کمار سانو کی سابقہ اہلیہ نے گلوکار پر سنگین الزامات عائد کردیئے
اشاعت کی تاریخ: 23rd, September 2025 GMT
بھارتی گلوکار کمار سانو کی سابقہ اہلیہ ریٹا بھٹاچاریہ نے گلوکار پر سنگین الزامات عائد کردیئے۔
بھارتی میڈیا کے مطابق گلوکار کمار سانو نے 1986 میں ریٹا سے شادی کی تھی اور ان کے تین بچے ہیں۔ تاہم 1994 میں اداکارہ کنیکا سدانند کے ساتھ ان کے تعلقات کے منظر عام پر آنے کے بعد ان کی پہلی اہلیہ نے ان سے راہیں جُدا کرلیں اور بچوں کی کسٹڈی بھی ریٹا کو ہی ملی۔
ایک حالیہ انٹرویو میں ریٹا نے کمار سانو پر شادی کے دوران بدسلوکی اور بدتمیزی کے الزامات عائد کیے ہیں جس کی وجہ سے کمار سانو خبروں کی سُرخیوں کا حصہ بن گئے ہیں۔
کمار سانو کی سابقہ اہلیہ نے کہا کہ انہوں نے سابق شوہر کے کیریئر کو سنوارنے میں اہم کردار ادا کیا، لیکن شہرت ملنے کے بعد شوہر نے انہیں چھوڑ دیا۔ ریٹا کے مطابق کمار سانو کبھی بھی گلوکاری کے لیے پرجوش نہیں تھے یہ ریٹا ہی تھیں جنہوں نے ان کو حوصلہ دیا اور ان کا ساتھ دیا۔
ریٹا نے بتایا کہ ممبئی کے ابتدائی دنوں میں مالی مشکلات کے باوجود انہوں نے کمار سانو کا ساتھ دیا، لیکن فلم ’عاشقی‘ کی کامیابی کے بعد ان کا رویہ بدل گیا۔ ریٹا نے گلوکار پر سنگین الزامات عائد کرتے ہوئے کہا کہ دوران حمل انہیں گلوکار کی بدسلوکی کا سامنا کرنا پڑا، ان کے کھانے پینے اور بچوں کی دیکھ بھال میں رکاوٹیں ڈالی گئیں۔
ریٹا بھٹاچاریہ نے کہا کہ اس دوران انہیں عدالت میں بھی لے جایا گیا اور کمار سانو کا افیئر بھی شروع ہو گیا جو ان کی طلاق کی وجہ بنا۔
.ذریعہ: Express News
کلیدی لفظ: الزامات عائد
پڑھیں:
اکشے کمار نے کپل شرما کے کیفے پر فائرنگ کو بھی مزاق بنا دیا
اکشے کمار اور کپل شرما کے مقبول شو ’دی گریٹ انڈین کپل شو‘ میں ایک ایسا لمحہ آیا جس نے سب کی توجہ حاصل کر لی۔ اکشے کمار نے مذاق میں کپل کے کینیڈین کیفے پر ہونے والے حالیہ حملوں کا ذکر کیا، جو اس سنجیدہ معاملے کو دوبارہ خبروں میں لے آیا۔
اکشے کمار نے شو کے دوران مذاق کرتے ہوئے کہا کہ کپل شرما نے کلرز اور سونی پر کامیابیاں سمیٹنے کے بعد اب نیٹ فلکس پر بھی تین سیزن مکمل کر لیے ہیں۔ اس کے ساتھ وہ دو فلموں کی شوٹنگ میں مصروف ہیں اور بیرون ملک اپنا ریسٹورنٹ بھی کھول چکے ہیں۔ اکشے نے ہنستے ہوئے کہا، ’اتنی آمدنی ہے وہاں کہ گولیاں بھی چلنے لگ گئی ہیں۔‘ ان کے اس جملے پر محفل قہقہوں سے گونج اٹھی، جبکہ کپل شرما صرف مسکرا کر رہ گئے۔
یاد رہے کہ کپل شرما نے اپنی اہلیہ کے ساتھ جولائی 2025 کو کینیڈا کے شہر سرے میں ’کپس کیفے‘ کا آغاز کیا تھا۔ ابتدا سے ہی کیفے کو عوام کی بھرپور پذیرائی ملی اور روزانہ طویل قطاریں کیفے کے باہر دکھائی دیتی تھیں۔ مگر بدقسمتی سے، افتتاح کے صرف چھ دن بعد علی الصبح نامعلوم افراد نے کیفے پر فائرنگ کر دی۔ اس سے بھی زیادہ افسوسناک بات یہ ہے کہ 8 اگست کو دوبارہ کیفے کو فائرنگ کا نشانہ بنایا گیا، جس میں تقریباً 25 گولیاں چلائی گئیں۔
ان واقعات کے بعد کپس کیفے کے آفیشل انسٹاگرام اکاؤنٹ پر ایک بیان جاری کیا گیا جس میں کہا گیا کہ یہ کیفے محبت اور کمیونٹی کے جذبے کے ساتھ شروع کیا گیا تھا، مگر تشدد نے ان خوابوں کو جھنجھوڑ کر رکھ دیا۔ انہوں نے عوام کی دعاؤں اور تعاون پر شکریہ ادا کیا اور مقامی پولیس فورسز، سرے پولیس اور ڈیلٹا پولیس ڈیپارٹمنٹ کا بروقت مدد پر خصوصی طور پر شکریہ ادا کیا۔
کپل کے اس ریسٹورنٹ پر گولی باری کے واقعات ہو چکے ہیں، اور اس کی وجہ مبینہ طور پر گینگسٹر لارنس بشنوئی سے جڑا ایک گینگسٹر ہیری باکسر ہے۔ اس کا ایک آڈیو پیغام بھی وائرل ہوا ہے، جس میں وہ نہ صرف کپل کو دھمکیاں دے رہا ہے بلکہ سلمان خان کے ساتھ کام کرنے والوں کو بھی نشانہ بنانے کی بات کر رہا ہے۔
Post Views: 1
عالمی تنازعات میں اموات کا بڑا سبب کلسٹر بم، یو این رپورٹ