بھارت میں بے روزگاری کا براہ راست تعلق ووٹ چوری سے ہے، راہل گاندھی
اشاعت کی تاریخ: 23rd, September 2025 GMT
کانگریس لیڈر نے کہا کہ اب نوجوان نہ تو نوکری کی چوری برداشت کرینگے اور نہ ہی ووٹ کی چوری کو، ہندوستان کو بے روزگاری اور ووٹ چوری سے آزاد کرنا اب سب سے بڑا ووٹ ہے۔ اسلام ٹائمز۔ بہار اسمبلی انتخابات سے قبل پارلیمنٹ میں اپوزیشن لیڈر راہل گاندھی مبینہ "ووٹ چوری" کے معاملے پر مسلسل مودی حکومت کو نشانہ بنا رہے ہیں۔ انہوں نے بڑھتی ہوئی بے روزگاری کے معاملے پر حکومت کو نشانہ بنایا۔ کانگریس لیڈر نے مودی حکومت پر تنقید کی کہ وہ نوجوانوں میں بڑھتی ہوئی بے روزگاری کے مسئلے کو حل کرنے میں ناکام رہی۔ راہل گاندھی نے اس مسئلہ کو ووٹ فراڈ اور ووٹ چوری سے جوڑ دیا۔ کانگریس لیڈر نے سوشل میڈیا پر لکھا کہ بھارت میں نوجوانوں کو درپیش سب سے بڑا مسئلہ بے روزگاری ہے اور اس کا براہ راست تعلق ووٹ چوری سے ہے، جب کوئی حکومت عوام کا اعتماد جیت کر اقتدار میں آتی ہے تو اس کا اولین فرض نوجوانوں کو روزگار اور مواقع فراہم کرنا ہوتا ہے لیکن بی جے پی ایمانداری سے الیکشن نہیں جیتتی، وہ ووٹ چوری کرکے اور اداروں میں ہیرا پھیری کرکے اقتدار میں رہتی ہے، یہی وجہ ہے کہ بے روزگاری 5 سال میں سب سے زیادہ ہے۔
راہل گاندھی نے اپنی پوسٹ میں دو ویڈیوز بھی شیئر کی ہیں۔ ایک ویڈیو میں احتجاج کرنے والے طلباء پر پولیس کا لاٹھی چارج دکھایا گیا ہے۔ ایک اور ویڈیو میں وزیراعظم نریندر مودی کو پودے لگاتے اور پانی دیتے ہوئے دکھایا گیا ہے۔ راہل گاندھی نے پوسٹ میں لکھا کہ ملک کے نوجوان سخت محنت کرتے ہیں، خواب دیکھتے ہیں، اور اپنے مستقبل کے لئے لڑتے ہیں لیکن مودی صرف اپنے پی آر، مشہور شخصیات کی توثیق اور ارب پتیوں کے منافع میں مصروف ہیں، نوجوانوں کی امیدوں کو توڑنا اور انہیں مایوس کرنا اس حکومت کی پہچان بن گیا ہے۔ راہل گاندھی نے اپنی پوسٹ میں پیپر لیک کا مسئلہ بھی اٹھایا۔ انہوں نے الزام لگایا کہ بھرتی کا عمل تباہ ہو رہا ہے۔ انہوں نے لکھا کہ ہر امتحان پیپر لیک کی کہانیوں سے جڑا ہوا ہے اور ہر بھرتی کرپشن کی کہانیوں سے جڑی ہوئی ہے۔
انہوں نے دعویٰ کیا کہ نوکریاں کم ہو رہی ہیں، بھرتی کا عمل درہم برہم ہوگیا ہے اور نوجوانوں کا مستقبل تاریکیوں میں دھکیلا جا رہا ہے۔ اپنی پوسٹ کے آخر میں راہل گاندھی نے امید ظاہر کرتے ہوئے لکھا کہ اب حالات بدل رہے ہیں، ہندوستان کے نوجوانوں نے سمجھ لیا ہے کہ اصل لڑائی صرف نوکریوں کی نہیں، بلکہ ووٹ چوری کے خلاف ہے کیونکہ جب تک الیکشن چوری ہوں گے، بے روزگاری اور بدعنوانی بڑھتی رہے گی۔ انہوں نے کہا کہ اب نوجوان نہ تو نوکری کی چوری برداشت کریں گے اور نہ ہی ووٹ کی چوری کو۔ ہندوستان کو بے روزگاری اور ووٹ چوری سے آزاد کرنا اب سب سے بڑا ووٹ ہے۔
ذریعہ
ذریعہ: Islam Times
کلیدی لفظ: راہل گاندھی نے ووٹ چوری سے بے روزگاری انہوں نے لکھا کہ کی چوری
پڑھیں:
چاہتا ہوں کرنسی سے قائداعظم کی تصویر ہٹا دی جائے، شہزاد نواز نے ایسا کیوں کہا؟
پاکستانی اداکار شہزاد نواز نے اپنی خواہش کا اظہار کرتے ہوئے کہا کہ وہ چاہتے ہیں پاکستانی کرنسی سے بانی پاکستان قائد اعظم محمد علی جناح کی تصویر ہٹا دی جائے۔حال ہی میں شہزاد نواز سے اداکار علی سفینہ نے انٹرویو لیا جس میں ملکی حالات سمیت دیگر اہم موضوعات پر گفتگو کی گئی۔علی سفینہ نے کہا 'جب بھی کوئی حکومت بدلتی ہے تو آپ کو اپنے اردگرد تبدیلیاں نظر آتی ہیں، مثلاً ایک ثقافتی پالیسی کہتی ہے کہ قائداعظم اور علامہ اقبال ہیرو ہیں، ہم ان کے دور حکومت میں ان سب کو دیکھتے ہیں، ان کی تصاویر لگائی جاتی ہیں کہ پھر دوسری آنے والی حکومت ان کی تصویریں ہٹا کر اپنے قائدین کی تصویریں لگادیتے ہیں'۔شہزاد نواز نے سوال کیا کیا ایسا ہوا ہے؟ یہ غالباً کراچی ائیرپورٹ پر ہوا تھا، جواب میں علی نے کہا بالکل۔علی سفینہ سے گفتگو کے دوران شہزاد نواز کا کہنا تھا 'اگر یہ میرے اختیار میں ہوتا تو میں تمام کرنسی نوٹوں سے قائداعظم کی تصویر ہٹا دوں گا کیونکہ لوگوں میں کوئی شرم نہیں ہے، رشوت لے رہے ہیں اور دے رہے ہیں، فراڈ میں ملوث ہیں جب کہ کرنسی نوٹوں پر ان کی تصویر ہے اور وہ آپ کو یہ سب کرپٹ کام کرتے دیکھ رہے ہیں'۔انہوں نے کہا 'اگر اسی طرح نوٹوں کی سرعام بے عزتی ہوتی رہی تو اس تصویر کا کیا فائدہ، ضیاالحق کے دور میں بڑی اچھی تبدیلی آئی کے نوٹوں پر عبارت درج کی گئی رزقِ حلال عین عبادت ہے'۔شہزاد نواز نے کہا 'بعدازاں مشرف کے دور میں اس عبارت کو چھوٹا کردیا گیا، میرے خیال میں اب اسے نوٹوں پر سے نکال دینا چاہیے'۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ