شام میں 5 اکتوبر کو پارلیمانی انتخابات کا اعلان
اشاعت کی تاریخ: 23rd, September 2025 GMT
data-id="863a0a8" data-element_type="widget" data-widget_type="theme-post-content.default">
دمشق (انٹرنیشنل ڈیسک) شام میں بشار الاسد حکومت کے خاتمے کے بعد پہلی بار پارلیمانی انتخابات کرانے کا اعلان کردیا گیا ۔ شام کی ہائر کمیٹی برائے انتخابات نے بتایا کہ عوامی اسمبلی کے لیے ووٹنگ 5 اکتوبر کو تمام انتخابی اضلاع میں ہوگی۔ کمیٹی کے مطابق پارلیمان کی 210نشستوں میں سے ایک تہائی نشستوں پر ارکان کو عبوری صدر احمد الشرع نامزد کریں گے۔ الیکشن کمیشن کی طرف سے کہا گیا ہے کہ سال کے شروع میں جاری کردہ اعلامیے پر عمل کرتے ہوئے 5 اکتوبر کو عبوری پارلیمان کے انتخاب کا عمل مکمل کیا جائے گا۔ یاد رہے شام کی عوامی اسمبلی کو 8 دسمبر کو بر سر اقتدار آنے والی نئی حکومت نے تحلیل کر دیا تھا۔ یہ حکومت بشارالاسد کا تختہ الٹنے کے بعد وجود میں آئی تھی۔ نئی حکومت نے اعلان کیا تھا کہ نئی مقننہ 210 ارکان پر مشتمل ہوگی ،جو 5سال کے لیے ہوگی۔پارلیمان کے 140 رکان کو مقامی کمیٹیاں نامزد کریں گی۔ جبکہ بقیہ 70 کو براہ راست صدر احمد الشرع نامزد کریں گے۔ شام کے الیکشن کمیشن نے ٹیلی گرام چینل پر پوسٹ کیے گئے ایک بیان میں کہا ہے نامزدگیوں کا یہ عمل 5 اکتوبر کو صوبوں کے لیے قائم کردہ انتخابی اضلاع میں ہوگا ۔تاہم حکومت کے اعلان کے مطابق دروز کی اکثریت والے صوبے سویدا اور کردوں کے زیر قبضہ علاقوں رقہ اور ہساکے میں انتخابی عمل مؤخر رہے گا۔ یہ تاخیر سیکورٹی کی وجوہات سے کی جا رہی ہے۔ مارچ میں منظور کردہ آئینی اعلامیے کے مطابق عبوری پارلیمان کے پاس 30 ماہ کا قابل تجدید مینڈیٹ ہوگا۔ یہ پارلیمان اس وقت تک کام کرے گی جب تک ملک میں انتخابی عمل مکمل نہیں ہوجاتا۔ نئی پارلیمان سے پہلے ملکی آئین کی بھی ترتیب نو کی جائے گی۔یاد رہے کہ گزشتہ سال دسمبر میں طویل خانہ جنگی کے بعد مزاحمت کاروں نے دمشق سمیت مختلف شہروں پر قبضہ کر کے بشار الاسد کی حکومت کا تختہ الٹ دیا تھا، جس کے بعد بشار الاسد ملک سے فرار ہوگئے تھے۔ان کے بعد مزاحمت کاروں کی تنظیم تحریر الشام کے سربراہ ابو محمد جولانی نے اعلان کیا تھا کہ پرامن انتقالِ اقتدار تک سابق وزیراعظم محمد غازی الجلالی ریاستی اداروں کو چلائیں گے۔
ذریعہ
ذریعہ: Jasarat News
پڑھیں:
اے جی پی آر کا کلیمز جمع کرانے کی آخری تاریخ کا اعلان
تصویر، فیس بکاکاؤنٹنٹ جنرل آف پاکستان ریونیو (اے جی پی آر) نے مالی سال 26-2025 کی ادائیگیوں کے کلیمز جمع کرانے کی آخری تاریخ کا اعلان کردیا۔
اے جی پی آر کے اعلامیے کے مطابق تمام ڈرائینگ اور ڈسبرسنگ آفیسرز کو حالیہ کلیمز 12 جون تک جمع کرانا ہوں گے۔
اعلامیے کے مطابق 12 جون 2026ء تک جاری کردہ ٹوکنز پر تمام غیرمنظور شدہ بلوں کو دوبارہ جمع کرانے کی تاریخ 15 جون ہوگی۔
اعلامیے کے مطابق اے جی پی آر اسلام آباد اور ذیلی دفاتر کےاسائنمنٹ اکاؤنٹس کےلیے ریلیز جمع کرانے کی آخری تاریخ 19 جون ہوگی۔
اے جی پی آر کے اعلامیے کے مطابق 12 جون 2026ء کے بعد اعزازیہ کا کوئی کلیم قبول نہیں کیا جائے گا۔ موجودہ مالی سال سے متعلق تنخواہ کے چیک رواں مالی سال کے اختتام پر زائد المعیاد ہوجائیں گے۔
اے جی پی آر کے اعلامیے کے مطابق 30 جون 2026ء کے بعد موجودہ مالی سال کےلیے کوئی متبادل چیک جاری نہیں کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ