ناسا نے پانچ کلومیٹر پر پھیلا ہوا نیا جزیرہ دریافت کر لیا
اشاعت کی تاریخ: 23rd, September 2025 GMT
نیشنل ایروناٹکس اینڈ اسپیس ایڈمنسٹریشن (ناسا) نے ایک نیا جزیرہ دریافت کر لیا۔
ناسا کے سیٹلائٹ نے حال ہی میں امریکی ریاست الاسکا کے ساحل کی ایک تصویر جاری کی ہے۔ اس تصویر میں ساحل پر ایک جزیرہ دیکھا جاسکتا ہے جو وہاں طویل عرصے سے جمی برف پگھلنے سے تشکیل پایا ہے۔
یہ جزیرہ السیک جھیل کے اندر واقع ہے جہاں السیک گلیشیئر بتدریج پگھل رہا ہے اور علاقے کو پانی سے بھر رہا ہے۔ناسا نے السیک گلیشیئر دو تصاویر شیئر کی ہیں جن میں سے ایک 5 جولائی 1984 کو لی گئی پرانی تصویر ہے اور دوسری 6 اگست 2025 کو لی گئی نئی تصویر ہے۔
امریکی خلائی ادارے نے دونوں تصاویر کا آپس میں موازنہ کرتے ہوئے بتایا کہ السیک گلیشیئر نے ماضی میں ایک پہاڑ کو اپنی لپیٹ میں لے لیا تھا جسے پرو نوب کہا جاتا تھا اور اب پچھلی 4 دہائیوں کے دوران یہ گلیشیئر 5 کلو میٹر سے زیادہ پگھل گیا جس کے بعد وہاں اب ایک جھیل بن گئی ہے۔ ناسا نے مزید بتایا کہ نئی تصویر اس بات کی تصدیق کرتی ہے کہ پہاڑ اب گلیشیئر سے مکمل طور پر الگ ہو گیا ہے جو کہ پانی سے گھرا ہوا ہے اور اسے سرکاری طور پر ایک جزیرے کا درجہ دے دیا گیا ہے۔
.ذریعہ: Juraat
پڑھیں:
ترکی میں 5 ہزار سال پرانے برتن دریافت، ابتدائی ادوار میں خواتین کے نمایاں کردار پر روشنی
ترکی کے مغربی صوبے ازمیر میں ماہرینِ آثارِ قدیمہ نے 5 ہزار سال قدیم برتن دریافت کیے ہیں جن پر ہار کے نقش و نگار بنے ہوئے ہیں۔ ماہرین کے مطابق یہ دریافت ابتدائی انسانی بستیوں میں خواتین کے نمایاں سماجی کردار کو ظاہر کرتی ہے۔
یہ بھی پڑھیں:ماہرین آثار قدیمہ نے یورپ کی سب سے بڑی اجتماعی قبر دریافت کر لی
یہ قدیم برتن یاسی تپے ٹیلے (Yassitepe Mound) سے ملے ہیں، جہاں ایجے یونیورسٹی کی ماہرین کی ٹیم کھدائی کے کام کی قیادت کر رہی ہے۔
خواتین کی علامت اور فنِ کاریگری کا عروج
کھدائی کے سربراہ پروفیسر ظافر درین نے بتایا کہ رواں سال کی تحقیق کے دوران درجنوں نایاب پلیٹیں اور برتن برآمد ہوئے جن پر نہایت نفیس ڈیزائن کندہ ہیں۔
Yer: İzmir! 5 bin yıllık detay hayrete düşürdü https://t.co/455NzlvPmc pic.twitter.com/SdeMf0YPoX
— CNN TÜRK (@cnnturk) November 6, 2025
ان میں سے بیشتر پر ہار اور زیورات جیسے نقوش پائے گئے ہیں، جو اس بات کی علامت ہیں کہ اس دور میں خواتین کو سماجی اور مذہبی طور پر اہم مقام حاصل تھا۔
پروفیسر درین کے مطابق یہ تمام برتن پکی مٹی سے تیار کیے گئے ہیں اور ابتدائی کانسی کے دور (Early Bronze Age) سے تعلق رکھتے ہیں۔ چھوٹے برتنوں پر بھی مختلف سجاوٹی پیٹرن دیکھنے میں آئے ہیں جو اس وقت کے فنکاروں کی باریک کاریگری کی جھلک پیش کرتے ہیں۔
ثقافتی و تجارتی سرگرمیوں کا مرکز
ماہرین کا کہنا ہے کہ یاسی تپے محض رہائشی علاقہ نہیں تھا بلکہ ثقافتی اور تجارتی مرکز بھی تھا، جہاں خواتین نہ صرف گھریلو بلکہ تقریبی اور معاشی سرگرمیوں میں بھی کلیدی کردار ادا کرتی تھیں۔
یہ دریافت اس بات کی گواہی دیتی ہے کہ پانچ ہزار سال قبل کی تہذیب میں بھی خواتین سماجی اور روحانی زندگی کے مرکز میں تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آثار قدیمہ ازمیر برتن ترکیے
روس کے یوکرین پر فضائی حملے، 2 بچوں سمیت 9 افراد ہلاک