بھارتی ریاست بہار میں اسمبلی انتخابات کا آغاز، پہلے مرحلے میں 28 فیصد ووٹنگ مکمل
اشاعت کی تاریخ: 6th, November 2025 GMT
بھارتی ریاست بہارکی اسمبلی کے اہم اور فیصلہ کن انتخابات جمعرات کے روز شروع ہوگئے ہیں، جہاں پہلے مرحلے میں صبح 11 بجے تک تقریباً 28 فیصد ووٹروں نے اپنا حقِ رائے دہی استعمال کیا۔
ریاست کی 243 نشستوں میں سے 121 پر ووٹنگ جاری ہے، جو حکمران اتحاد نیشنل ڈیموکریٹک الائنس اور دوبارہ اُبھرنے والے مہاگٹھ بندھن کے درمیان سخت مقابلے کی صورت اختیار کر چکی ہے۔
VOTE CHORI ALERT ????????
Approximately 8 million voters are missing in Bihar after the SIR, and the Election Commission claims the election will be fair.
The Election Commission has prepared the ground for a BJP victory.
– @_YogendraYadav pic.twitter.com/BzeOAqQtY5
— Ravinder Kapur. (@RavinderKapur2) November 1, 2025
پہلے مرحلے میں کئی وزرا کے ساتھ ساتھ راشٹریہ جنتا دل کے رہنما تیجسوی یادو اور ان کے علیحدہ ہونے والے بھائی تیج پرتاپ یادو کی قسمت کا فیصلہ بھی بیلٹ باکس میں بند ہو جائے گا۔
انتخابی حکمتِ عملی ساز سے سیاست دان بننے والے پرشانت کشور کی پارٹی ’جن سوراج‘ کو اس مقابلے کا ’ایکس فیکٹر‘ قرار دیا جا رہا ہے، جس نے انتخابی ماحول میں مزید دلچسپی اور غیر یقینی پیدا کر دی ہے۔
یہ بھی پڑھیں: بھارتی انتخابات میں برازیلی خاتون نے سیما، سویٹی، سرسوتی، رشمی اور ولما کے نام سے 22 ووٹ ڈالے، اہم انکشاف
الیکشن حکام کے مطابق بیگوسرائے ضلع میں سب سے زیادہ 30.37 فیصد ووٹنگ ہوئی، جب کہ پٹنہ میں سب سے کم 23.71 فیصد ریکارڈ کی گئی۔
وزیراعلیٰ نتیش کمار نے ضلع پٹنہ میں واقع اپنے آبائی شہر بختیارپور میں ووٹ ڈالا، جہاں وہ بطور ووٹر رجسٹرڈ ہیں۔ ان کے والد، مرحوم کوی راج رام لچھن سنگھ، اسی علاقے میں آیورویدک معالج تھے۔
نتیش کمار نے ووٹ ڈالنے کے بعد عوام سے اپیل کی کہ جمہوریت میں ووٹ دینا صرف ہمارا حق نہیں، بلکہ ہماری ذمہ داری بھی ہے۔
’بہار اسمبلی انتخابات کے پہلے مرحلے کی پولنگ جاری ہے، تمام ووٹرز سے گزارش ہے کہ اپنے ووٹ کا استعمال کریں۔ پہلے ووٹ دیں، بعد میں ناشتہ کریں۔‘
مزید پڑھیں:بھارتی صحافی رعنا ایوب اور ان کے والد کو قتل کی دھمکیاں موصول
انہوں نے ووٹ ڈالنے کے بعد سیاہی لگی انگلی میڈیا کے نمائندوں کو دکھائی، جو پولنگ اسٹیشن کے باہر اس لمحے کو محفوظ کرنے کے لیے موجود تھے۔
دوسری جانب راشٹریہ جنتا دل کے صدر لالو پرساد یادو، ان کی اہلیہ رابڑی دیوی، چھوٹے بیٹے تیجسوی پرساد یادو، اور بہو راجشری یادو نے بھی پٹنہ میں اپنے ووٹ ڈالے۔
مزید پڑھیں: بھارتی جعلی سائنسدان کا ایران کو ایٹمی منصوبہ فروخت کرنے کی کوشش کا انکشاف
لالو پرساد یادو نے سماجی رابطے کی ویب سائٹ ایکس پر پیغام جاری کرتے ہوئے کہا کہ توے پر روٹی پلٹتے رہنی چاہیے، ورنہ جل جائے گی۔
’بیس سال بہت ہو گئے۔ اب نوجوان حکومت اور نئے بہار کے لیے تیجسوی کی حکومت ناگزیر ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انتخابی ماحول ایکس فیکٹر بھارتی ریاست بہار بیلٹ باکس حکمت عملی حکمراں اتحاد مہاگٹھ بندھن نیشنل ڈیموکریٹک الائنسذریعہ: WE News
کلیدی لفظ: انتخابی ماحول ایکس فیکٹر بھارتی ریاست بہار بیلٹ باکس حکمت عملی حکمراں اتحاد پہلے مرحلے نے ووٹ
پڑھیں:
مالی سال کے پہلے 4 ماہ، تجارتی خسارے میں 38 فیصد کا ریکارڈاضافہ
اسلام آباد:(نیوز ڈیسک)رواں مالی سال 26-2025 کے پہلے چار ماہ(جولائی تا اکتوبر) میں تجارتی خسارے میں 38 فیصد اضافہ ریکارڈ کیا گیا اور گزشتہ سال کے مقابلے میں تجارتی خسارہ 3 ارب 46 کروڑ 70 لاکھ ڈالر بڑھ گیا ہے۔
وفاقی ادارہ شماریات کی جانب سے جاری کردہ اعدادوشمار کے مطابق جولائی تا اکتوبر تجارتی خسارے کا حجم 12 ارب 58 کروڑ ڈالر سے تجاوز کر گیا ہے جبکہ گزشتہ مالی سال اسی مدت میں تجارتی خسارہ 9 ارب 11 کروڑ ڈالر تھا۔
رپورٹ میں بتایا گیا کہ ابتدائی چار ماہ میں ملکی برآمدات میں چار فیصد سے زائد کمی آئی ہے، جولائی تا اکتوبر برآمدات کا حجم 10 ارب 44 کروڑ 80 لاکھ ڈالر رہا۔
اس دوران غیر ملکی درآمدات 15.13 فیصد اضافے سے 23 ارب ڈالر سے تجاوز کر گئیں البتہ ستمبر کے مقابلے میں اکتوبر 2025 میں برآمدات میں 14 فیصد اضافہ ہوا۔
ادارہ شماریات کی رپورٹ کے مطابق اکتوبر میں برآمدات 2.49 ارب ڈالر سے بڑھ کر 2.84 ارب ڈالر تک پہنچ گئی ہیں ماہانہ بنیاد پر تجارتی خسارے میں 4.21 فیصد کمی، حجم 3.20 ارب ڈالر رہا۔
مزید بتایا گیا کہ ستمبر کے مقابلے اکتوبر میں درآمدات 3.57 فیصد اضافے سے 6 ارب ڈالر سے تجاوز کر گئی ہیں، اکتوبر 2024کے مقابلے میں گزشتہ ماہ برآمدات میں 4.46 فیصد کمی واقع ہوئی ہے۔
سابق بھارتی کرکٹر اظہر الدین تلنگانہ کے پہلے مسلم وزیر بن گئے