر کے فرشتوں، پریوں اور منتظم سوئٹ ہوم و اسسٹنٹ ڈائریکٹر پاکستان بیت المال سکھر شبیر میمن اور اساتذہ نے مہمانوں کو اس با سعادت موقع پر خوش آمدید کہا۔ اس موقع پر اظہارِ خیال کرتے ہوئے کمشنر سکھر ڈویڑن عابد سلیم قریشی نے کہا کہ آقائے نامدار حضرت محمد مصطفیٰ صلی اللہ علیہ وآلہ وسلم کی نسبت سے سجائی گئی محفل میں شرکت میرے لیے باعث سعادت ہے، انہوں نے کہا کہ سیرت طیبہ تمام انسانوں کے لیے مشعل راہ ہے، اور یہ امت مسلمہ کی خوش نصیبی ہے کہ وہ دنیا کی سب سے عظیم ہستی کی سیرت طیبہ کے علم کے امین ہیں، لیکن بدقسمتی سے سیرت طیبہ سے جو سبق ملتا ہے، اس سے ہمارے یہاں استفادہ حاصل کرنے میں فقدان پایا گیا ہے۔ کمشنر سکھر نے اس خواہش کا اظہار کیا کہ کاش ہم اپنی نسلوں کی کردار سازی سیرت طیبہ کے عین مطابق کر سکیں، وہ سیرت کہ جس میں یتیموں کا سہارا بننے کا سبق، بچوں سے شفقت، بڑوں کا ادب، حصول علم، صلح رحمی، عدل، مساوات، بھائی چارے اور دیانت و اخوت کا سبق پنہان ہے۔ اس پر مسرت موقع پر منتظم پاکستان سوئٹ ہوم و اسسٹنٹ ڈائریکٹر بیت المال سکھر شبیر میمن، معروف عالم دین مفتی محمد ابراہیم قادری، سکھر آئی بی اے یونیورسٹی کے پروفیسر غلام حسین منگنہار، اسسٹنٹ کمشنر سکھر سٹی ثوبیہ فلک راؤ اور ریسکیو 1122 کے کرنل غلام مصطفیٰ اوڈھو نے بھی سیرت طیبہ کی اہمیت و افادیت اور سیرت طیبہ کو روزمرہ زندگی میں اپنانے پر روشنی ڈالی۔ کانفرنس میں پاکستان سوئٹ ہوم سکھر کے فرشتوں اور پریوں نے اپنی خوبصورت آواز میں نعت پیش کیں اور سیرت طیبہ پر مبنی اشعار سنائے، جبکہ بچوں میں سیرت پر مبنی تقریری مقابلہ بھی منعقد ہوا، حاضرین محفل نے خوبصورت محفل سجانے پر بچوں کی حوصلہ افزائی کی اور انعامات تقسیم کیے۔
ذریعہ: Jasarat News
کلیدی لفظ: پاکستان سوئٹ ہوم سوئٹ ہوم سکھر کے کمشنر سکھر
پڑھیں:
جشن میلاد النبی کے بابرکت مہینےکی مناسبت سےپاکستانی سفارت خانہ واشنگٹن ڈی سی میں محفل میلاد کا انعقاد
واشنگٹن(نیوز ڈیسک) ربیع الاول کے بابرکت مہینے میں عید میلاد النبی ﷺ کی مناسبت سے سفارت خانہ پاکستان واشنگٹن ڈی سی میں محفل میلاد کا انعقاد کیا گیا۔حسبِ روایت محفل کا انعقاد امریکہ میں سفیر پاکستان رضوان سعید شیخ کی زوجہ محترمہ لبنی رضوان کی جانب سے کیا گیا۔ درودو سلام اور شانِ نبی ﷺ میں نعیتہ کلام پر مبنی اس بابرکت محفل میں امریکہ میں مقیم پاکستانی کمیونٹی سے تعلق رکھنے والی خواتین نے بڑی تعداد میں شرکت کی ۔
تقریب کے آغاز میں محترمہ لبنیٰ رضوان نے شرکاء کو خوش آمدید کہتے ہوئے کہا کہ ربیع الاول کا مقدس و بابرکت موقع ہمیں ہمارے پیارے نبی، حضرت محمد ﷺکی ولادت باسعادت کی یاد دلاتا ہےجن کی زندگی رحمت، محبت، اور ہدایت کا روشن مینار ہے۔
انہوں نے کہا کہ ربیع الاول کے موقع پر پاکستانی سفارت خانے میں ایسی بابرکت محفل کا انعقاد نہ صرف ہمیں آنحضورﷺ کی شان ِ اقدس میں درود و سلام پیش کرنے کا موقع فراہم کرتا ہے بلکہ آپ ﷺ کی ذاتِ اقدس کے مختلف پہلوؤں کو اجاگر کرنے کی سعادت بھی عطا کرتا ہے تاکہ ہم اپنی روز مرہ کی زندگیوں کو ان سنہری اصولوں کے مطابق ڈھال سکیں ۔
شرکاء سے مخاطب ہوتے ہوئے بیگم لبنیٰ رضوان نے کہا کہ بحیثیت تارکین وطن ہم پر دہری ذمہ داری عائد ہوتی ہے۔ “جہاں ایک طرف ہم نے اپنے دین، اپنے وطن اور اپنی تہذیب و تمدن کی حفاظت کرنی ہے وہاں ہم نے اپنے طرزِ عمل سے یہ بھی ثابت کرنا ہے کہ ہم واقعی اس نبی کریم ﷺ کے امتی ہیں جو ہر لحاظ سے بالا و افضل ہیں۔ ”
انہوں نے کہا آج کی اس متبرک محفل میں ہم اس سال مئی کے مہینے میں اللہ تعالی اور اس کے رسول ﷺ کی خاص مہربانی سے حاصل ہونے والی معرکہ حق میں فتح پر بھی تشکر کے جذبات کا عاجزانہ نذرانہء عقیدت پیش کرتے ہیں۔
اس موقع پر محترمہ زہرا نورانی، محترمہ راحیلہ فردوس، الماس آصف، انیلہ ، عظمیٰ ولی، نیئر نقوی ، تسنیم رئیس ،تہمینہ علی اور محترمہ طیبہ نے آنحضور ﷺ کی شان میں اپنے کلام اور نعتیہ اشعار کی صورت میں نذرانہ عقیدت پیش کیا ۔
محفل کا اختتام وطن عزیز کی سربلندی اور حالیہ سیلاب سے متاثرہ افراد کے لئے خصوصی دعا پر کیا گیا۔
ایجادات کرنے والے ممالک کی فہرست جاری، جانئے پاکستان کا کونسا نمبر ہے؟