ناسا نے 10 نئے خلاباز امیدواروں کا اعلان کردیا
اشاعت کی تاریخ: 23rd, September 2025 GMT
امریکی خلائی ادارے ناسا نے پیر کے روز 10 نئے خلاباز امیدواروں کا اعلان کیا ہے، جنہیں 8 ہزار سے زائد درخواست گزاروں میں سے سخت جانچ پڑتال کے بعد منتخب کیا گیا ہے۔
ان امیدواروں کو 2 سالہ تربیت مکمل کرنے کے بعد خلائی مشنوں میں شمولیت کی اجازت ملے گی، جن میں زمین کے قریب مدار، چاند اور مریخ پر سائنسی و تحقیقی مہمات شامل ہیں۔
میڈیا رپورٹس کے مطابق ہیوسٹن میں واقع جانسن اسپیس سینٹر میں منعقدہ تقریب کے دوران اس نئے بیچ کا خیرمقدم کیا گیا۔
یہ بھی پڑھیں:
قائم مقام ناسا ایڈمنسٹریٹر شان ڈفی نے کہا کہ وہ اس نئی نسل کے امریکی خلائی مہم جوؤں کو خوش آمدید کہتے ہوئے فخر محسوس کرتے ہیں۔
ان کا کہنا تھا کہ ملک کے کونے کونے سے سائنسدان، انجینئر، پائلٹ اور خواب دیکھنے والے افراد نے درخواست دی، اور منتخب ہونے والے یہ 10 مرد و خواتین اس بات کا ثبوت ہیں کہ امریکا میں محنت اور خوابوں کی کوئی حد نہیں، حتیٰ کہ خلا تک جانا بھی ممکن ہے۔
تربیتی پروگرام میں بین الاقوامی خلائی اسٹیشن پر آپریشنز، آرٹیمس مشن کے تحت چاند پر جانے کی تیاری، روبوٹکس، زمین اور پانی میں بقا کی مشقیں، ارضیات، غیر ملکی زبانیں، خلائی طب اور جسمانی تربیت شامل ہیں۔
مزید پڑھیں:
اس کے ساتھ امیدوار فرضی خلائی چہل قدمی اور جدید جنگی طیاروں کی پرواز کی مشقیں بھی کریں گے۔
تربیت مکمل کرنے کے بعد یہ تمام امیدوار ناسا کے فعال خلابازوں کی ٹیم میں شامل ہوجائیں گے۔
نئے منتخب ہونے والے مستقبل کے خلابازوں میں بین بیلی، لارن ایڈگر، ایڈم فرہمان، کیمرون جونز، یوری کوبو، ربیکا لاولر، انا مینن، امیلڈا مولر، ایرن اوورکیش اور کیتھرین اسپائس شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی خلائی ادارے تحقیقی مہمات جانچ پڑتال جانسن اسپیس سینٹر خلائی اسٹیشن ناسا ہیوسٹن.
ذریعہ
ذریعہ: WE News
کلیدی لفظ: امریکی خلائی ادارے تحقیقی مہمات جانچ پڑتال جانسن اسپیس سینٹر خلائی اسٹیشن ہیوسٹن
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار