ببرک شاہ نے ریما کو ’اوور ریٹڈ‘ قرار دے دیا
اشاعت کی تاریخ: 23rd, September 2025 GMT
پاکستانی ٹی وی اور فلم کے معروف اداکار ببرک شاہ نے معروف اداکارہ ریما کو ’اوور ریٹڈ‘ قرار دے دیا۔
اپنی جرات مندانہ اور بے باک رائے سے متعلق شہرت رکھتے ہیں، انہوں نے متعدد مشہور ڈراموں اور فلموں میں اپنا لوہا منوایا ہے، وہ پشتو فلموں اور ڈراموں میں بھی جلوہ گر ہو چکے ہیں، ببرک شاہ اپنے کیرئیر کے ساتھ ساتھ ذاتی زندگی، بالخصوص اداکارہ وینا ملک کے ساتھ تعلقات کے باعث بھی خبروں میں رہے ہیں۔
حال ہی میں ان کا ایک انٹرویو سوشل میڈیا پر وائرل ہوا ہے، جس میں انہوں نے اداکارہ ریما خان کی فنی صلاحیتوں پر بات کی ہے۔
ان کا کہنا تھا کہ ریما جی اوور ریٹڈ تھیں، اگرچہ وہ بہت خوبصورت خاتون تھیں، برا نہ مانیں، وہ بے شک حسین تھیں لیکن بطور اداکارہ انہوں نے کبھی اپنی صلاحیت ثابت نہیں کی۔
ببرک شاہ نے کہا کہ وہ رقص میں ماہر تھیں مگر اداکاری میں ان کا کام کمزور رہا، فلم نکاح میں انہوں نے اپنی اداکاری نکھارنے کی کوشش کی لیکن کامیاب نہ ہو سکیں، ریما زیادہ تر خوبصورتی اور ڈانس پرفارمنس کی وجہ سے جانی جاتی تھیں، جبکہ اصل آرٹسٹ کے طور پر سیما کو شہرت ملی اور بعد میں میرا نے بھی اپنی اداکاری سے خود کو منوایا۔
یہ بیان سوشل میڈیا پر بحث کا موضوع بن گیا ہے اور مداحوں کی جانب سے مختلف آراء سامنے آرہی ہیں۔
Post Views: 2.ذریعہ: Daily Mumtaz
پڑھیں:
امریکا ایک تحفہ ہے اور اس کا سب سے قیمتی اثاثہ اس کے لوگ ہیں، سعودی سفیر شہزادی ریما بنت بندر
امریکا میں سعودی عرب کی سفیر شہزادی ریما بنت بندر نے امریکا بزنس فورم، میامی میں خطاب کے دوران امریکا کو ‘ایک نعمت’ قرار دیا اور اس کی تنوع اور مواقع کی تعریف کی۔
انہوں نے عالمی سرمایہ کاروں سے خطاب میں کہا کہ سعودی عرب مشرقِ وسطیٰ کا دروازہ ہے اور سرمایہ کاری کے لیے بہترین مرکز بن چکا ہے۔
یہ بھی پڑھیے: سعودی شہزادی ریما کے وہ اقدامات جو عالمی سفارتکاری کو نیا رخ دے رہے ہیں
شہزادی ریما نے امریکا-سعودی تعلقات پر بات کرتے ہوئے کہا کہ یہ تعلق اب صرف توانائی اور دفاع پر نہیں بلکہ ٹیکنالوجی، جدت، کاروبار اور تعلقات پر مبنی ہے۔
انہوں نے بتایا کہ سعودی عرب کے بڑھتے ہوئے سفارتی کردار پر فخر ہے اور امریکا نے بھی ریاض کی امن و استحکام کے لیے کوششوں کو سراہا ہے۔ ہمیں سب سے پہلے جس کام کی ذمہ داری دی گئی، وہ وائٹ ہاؤس اور صدر [ٹرمپ] کو روس اور یوکرین کے معاملات میں تعاون فراہم کرنا تھا۔
شہزادی ریما کے مطابق سعودی عرب شام اور غزہ میں تعاون جاری رکھے ہوئے ہے، دو ریاستی حل کی حمایت کرتا ہے اور سوڈان میں جنگ کے خاتمے کے لیے بھی سرگرم کردار ادا کر رہا ہے۔ تاہم انہوں نے کہا کہ یہ سب امریکا کے بغیر ممکن نہیں، اور ہمیں فخر ہے کہ ہم امریکی خارجہ پالیسی کے ساتھ قدم سے قدم ملا کر چل رہے ہیں۔
یہ بھی پڑھیے: امریکا روس مذاکرات کی میزبانی پر پیوٹن کا سعودیہ سے اظہار تشکر
انہوں نے کہا، ‘میرے خیال میں بہت سے امریکیوں کو اس ملک کی برکتوں اور خوبصورتی کا احساس نہیں۔ یہ ملک ایک تحفہ ہے، اور اس کا سب سے قیمتی اثاثہ اس کے لوگ ہیں۔’
ان کا کہنا تھا کہ ہم چاہتے ہیں کہ امریکا کے لیے ایک دوست اور مددگار ملک بنیں تاکہ وہ ترقی کرے، کیونکہ کوئی بھی اکیلا کامیاب نہیں ہو سکتا، اور ہم چاہتے ہیں کہ امریکا جیتے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
غزہ کی جنگ بندی اور انسانی بحران پر استنبول میں اعلیٰ سطح اجلاس، مسلم وزرائے خارجہ کی شرکت متوقع